- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياسي كەڭەس مۇشەلەرى گرۋپپالارعا ءبولىنىپ تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايى جونىندەگى باياندامانى تالقىلاعاندا وزەكتى قىزمەتتى ارقاۋ ەتىپ، اقىل - كەڭەس بەرىپ، قىزمەت جاۋاپكەرشىلىگىن مۇقيات وتەيتىندىكتەرىن ايتتى
2016.01.11 14:17 كەلۋ قاينارى : حالىق تورابى
ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 4 - ماجىلىسىنە قاتىناسقان مۇشەلەر 10 - قاڭتار تۇستەن كەيىن گرۋپپالارعا ءبولىنىپ تۇراقتى كوميتەتتىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايى جونىندەگى باياندامانى تالقىلادى. مۇشەلەر ءبىر اۋىزدان بىلاي دەپ قارادى: ءبىر جىلدان بەرى، اۆتونوميالى رايوندىق ساياسي كەڭەس پەن ساياسي كەڭەس مۇشەلەرى كەڭەستىك دەموكراتيانى بەلسەنە اتقارىپ، اۆتونوميالى رايوندىق پارتكومنىڭ ەكونوميكانى دامىتۋ، رەفورمانى تەرەڭدەتۋ، حالىق تۇرمىسىن قامتاماسىز ەتۋ سياقتى وزەكتى قىزمەتتەرىن مىقتاپ ارقاۋ ەتىپ، فۋنكتسيانى دەن قويا اتقارىپ، كورنەكتى تابىستارعا قول جەتكىزدى. جاڭا جىلدا، وزەكتى قىزمەتتى ۇزدىكسىز ارقاۋ ەتىپ، ىرىقتىلىقپەن ارەكەتتەنىپ، اقىل - كەڭەس بەرىپ، تۇتاس رايونىمىزدىڭ ەكونوميكالىق، قوعامدىق دامۋىن جەبەۋ ءۇشىن قىزمەت جاۋاپكەرشىلىگىن تولىق وتەۋىمىز كەرەك.
3 - قىركۇيەك ءىلمي قوعامىنىڭ مۇشەلەرى عىلىم - تەحنيكا سالاسىنداعى جوعارى، ورتا زيالىلاردى نەگىز ەتەدى، باسىم كوبى وقۋ - اعارتۋ، دەنساۋلىق ساقتاۋ، ينجەنەريا جوبالاۋ سياقتى سالالارداعى تاڭداۋلى دارىندىلار. 3 - قىركۇيەك ءىلمي قوعامىنىڭ شينجياڭ رايوندىق كوميتەتى ءبىر جىل ۋاقىتپەن حوتان، قاشقار، اقسۋ، التاي سياقتى ايماق، وبلىستارعا بارىپ، ناقتى جاعدايدى ۇعىسىپ، حالىقتىڭ ۇنىنە قۇلاق اسىپ، جان - جاقتى زەرتتەۋ جۇرگىزىپ، «كەدەيلەردى دالمە - ءدال سۇيەمەلدەپ، دوڭگەلەك داۋلەتتى قوعامعا بىرگە قادام تاستاۋ جونىندەگى ءبىرقانشا ۇسىنىستاردى» جازىپ، از ۇلت وڭىرلەرىنە قاراتا اتقارىلعان كەدەيلەردى دالمە - ءدال سۇيەمەلدەۋ قىزمەت شارالارىن اناعۇرلىم رەتتەۋ، كەدەيلەردى دالمە - ءدال سۇيەمەلدەۋ قىزمەتى بىرىككەن كۇشىن قالىپتاستىرۋدى اناعۇرلىم ىلگەرىلەتۋ، كەدەيلەردى دالمە - ءدال سۇيەمەلدەۋدىڭ تۇزىمدىك كەپىلىن اناعۇرلىم كۇشەيتۋ، تاراۋلاردىڭ قارجىسىن بىرىكتىرىپ، كەدەيلەردى سۇيەمەلدەۋ ۇسىنىلىمىن ارتتىرۋ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا قىستاققا تۇسكەن قىزمەت گرۋپپالارىن كەدەيلەردى دالمە - ءدال سۇيەمەلدەۋدىڭ تىرەكتى دارىندىلار قوسىنى ەتۋ سىندى 5 ءتۇرلى ۇسىنىستى ورتاعا قويدى.
