ني جيجى: بيىل تۇتىنۋدىڭ ورنىقتى تۇردە ارتۋى مىناداي ءتورت جاقتان ىلگەرىلەتىلدى
2019.03.07 16:47 كەلۋ قاينارى : حالىق تورابى
مەملەكەتتىك دامۋ – رەفورما كوميتەتى مەڭگەرۋشىسىنىڭ ورىنباسارى نيڭ جيجى تىلشىلەردىڭ سۇراۋىنا جاۋاپ بەردى. حالىق تورابىنىڭ ءتىلشىسى ۋىڭ چييۇي فوتوسى
حالىق تورابى، 3 – ايدىڭ 6 – كۇنى، بەيجيڭ. 13 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ اقپارات ورتالىعى 3 – ايدىڭ 6 – كۇنى تۇستەن بۇرىن تىلشىلەردى قابىلداۋ جيىنىن اشىپ، مەملەكەتتىك دامۋ – رەفورما كوميتەتىنىڭ مەڭگەرۋشىسى حى ليفىڭدى، مەڭگەرۋشىنىڭ ورىنباسارى نيڭ جىجىنى، مەڭگەرۋشىنىڭ ورىنباسارى ليان ۋەيلياڭدى «ەكونوميكانىڭ جوعارى ساپامەن دامۋىن كۇش سالا ىلگەرىلەتۋگە» قاتىستى ماسەلەلەر جونىندە تىلشىلەردىڭ سۇراۋىنا جاۋاپ بەرۋگە ۇسىنىس ەتتى. نيڭ جيجى مىنانى ءبىلدىردى: تۇتىنۋ حالىق شارۋاشىلىعى مەن قوعام دامۋىندا نەگىزدىك رول اتقارادى، بىلتىر تۇتىنۋدىڭ ارتۋىنىڭ ەكونوميكانىڭ ارتۋىنا قوسقان ۇلەسى %76.2 بولىپ، قاتارىنان التى جىل بويى ەكونوميكانىڭ ارتۋىنىڭ ءبىرىنشى قوزعاۋشى كۇشى بولدى.
نيڭ جيجى مىنانى ءبىلدىردى: بيىل تۇتىنۋدىڭ ورنىقتى تۇردە ارتۋى جونىندە، ورتالىقتىڭ ەكونوميكا قىزمەتى جونىندەگى ماجىلىسىندە باس شۋجي شي جينپيڭ انىق تالاپ قويعان، لي كىچياڭ زۇڭلي «ۇكىمەت قىزمەتىنەن باياندامادا» تۇتىنۋدىڭ ورنىقتى تۇردە ارتۋى جونىندە ءبىرقىدىرۋ ساياساتتىق تالاپتاردى ورتاعا قويدى. بيىل تۇتىنۋدىڭ ورنىقتى ارتۋى مىناداي ءتورت جاقتان ىلگەرىلەتىلەدى:
بىرىنشىدەن، تۇتىنۋدى ىلگەرىلەتۋ جونىندەگى ساياساتتاردى تياناقتاندىرۋ كەرەك. بيىل 1 – ايدا مەملەكەتتىك دامۋ – رەفورما كوميتەتى ون تاراۋمەن بىرگە «قامداۋدى اناعۇرلىم كەمەلدەندىرىپ، تۇتىنۋدىڭ ورنىقتى ارتۋىن ىلگەرىلەتۋ، ەل ىشىندەگى قۋاتتى نارىقتىڭ قالىپتاسۋىن ىلگەرىلەتۋ جونىندەگى اتقارىلاتىن جوبانى» تاراتىپ، اۆتوموبيىل تۇتىنۋ، وتباسىلىق ەلەكتر جابدىقتارىن تۇتىنۋ، زالالسىز تۇتىنۋ، ينفورماتسيالىق تۇتىنۋ، زەينەتكەرلىك قىزمەت وتەۋى، سپورت جارىستارى قاتارلى جاقتاردى ىلگەرىلەتۋگە ءبىرقىدىرۋ ساياساتتىق شارالاردى ورتاعا قويدى، «ۇكىمەت قىزمەتىنەن باياندامادا» ورتاعا قويىلعان ءبىرقىدىرۋ ساياساتتىق شارالاردى مەملەكەتتىك دامۋ – رەفورما كوميتەتى ۇزدىكسىز ىلگەرىلەتۋى، دايەكتى تياناقتاندىرۋى كەرەك.
