- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2015 – جىلدان باستاپ وڭتۇستىك شينجياڭدا جوعارى مەكتەپ ەمتيحانىندا ەرەكشە سۇيەمەلدەۋ ساياساتى اتقارىلادى
وڭتۇستىك شينجياڭنان وقۋشى قابىلداۋ ارناۋلى جوسپارى جاڭادان قوسىلادى
2015.06.24 15:07 كەلۋ قاينارى : حالىق تورابى
حالىق تورابى، 24 – ماۋسىم، بەيجيڭ. ءتاڭىرتاۋ تورابىنان الىنعان حابار: ءتىلشىنىڭ 22 – ماۋسىمدا شينجياڭ ۇيعۇر اۆتونوميالى رايوندىق وقۋشى قابىلداۋ كەڭسەسىنەن ۇعىسۋىنشا، بيىلدان باستاپ، وڭتۇستىك شينجياڭداعى ءتورت ايماق، وبلىستان (حوتان ايماعى، قاشقار ايماعى، قىزىلسۋ وبلىسى، اقسۋ ايماعى) جوعارى مەكتەپ ەمتيحانىنا قاتىناسقان وقۋشىلار وڭتۇستىك شينجياڭعا باعىتتالىپ جاڭادان قوسىلعان وقۋشى قابىلداۋ ارناۋلى جوسپارىنان يگىلىكتەنەدى. سونىمەن بىرگە، حانزۋ تىلىندە ەمتيحان بەرگەن وقۋشىلاردىڭ ىشىندە، ۇلتىنا قاراي ءنومىر قوسۋ ساياساتىنان يگىلىكتەنبەگەن ءار ۇلت وقۋشىلارىنا 10 ءنومىر قوسىلادى؛ حانزۋ تىلىندە ەمتيحان بەرگەن ۇلتتىق وقۋشىلارعا، قوس ءتىل كلاسىنان وقۋ تاۋىسقان وقۋشىلارعا، ۇلتتىق تىلدە ەمتيحان بەرگەن حانزۋ وقۋشىلارىنىڭ ىشىندە اتا – اناسىنىڭ بىرەۋى ۇيعۇر، قازاق، موڭعۇل، قىرعىز، تاجىك، سىبە، وزبەك، تاتار، داعۇر، تيبەت، ورىس قاتارلى 11 از ۇلتتىڭ ءبىرى بولعان وقۋشىلارعا قوسىلاتىن ءنومىر 50 نومىرگە كوبەيتىلەدى.
ورتالىقتىڭ شينجياڭ قىزمەتى جونىندەگى 2 – كەزەكتى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، وڭتۇستىك شينجياڭدا جوعارى دەڭگەيدەگى دارىندىلار قوسىنىن كەڭەيتۋ، وڭتۇستىك شينجياڭداعى ءتىپتى دە كوپ ءار ۇلت وقۋشىلارىن اۆتونوميالى رايون ءىشى – سىرتىنداعى ساپالى جوعارى دەڭگەيدەگى وقۋ – اعارتۋدان يگىلىكتەندىرۋ ءۇشىن، اۆتونوميالى رايوننىڭ زەرتتەپ ماقۇلداۋى جانە وقۋ – اعارتۋ مينيسترلىگىنە جولداپ بەكىتۋدەن وتكىزۋى ارقىلى، 2015 – جىلدان باستاپ، وڭتۇستىك شينجياڭنان وقۋشى قابىلداۋدا نەگىزىنەن ءنومىر قوسۋ ساياساتىن رەتكە سالۋ جانە وڭتۇستىك شينجياڭنان باعىتتامالى تۇردە وقۋشى قابىلداۋ ارناۋلى جوسپارىن جاڭادان ىسكە قوسۋ قاتارلىلاردى قامتىعان ەرەكشە سۇيەمەلدەۋ ساياساتى اتقارىلادى.
ءتورت ايماق، وبلىستاعى بيڭتۋان وقۋشىلارى دا بۇل ساياساتتان يگىلىكتەنەدى. بۇل ساياسات اتقارىلعاننان كەيىن، اۆتونوميالى رايون جەر – جەردەن ەمتيحان بەرەتىن وقۋشىلاردىڭ تولىمدىلىعىن تەكسەرۋدى كۇشەيتۋىن، ەمتيحان بەرەتىن وقۋشىلار مەن اتا – انالارىنىڭ وقۋشىلىق سالاۋاتىن، نوپوس جاعدايىن جانە جەرگىلىكتى ورىندا ،ءىس جۇزىندە وقۋ، تۇراقتاپ تۇرۋ، جۇمىس ىستەۋ قاتارلى تالاپتارعا سايكەس كەلەتىن - كەلمەيتىنىن قاداعالاۋىن، «وقۋشىلىق سالاۋاتىن»، «نوپوس قاراستىلىعىن» جانە «ۇلتىن» جالعان مالىمدەۋ سىندى ورايشىلدىق ارەكەتتەرىنەن ساقتانۋ جانە وعان سوققى بەرۋدى كۇشەيتۋىن، وڭتۇستىك شينجياڭنان ەمتيحان بەرگەن وقۋشىلاردىڭ ۇقىق – مۇددەسىنىڭ زيانعا ۇشىراۋىنان ساقتانۋىن تالاپ ەتەدى.