اۆتونوميالى رايوندىق پارتكوم كەڭەستىك دەموكراتيا قۇرىلىسىنا ەجەلدەن بارىنشا ءمان بەرىپ كەلەدى. 2011 - جىلى قاڭتاردا جاڭ چۇنشيان ساياسي كەڭەس مۇشەلەرىنىڭ ساياسي كەڭەس اۆتونوميالى رايوندىق 10 - كەزەكتى كوميتەتىنىڭ 4 - ماجىلىسىنە تاپسىرعان 4 ۇسىنىس جوبا جونىندە بەكىتۋ جازعان بولاتىن. قازىرگە دەيىن 8 ۇسىنىس جوباعا بەكىتۋ جازدى. وسى ۇسىنىس جوبالار ورتا، باستاۋىش مەكتەپ وقۋشىلارىنىڭ تۇسكى اسى، اۋىل - قىستاقتىڭ جولاۋشى تاسىمال ىستەرىنىڭ دامۋىن جەدەلدەتۋ، ورتالىق قالانىڭ جول كەپتەلىسىن وڭاۋ، شينجياڭدىق ەرەكشەلىككە يە كاسىپتىك وقۋ - اعارتۋ، قىز ستۋدەنتتەردىڭ جۇمىسقا ورنالاسۋىن جەبەۋ، قىستاق تۇرعىندار كوميتەتىنىڭ زاڭمەن جونگە سالۋ قابىلەتى قۇرىلىسىن كۇشەيتۋ سياقتى ماسەلەلەرگە سايادى. ۇسىنىس جوبالاردا العا قويىلعان ماسەلەلەر ءبىر - بىرلەپ شەشىلدى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءدىن سالاسىنداعىلاردىڭ گرۋپپالار تالقىسىنا قاتىناستى. ول مۇشەلەردىڭ لەبىزىن مۇقيات تىڭداعاننان كەيىن بىلاي دەدى: ءبىر جىلدان بەرى، اۆتونوميالى رايوندىق پارتكومنىڭ پارمەندى باسشىلىعىندا، ءار دارەجەلى ساياسي كەڭەس ۇيىمدارى مەن ءار ۇلت، ءار سالادان شىققان ساياسي كەڭەس مۇشەلەرى اۆتونوميالى رايوندىق پارتكومنىڭ ورنالاستىرۋلارى مەن تالاپتارى بويىنشا، رەفورما، دامۋ، ورنىقتىلىق قىزمەتىنە، سونداي - اق ءار ۇلت جۇرتشىلىعى قاداعالاي نازار اۋدارعان قولامتالى، قيىن ماسەلەلەرگە ۇشتاستىرىپ، ءوز باسىمدىلىعىن تولىق ساۋلەلەندىرىپ، بەرەكەلى دە دەموكراتيالى بولۋدان جازباي، قوعام ورنىقتىلىعى مەن باياندى تىنىشتىقتى ىلگەرىلەتۋ ءۇشىن، جۇرەكتەردى توعىستىرىپ، اقىل - كەڭەس بەرۋگە، كۇش قوسۋعا قۇلشىنىپ، ءتۇرلى قىزمەتتەردە كورنەكتى تابىستارعا قول جەتكىزىپ، پارتكومنىڭ، ۇكىمەتتىڭ تولىق تۇراقتاندىرۋىنا يە بولدى. وسى تابىستارعا قول جەتكىزۋدى ءدىن سالاسىنداعى ساياسي كەڭەس مۇشەلەرىنىڭ قاجىرلىلىقپەن قۇلشىنۋىنان بولە قاراۋعا بولمايدى.
نۇرلان ءابىلماجىن بىلاي دەدى: تالاي جىلدان بەرى، ءدىن سالاسىنداعى قايراتكەرلەر ۇلتتار ىنتىماعىن، ءدىن جاراسىمدىلىعىن، قوعام ورنىقتىلىعىن جەبەۋدەگى بەلسەندى رولىن تولىق ساۋلەلەندىرىپ، شينجياڭنىڭ رەفورما، دامۋ، ورنىقتىلىق جالپى جاعدايىندا ۇلەس قوستى. اۆتونوميالى رايوندىق پارتكوم، ۇكىمەت ءدىن قىزمەتىنە ەجەلدەن ايرىقشا ءمان بەرىپ، وتانشىل ءدىني قايراتكەرلەرگە كوڭىل ءبولىپ جانە ولاردى ايالاپ، وتانشىل ءدىني قايراتكەرلەردىڭ رولىن ساۋلەلەندىرۋگە نازار اۋداردى. وتانشىل ءدىني قايراتكەرلەر ۇيرەنۋدى كۇشەيتىپ، دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋ قىزمەتىن ويداعىداي ىستەۋ، ءدىني بىلىمدەردەن، عىلمي بىلىمدەردەن، مادەني بىلىمدەردەن اناعۇرلىم جاقسى پايدالانىپ، ءدىني ۇشقارى يدەيانىڭ ىقپالىنا ۇشىراعانداردى تاربيەلەۋى؛ باتىلدىقپەن جاۋاپكەرشىلىك ارقالاپ، «بەس كىلتتەن» ۇتىمدى پايدالانىپ، «ۇشقارىلىقتى الاستاۋدى» ىشكەرىلەي ىلگەرىلەتىپ، «دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋعا، زاڭ ارقىلى ءدىني ۇشقارىلىقتى تەجەۋگە، وسى زامانعى مادەنيەت ارقىلى ءدىني ۇشقارىلىققا توسقاۋىل قويۋعا، عىلىم جالپىلاستىرۋعا» تاباندى بولۋى؛ «بەستە جاقسى ءدىني قايراتكەرلەردەن» بولۋعا قۇلشىنىپ، ساپ تۇزەۋ تانىمىن كۇشەيتىپ، ءدىندى سوتسياليستىك قوعامعا سايكەسۋگە جەتەكتەۋدە جاقسى رول اتقارۋى كەرەك.
