- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىر نيەتپەن سەلبەسىپ، كوركەم شينجياڭنىڭ جاڭا جاعدايىن اشايىق
− اۆتونوميالى رايوندىق 12 - كەزەكتى حالىق قۇرىلتايى 5 - ءماجىلىسىنىڭ اشىلعانىن قىزۋ قۇتتىقتايمىز
2017.01.09 14:28 كەلۋ قاينارى : ءتاڭىرتاۋ تورابى
سالتاناتتى جينالىس جالپى جۇرتتىڭ نازارىن اۋداردى. اۆتونوميالى رايوندىق 12 - كەزەكتى حالىق قۇرىلتايىنىڭ 5 - ءماجىلىسى بۇگىن سالتاناتپەن اشىلدى. 5 كۇن ۋاقىتپەن اشىلاتىن ماجىلىستە بۇكىل شينجياڭنىڭ جەر - جەرىنەن، ءار سالاسىنان كەلگەن حالىق قۇرىلتايى ۋاكىلدەرى نەگىزگى ساتىداعى بۇقارانىڭ ۇكىلى ءۇمىتىن ارقالاپ، قىزمەت ۇقىعىن زاڭ بويىنشا اتقارىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، كوركەم شينجياڭنىڭ جاڭا جاعدايىن اشۋ جونىندە اقىل قوسىپ، كەڭەس بەرەدى. ۋاكىلدەردەن شىن جۇرەكتەن حال سۇرايمىز، ءماجىلىستىڭ اشىلعانىن قىزۋ قۇتتىقتايمىز!
بۇل جولعى ءماجىلىس پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىنەن، ورتالىقتىڭ ەكونوميكالىق قىزمەت ماجىلىسىنەن، ج ك پ اۆتونوميالى رايوندىق 9 - قۇرىلتايىنان، اۆتونوميالى رايوندىق پارتكومنىڭ ەكونوميكالىق قىزمەت ماجىلىسىنەن كەيىن كوپ ۇزاماي اشىلىپ، ورتالىق پەن اۆتونوميالى رايوندىق پارتكوم بەلگىلەگەن ءبىر قاتار كەلەلى شەشىمدەردى، ورنالاستىرۋلاردى زاڭدا بەلگىلەنگەن تارتىپتەر ارقىلى رايونىمىزداعى ءار ۇلت حالقىنىڭ ورتاق ەركىنە اينالدىرۋداي كەلەلى مىندەتتى، ورتالىق پەن اۆتونوميالى رايوندىق پارتكومنىڭ اۆتونوميالى رايوننىڭ مەملەكەت ورگاندارىنىڭ كادرلار ءىسى جونىندەگى ورنالاستىرۋ ويىنىڭ ىسكە اسۋىن قامتاماسىز ەتۋدەي ماڭىزدى مىندەتتى ارقالاپ وتىر، بۇل − رايونىمىزداعى ءار ۇلت حالقىنىڭ ساياسي ومىرىندەگى كەلەلى ءىس.
وتكەن كۇندەرگە قاراساق، كوڭىلىمىز كولدەي تولقيدى. وتكەن ءبىر جىلدا لاڭكەستىككە قارسى تۇرىپ، ورنىقتىلىقتى قورعاۋدىڭ قاتاڭ دا كۇردەلى جاعدايىندا، كۇردەلى دە قۇبىلمالى ىشكى - سىرتقى ەكونوميكالىق ورتادا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم رايونىمىزداعى قالىڭ پارتيا مۇشەلەرىن، كادرلاردى جانە ءار ۇلت حالقىن ىنتىماقتاستىرىپ، باستاپ، پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزىنىڭ جانە شينجياڭدا قىزمەت تەكسەرگەن كەزدە سويلەگەن ماڭىزدى ءسوزىنىڭ رۋحىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرىپ، شينجياڭنىڭ ءتۇرلى ىستەرى جاپپاي العا ىلگەرىلەپ، تىڭ تاريحي باستاماعا كوتەرىلدى. بۇل بۇكىل رايونىمىزدا جوعارىدان تومەنگە دەيىن جاپا - ماشاقاتتا بىرگە بولىپ، ارىنداي العا ۇمتىلۋىنىڭ ناتيجەسى ءارى وعان حالىق قۇرىلتايى ۋاكىلدەرىنىڭ اقىل - پاراساتى مەن كۇش - قۋاتى شوعىرلانعان.
مىڭ شاقىرىمدىق الىس ساپار ءبىر قادامنان باستالادى. وتكەن ءبىر جىلدا اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتى اۆتونوميالى رايوندىق پارتكومنىڭ پارمەندى باسشىلىعىندا ءتۇرلى قىزمەت ۇقىعىن زاڭ بويىنشا اتقارۋمەن بىرگە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن باتىل دايەكتىلەندىردى. اۆتونوميالى رايوندىق پارتكومنىڭ پارمەندى باسشىلىعىندا نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، وزەكتى ارقاۋ ەتۋگە، جالپى جاعدايعا قىزمەت ەتۋگە باستان - اياق تاباندى بولىپ، جاۋاپكەرشىلىكتى باتىلدىقپەن ارقالاپ، شىندىققا جۇگىنىپ، ناقتى ىستەر ىستەپ، نەگىزگى زاڭ مەن زاڭدار جۇكتەگەن قىزمەت ۇقىعىن زاڭ بويىنشا اتقارىپ، جەرگىلىكتى زاڭ شىعارۋ، باقىلاۋ، حالىق قۇرىلتايى ۋاكىلدەرى قىزمەتىن كۇشەيتۋ ارقىلى قىزمەت ۇقىعىن زاڭ بويىنشا اتقارۋ قابىلەتى مەن دەڭگەيىن ءوسىرىپ، باس نىسانانى تياناقتاندىرۋعا زاڭمەن جونگە سالۋدىڭ تاماشا ورتاسىن ازىرلەپ، رايونىمىزدىڭ ەكونوميكالىق، قوعامدىق دامۋىن جەبەۋگە، ۇلتتار ىنتىماعى مەن قوعام ورنىقتىلىعىن قورعاۋعا تىڭ دا ماڭىزدى ۇلەس قوستى. وسى اسا ناتيجەلى قىزمەتتەر پارتيانىڭ باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن جونگە سالۋ مەن شينجياڭدى زاڭمەن جونگە سالۋدىڭ جاندى بىرلىگىنە تاباندى بولىپ، سوتسياليستىك دەموكراتيالى زاڭمەن جونگە سالۋ ارناسىمەن ورنىقتى العا ىلگەرىلەگەندە عانا، حالىق قۇرىلتايى ءتۇزىمىنىڭ زور باسىمدىعىن ساۋلەلەندىرىپ، قوعامنىڭ العا باسۋىن ۇزبەي جەبەپ، حالىقتى باقىتقا كەنەلتۋگە بولاتىنىن تولىق دالەلدەدى.