ەمتيحانعا تىزىمدەلۋ تولىمدىلىعى: نوپوس شەكتەمەسى انىق بولۋ
ەمتيحان بەرگەن وقۋشىلار وڭتۇستىك شينجياڭعا ارنالعان جوسپار مەن وڭتۇستىك شينجياڭعا ارنالعان ءنومىر قوسۋ ساياساتىنان يگىلىكتەنۋ ءۇشىن مىناداي تولىمدىلىققا يە بولۋى كەرەك: ەمتيحان بەرگەن وقۋشىنىڭ، سونداي – اق، ونىڭ اتا – اناسىنىڭ نەمەسە زاڭدى قامقورشىسىنىڭ نوپوسى ءسوزسىز وڭتۇستىك شينجياڭداعى ءتورت ايماق، وبلىستا بولۋى كەرەك، ەمتيحان بەرگەن وقۋشىنىڭ نوپوسى سول جەردە جالعاستىءۇش جىل تۇرعان بولۋى نەمەسە جول جەردەگى تولىق ورتا مەكتەپتە جالعاستى ءۇش جىل وقىعان سالاۋاتى بولۋى جانە ءىس جۇزىندە دە سول جەردە وقىعان بولۋى، سول جىلعى جاي جوعارى مەكتەپكە ەمتيحانعا تىزىمدەلۋ تولىمدىلىعى بار بولۋى كەرەك.
ارناۋلى جوسپار: 734 جوعارى مەكتەپكە وڭتۇستىك شينجياڭنان 3680 وقۋشى قابىلدانادى
2015 – جىلى جاي جوعارى مەكتەپ ەمتيحانىندا وڭتۇستىك شينجياڭعا باعىتتالعان ارناۋلى جوسپار بويىنشا 3680 وقۋشى قابىلدانادى، مۇنىڭ ىشىندە تولىق كۋرس دەڭگەيىندە 1881 وقۋشى، جوعارى تەحنيكۋم (ارناۋلى كۋرس) دەڭگەيىندە 1799 وقۋشى قابىلدانادى. بۇل جوسپارعا 734 جوعارى مەكتەپ ورنالاستىرىلعان، مۇندا مينيسترلىك (كوميتەت) قاراستىلىعىنداعى جوعارى مەكتەپتەردەن 113 مەكتەپ، رايون سىرتىنداعى ءارقايسى ولكەلەردەن (اۆتونوميالى رايون، قالا) 583 مەكتەپ، اۆتونوميالى رايونعا، سونداي – اق، بيڭتۋانعا قاراستى 38 مەكتەپ قامتىلعان.
ءنومىر قوسۋدى رەتكە سالۋ: وڭتۇستىك شينجياڭدا حانزۋ تىلىندە ەمتيحان بەرگەن حانزۋ وقۋشىلارىنا دا 10 ءنومىر قوسىلادى
قاتىستى تولىمدىلىق شارت – جاعدايىنا ۇيلەسەتىن وڭتۇستىك شينجياڭنان ەمتيحان بەرگەن وقۋشىلارعا قامقورلىق رەتىندە ءنومىر قوسۋ بەكىتىلدى. حانزۋ تىلىندە وقۋشى قابىلداۋ ەمتيحانىنا تىزىمدەلگەن وقۋشىلاردىڭ ىشىندە، ۇلتىنا قاراي ءنومىر قوسۋ ساياساتىنان يگىلىكتەنبەگەن ءار ۇلت وقۋشىلارىنا بىرتۇتاس ەمتيحان ناتيجەلەرىنىڭ جالپى نومىرىنە 10 ءنومىر قوسىلادى؛ حانزۋ تىلىندە ەمتيحان بەرگەن ۇلتتىق وقۋشىلارعا، قوس ءتىل كلاسىنان وقۋ تاۋىسقان وقۋشىلارعا، ۇلتتىق تىلدە ەمتيحان بەرگەن حانزۋ وقۋشىلارىنىڭ ىشىندە اتا – اناسىنىڭ بىرەۋى ۇيعۇر، قازاق، موڭعۇل، قىرعىز، تاجىك، سىبە، وزبەك، تاتار، داعۇر، تيبەت، ورىس قاتارلى 11 از ۇلتتىڭ ءبىرى بولعان وقۋشىلارعا ءبىرتۇتاس ەمتيحان ناتيجەسىنىڭ جالپى نومىرىنە قوسىلاتىن ءنومىردى 50 نومىرگە كوبەيتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