مۇشە جىڭ چياڭ بىلاي دەدى: كەزەكتە ەكونوميكالىق باسەڭدەۋ قسىمى ءبىرشاما زور، ساياسي كەڭەس تۇرعىسىنان الىپ ايتساق، 2016 - جىلى ەكونوميكالىق، قوعامدىق قىزمەت ەرەكشەلىگىن تىعىز ارقاۋ ەتە وتىرىپ، تاسىلگە بۇرىلىس جاساۋ، ولقىلىقتاردى تولىقتاۋ، حاۋىپ - قاتەردىڭ الدىن الۋ، رەفورمانى جەبەۋ جاقتارىندا كۇش - قۋات، زەيىن - زەردەنى شوعىرلاندىرىپ، ساياسي كەڭەس قىزمەتتەرىن ماقساتقا جەتكىزە ورىستەتۋ كەرەك.
مۇشە يۇنۇس ءيۇسىپ: مۇنان بىلاي كەڭەستىك دەموكراتيانىڭ ماڭىزدى تەكشەلىك رولىن اناعۇرلىم ويداعىداي ساۋلەلەندىرىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ارقاۋ ەتىپ، كوپ تۇرعىدان ىشكەرىلەي زەرتتەپ، شينجياڭداعى كاسىپورىنداردىڭ ءتىپتى زور، ءتىپتى مىعىم بولۋىنا دەم بەرۋ كەرەك، - دەپ ۇسىنىس ايتتى.
مۇشە گاۋ جيانگو بىلاي دەدى: جاڭا ءبىر جىلدا ورتالىق پەن اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋىن باتىل دايەكتىلەندىرىپ، يدەياعا، فۋنكتسيانى اتقارۋ تاسىلىنە جاڭالىق ەنگىزۋىمىز كەرەك. ساياسي كەڭەس مۇشەلەرىنىڭ باسىمدىلىعىن تولىق ساۋلەلەندىرىپ، اۆتونوميالى رايوندىق پارتكومعا، ۇكىمەتكە جوعارى ساپالى ۇسىنىس جوبالاردى كوپتەپ قويۋ كەرەك.
مۇشە ليۋ شۋەجۇن بىلاي دەدى: بايانداما ءبارىمىزدى جەلپىندىردى، اسىرەسە، باياندامادا تازا شينجياڭعا قاتىستى مازمۇن ايتىلدى، تازا شينجياڭ قۇرىلىسىنا ات سالىسۋشى رەتىندە جانىما جاقىن سەزىنىپ، ودان زور شابىت الدىم.
مۇشە ابەيبوللا ابدۇسالام بىلاي دەدى: باياندامادا 2016 - جىلعى قىزمەت تۇيىندەرى ورتاعا قويىلىپ، ساياسي كەڭەس مۇشەلەرىنە، ءتىپتى، زور تالاپتار قويىلدى، ءبىز قىسىمدى قوزعاۋشى كۇشكە اينالدىرىپ، فۋنكتسيانى اتقارۋعا جاڭالىق ەنگىزىپ، فۋنكتسيانى كاسىپتىك تۇردە اتقارىپ، قىزمەتتى تولىق سەنىممەن ىستەۋىمىز كەرەك. اۆتونوميالى رايوندىق ساياسي كەڭەس 2016 - جىلى نەگىزگى ساتى پارتيا قۇرىلىسى مەن «حالىقتىڭ تىلەگىن توعىستىرۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتى ءونىمىن ءتۇيىندى تاقىرىپ رەتىندە زەرتتەۋدى ۇسىنامىن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
