مەملەكەت بويىنشا جان سانىنا جەتىنشى رەت جالپى بەتتىك تەكسەرۋ جۇرگىزۋدەگى ناق مايداندا تىزىمگە الۋ قىزمەتى رەسمي باستالدى
2020.11.02 14:03 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى چىن ۋەيۋەي، تاي سىسۇڭ، ساڭ تۇڭ، جاۋ زىحۇي، ياڭ جيڭدەردىڭ 11 – ايدىڭ 1 – كۇنى بەيجيڭنەن بەرگەن حابارى 11 – ايدىڭ 1 – كۇنى، مەملەكەت بويىنشا جان سانىنا جەتىنشى رەت جالپى بەتتىك تەكسەرۋ جۇرگىزۋدەگى ناق مايداندا تىزىمگە الۋ قىزمەتى رەسمي باستالدى، جالپى بەتتىك تەكسەرۋ جۇرگىزۋ قىزمەتكەرلەرىنەن 7 ميلليوننان استام قىزمەتكەر سان مىڭداعان وتباسىلارعا بارىپ، كىسى سايىن، ءار ءتۇر بويىنشا جالپى بەتتىك تەكسەرۋ ينفورماتسيالارىن تىزىمگە الادى.
ۇعىسۋعا قاراعاندا، جاڭا جۇڭگو قۇرىلعاننان بەرى، ەلىمىزدە جيىنى 6 رەت بۇكىل مەملەكەت بويىنشا جان سانىنا جالپى بەتتىك تەكسەرۋ جۇرگىزىلگەن. مەملەكەت بويىنشا جان سانىنا جەتىنشى رەت جالپى بەتتىك تەكسەرۋ جۇرگىزۋ — جۇڭگوشا سوتسياليزم جاڭا داۋىرگە قادام تاستاعان، ەلىمىز جان سانىنىڭ دامۋى شەشۋشى كەزەڭگە وتكەن ماڭىزدى ساتتە مەملەكەت جاعدايى مەن مەملەكەت قۋاتىنا جۇرگىزىلگەلى وتىرعان ءبىر رەتكى ماڭىزدى تەكسەرۋ.
مەملەكەتتىك دامۋ – رەفورما كوميتەتىنىڭ ورىنباسار مەڭگەرۋشىسى ءارى مەملەكەتتىك ساناق مەكەمەسىنىڭ باستىعى نيڭ جيجى بىلاي دەپ تانىستىردى: جان سانىنا جالپى بەتتىك تەكسەرۋدى ويداعىداي ورىستەتۋ ەلىمىزدىڭ جان سانىنىڭ جالپى مولشەرى قۇرىلىمى جانە تارالۋى قاتارلى جاعدايلارىن جالپى بەتتىك انىقتاۋعا، جان سانى وزگەرىسىنىڭ بەتالىستىق سيپاتتى ەرەكشەلىكتەرىن دالمە – ءدال يگەرۋگە پايدالى بولىپ، مەملەكەتتىڭ دامۋ ستراتەگياسىن عىلىمي جولمەن بەلگىلەپ، جان سانى ىستەرىن دامىتۋ جاعىنداعى ساياساتتاردى كەمەلدەندىرىپ، جوعارى ساپالى دامۋدى ىلگەرىلەتۋگە ماڭىزدى تىرەك ازىرلەيدى.
بۇل رەت جان سانىنا جالپى بەتتىك تەكسەرۋ جۇرگىزۋدەگى كورسەتكىشتەردى بەلگىلەۋ جاعدايى مەملەكەت بويىنشا جان سانىنا التىنشى رەت جالپى بەتتىك تەكسەرۋ جۇرگىزۋدەگى جاعدايمەن جالپى تۇلعالىق جاقتان ۇقساس، الايدا، ءىشىنارا وزگەرىستەر دە بار، باستىسى ازاماتتىق كۋالىك ءنومىرىن تىزىمگە الۋ قوسىلعان.
مەملەكەتتىك كەڭەستىڭ مەملەكەت بويىنشا جان سانىنا جەتىنشى رەت جالپى بەتتىك تەكسەرۋ جۇرگىزۋگە باسشىلىق ەتۋ گرۋپپاسى كەڭسەسىنىڭ مەڭگەرۋشىسى، مەملەكەتتىك ساناق مەكەمەسىنىڭ ورىنباسار باستىعى لي شياۋچاۋدىڭ تانىستىرۋىنشا، بۇل نەگىزىنەن ساندى دەرەكتەردى سالىستىرۋ ماقساتىندا اتقارىلعالى وتىرعان شارا، وسى ارقىلى قوعام حاۋىپسىزدىگى، دەنساۋلىق ساقتاۋ قاتارلى تاراۋلارداعى اكىمشىلىك ىستەر ەستەلىگىن سالىستىرىپ تەكسەرۋدى ورىنداپ، ساندى دەرەكتەردىڭ شىنايى بولۋى مەن دالمە – ءدال بولۋىنا كەپىلدىك ەتۋگە بولادى. جالپى بەتتىك تەكسەرۋ بارىسىندا ازاماتتاردىڭ جەكەلىك ينفورماتسيالارىن قورعاۋ كۇشەيتىلىپ، ازاماتتاردىڭ جەكەلىك ينفورماتسيالارىن جاريا ەتۋگە قاتاڭ تيىم سالىنادى.
مۇنان سىرت، مەملەكەت بويىنشا جان سانىنا جەتىنشى رەت جالپى بەتتىك تەكسەرۋ جۇرگىزۋدە ەلەكترونداندىرۋ ءتاسىلى ارقىلى جالپى بەتتىك تىزىمگە الۋ ءتاسىلى قولدانىلادى. لي شياۋچاۋ بىلاي دەپ تانىستىردى: بۇل رەت جالپى بەتتىك تەكسەرۋ جۇرگىزۋ بارىسىندا ساندى دەرەكتەردى جيناقتاۋ ءتاسىلى بۇرىن جالپى بەتتىك تەكسەرۋ بارىسىندا قولدانىلعان قاعازداعى كەستە ارقىلى تىزىمگە الۋ تاقتالى كومپيۋتەر ارقىلى جانە جەكەلەردىڭ زەردەلى قولفونى ارقىلى تىزىمگە الۋعا وزگەرتىلىپ، تىزىمگە الىنعان ينفورماتسيالار سول ۋاقىتتا ساندى دەرەكتەر قويماسىنا تىكەلەي جولدانادى، وسىلاي بولعاندا ارالىق بۋىنداردى ازايتىپ، ساندى دەرەكتەردىڭ ساپاسىن جوعارىلاتۋعا ءتيىمدى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