تاريح پەن قازىرگى بولمىس بىزگە ارمانعا نەعۇرلىم جاقىنداعان سايىن العا باسۋ جولىنىڭ سولعۇرلىم ماشاقاتتى بولاتىنىن ۇعىندىردى. ج ك پ اۆتونوميالى رايوندىق 9 - قۇرىلتايىندا بىلاي دەپ اتاپ كورسەتىلدى: شينجياڭ قىزمەتى تىڭ تاريحي باستامادا تۇر. الداعى 5 جىل شينجياڭنىڭ قوعام ورنىقتىلىعى مەن باياندى تىنىشتىقتىڭ مىعىم نەگىزىن قالايتىن شەشۋشى مەزگىل، كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزۋ، جاپپاي دوڭگەلەك داۋلەتتى قوعام قۇرۋ شەشۋشى شايقاسىنىڭ شەشۋشى جەڭىسىنە قول جەتكىزەتىن كەزەڭ. باس نىسانانى جاپپاي تياناقتاندىرۋ − شينجياڭ قىزمەتىنىڭ وزەكتى مىندەتى ءارى شينجياڭداعى ءار ۇلت كادرلارى مەن بۇقاراسىنىڭ جاڭا ۇزاق جورىعى.
جاڭا كۇرەس جورىعىندا ءبىز حالىق ۇنىنە ءارقانداي كەزدەگىدەن دە دەن قويا قۇلاق اسىپ، حالىقتىڭ ارمان - تىلەگىنە جاۋاپ قايتارىپ، حالىقتىڭ كۇش - قۋاتىن شوعىرلاندىرۋىمىز كەرەك. بۇل حالىق قۇرىلتايى ءتۇزىمى باسىمدىعىن تولىق ساۋلەلەندىرۋگە كەڭ ءورىس ازىرلەدى. اۆتونوميالى رايوندىق حالىق قۇرىلتايى مەن ونىڭ تۇراقتى كوميتەتى ءوزىنىڭ جاڭا جاعدايداعى ماڭىزدى بورىشىن جەتە تانىپ، حالىق قۇرىلتايى قىزمەتىن ويداعىداي ىستەۋ سانالىلىعى مەن باتىلدىعىن اناعۇرلىم كۇشەيتۋى كەرەك. اۆتونوميالى رايوندىق پارتكومنىڭ پارمەندى باسشىلىعىندا حالىق قۇرىلتايى ءتۇزىمىنىڭ حالىقتىڭ وزىنە - ءوزى قوجا بولۋىنا كەپىلدىك ەتۋدەي ءتۇبىرلى ساياسي ءتۇزىم رولىن تولىق ساۋلەلەندىرىپ، مەملەكەت پەن ۇلتتىڭ بولاشاق تاعدىرىن حالىقتىڭ قولىنا مىقتاپ ۇستاتۋى كەرەك. ءداۋىر حالىق قۇرىلتايىنا داڭقتى ءارى جاپالى مىندەت جۇكتەپ وتىر.
قوعام ورنىقتىلىعى مەن باياندى تىنىشتىق باس نىساناسى بىزگە شابىت بەرۋدە، كوركەم شينجياڭ قۇرۋ، وتان ارمانىن بىرگە جۇزەگە اسىرۋ قاسيەتتى بورىشى ءبىزدى جىگەرلەندىرۋدە. ءار ۇلت حالقىنىڭ جاپپاي دوڭگەلەك داۋلەتتى جاڭا تۇرمىسقا كەنەلۋ ىزگى ءۇمىتى ءبىزدى شاقىرۋدا. ۋاكىلدەردىڭ ۋاقىت كۇتىپ تۇرمايدى دەيتىن جاۋاپكەرشىلىك تانىممەن، بۇلتارماس ساياسي جاۋاپكەرشىلىكپەن جانە قايراتتانا ۇمتىلاتىن العا باسۋ رۋحىمەن نەگىزگى زاڭ مەن زاڭداردا جۇكتەلگەن قىزمەت مىندەتىن دەن قويا اتقارىپ، حالىقتىڭ تىلەگىن، ءۇنىن اڭىس ەتىپ، ماجىلىستە بەلگىلەنگەن ءتۇرلى مىندەتتەردى تابىسپەن ورىنداپ، بۇل جولعى ءماجىلىستى جىگەردى تاسقىنداتاتىن، رۋحتى سەرپىلتەتىن، ىنتىماقتى، العا ۇمتىلاتىن ءماجىلىس ەتىپ قۇلشىنا اشاتىنىنا كامىل سەنەمىز.
ءماجىلىستىڭ تابىستى بولۋىن تىلەيمىز! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