ەكىنشىدەن، تۇرعىنداردىڭ تۇتىنۋ قۋاتىن كۇشەيتۋ كەرەك. ءتۇرلى شارالار ارقىلى قالا – اۋىل تۇرعىندارىنىڭ كىرىسىن ارتتىرۋ كەرەك، ەڭ الدىمەن، ارتۋدى ورنىقتىرىپ، كاسىپتەنۋ بەتالىسىن ساقتاپ، كىرىستى ارتتىرۋدى ىلگەرىلەتۋ، تۇرعىنداردىڭ كىرىسىنىڭ ارتۋىنىڭ ەكونوميكانىڭ ارتۋىمەن نەگىزىنەن بىردەي بولۋىن ىلگەرىلەتۋ كەرەك. ونان سوڭ، اكىمشىلىكتى قاراپايىمداستىرىپ، باجىنى تومەندەتىپ، اقىنى ازايتىپ، كىرىستى ارتتىرۋ، جەكەلىك تابىس باجىسىنداعى باجىنى ازايتۋ ساياساتىنا ۇيلەسەتىن 80 ميلليونعا جۋىق باجى تاپسىرۋشىنى ءتيىستى تيىمدىلىكتەردەن يگىلىكتەندىرۋ كەرەك. مۇنان سىرت، الەۋمەتتىك قىزمەت وتەۋدىڭ ولقى تۇستارىن تولىقتاپ، كىرىستىڭ ارتۋىن جەبەۋ كەرەك، بيىل قازىنانىڭ نەگىزدىك حالىق تۇرمىسىنا قوسىلىمى ارتپاسا كەمەيمەيدى، ونىڭ ۇستىنە تەحنيكالىق جاقتا قابىلەتتى دارىندىلار، جاڭا تيپتەگى كاسىپتىك ديحاندار، زەرتتەۋ قىزمەتكەرلەرى قاتارلى ءتۇيىندى توپتارعا باعىتتالعان كىرىستى ارتتىرۋعا شابىتتاندىرۋ جوسپارىن اتقارۋ ىلگەرىلەتىلەدى، تۇرعىنداردىڭ كىرىسىن ارتتىرۋدىڭ ءۇش جىلدىق ارەكەت جوباسى زەرتتەپ بەلگىلەنىپ، كىرىس ءبولىسى تۇزىمىنە ىشكەرىلەي رەفورما جاسالادى.
ۇشىنشىدەن، ءتۇيىندى سالالارداعى تۇتىنۋدى كەڭەيتۋ. ناقتى زاتتارعا باعىتتالعان تۇتىنۋدىڭ دارەجەسىن ارتتىرۋدى ىلگەرىلەتىپ، كونەرگەن اۆتوكولىكتەردى ىستەن شىعارۋ جانە جاڭالاۋدى ىلگەرىلەتىپ، جاڭا ەنەرگيالى اۆتوكولىكتەردى ساتىپ الۋعا باعىتتالعان ساياساتتاردى ۇزدىكسىز اتقارۋ كەرەك، G5 تەحنيكاسىنىڭ ساۋدالىق پايدالانۋىن ورىستەتۋ جونىندە جەدەل ورنالاستىرۋ جاساۋ كەرەك، جاڭا وتباسىلىق ەلەكتر بۇيىمدارىن اتاپ ءوتتىڭىز، زالالسىز وتباسىلىق ەلەكتر جابدىقتارىن تۇتىنۋعا شابىتتاندىرۋ جانە قولداۋ كورسەتۋ كەرەك. قىزمەت وتەۋدى تۇتىنۋ كولەمىنىڭ كەڭەيۋىن جەبەپ، ساياحات كاسىبىن دامىتۋ جانە ۇلعايتۋ كەرەك، مادەنيەت، كينو، كوڭىل اشۋ جاقتارىنداعى تۇتىنۋدىڭ تاماشا بەتالىسىن ارتتىرىپ، سپورت، دەنە شىنىقتىرۋ قاتارلى تۇتىنۋ تۇرلەرىنىڭ تىڭ ءورىسىن كەڭەيتۋ كەرەك.
تورتىنشىدەن، نارىقتاعى تۇتىنۋ ورتاسىن جاقسارتۋ كەرەك. تۇتىنۋشىلاردىڭ ۇقىق – مۇددەسىن قورعاۋدى كۇشەيتىپ، تۇتىنۋ سالاسىنداعى كاسىپورىندار مەن جەكەلەردىڭ سەنىمدىلىك جۇيەسى قۇرىلىسىن كۇشەيتىپ، ماڭىزدى تاۋارلاردىڭ ساپاسىن ىزىنە ءتۇسىپ تەكسەرۋ جۇيەسىن قۇرۋ كەرەك، جالعان، جارامسىز بۇيىمداردى ساتۋعا قاتىستى ارەكەتتەرگە سوققى بەرۋ تەبىنىن ارتتىرىپ، ساياحات قاتارلى سالالارداعى قىزمەت وتەۋ مەن اقى الۋدىڭ ولشەمىن بەلگىلەۋ جانە ونى كەمەلدەندىرۋ كەرەك، قولايلى اقى تولەۋ تاسىلدەرىنىڭ جالپىلاسۋى مەن دارەجەسىنىڭ جوعارىلاۋىن ىلگەرىلەتۋ كەرەك، ينتەرنەتتەگى جانە ينتەرنەتتەن تىس تۇتىنۋدىڭ توعىسا دامۋىن ىلگەرىلەتىپ، جۇرتشىلىقتىڭ الاڭسىز تۇتىنۋىنا، قولايلى تۇتىنۋىنا شارت – جاعداي جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
