اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسى ۋاڭ ياڭ ءتوراعانىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ رۋحىن جەتكىزدى، ۇيرەندى
قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، تۇبىرگە، نەگىزگە، ۇزاق بولاشاققا قاتىستى ماسەلەلەرگە نازاردى شوعىرلاندىرا كۇش سالۋ كەرەك
چىن چۋانگو ءماجىلىستى باسقاردى
2020.06.16 15:20 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 6 - ايدىڭ 14 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، ۋاڭ ياڭ ءتوراعانىڭ شينجياڭدا تەكسەرۋ - زەرتتەۋ جۇرگىزگەندەگى ءسوزىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: ۋاڭ ياڭ ءتوراعانىڭ شينجياڭعا كەلىپ تەكسەرۋ - زەرتتەۋ جۇرگىزۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن جانە شينجياڭداعى ءار ۇلت كادر - بۇقاراسىنا دەگەن شىن ىقىلاستى قامقورلىعىن تولىق ايگىلەدى. ۋاڭ ياڭ ءتوراعانىڭ ءسوزى باسىنان - اياعىنا دەيىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساباقتاستىرىپ، جاڭا داۋىردەگى پارتيانىڭ شينجياڭدى جونگە سالۋ جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ساباقتاستىرىپ، شينجياڭ قىزمەتىندە قولعا كەلگەن ناتيجەلەردى تولىق تۇراقتاندىرىپ، دامۋدىڭ، ورنىقتىلىقتىڭ ءتۇرلى قىزمەتتەرىن ونان ارى تىڭعىلىقتى، ويداعىداي ىستەۋ جونىندە ايقىن تالاپ قويدى. رايونىمىزداعى جەر - جەر، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، تياناقتاندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، ۋاڭ ياڭ ءتوراعانىڭ ءسوزىنىڭ تالابى بويىنشا، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، تۇبىرگە، نەگىزگە، ۇزاق بولاشاققا قاتىستى ماسەلەلەرگە نازاردى شوعىرلاندىرا ۇزدىكسىز كۇش سالىپ، باياندى تىنىشتىقتىڭ نەگىزىن كۇش سالا بەكەمدەپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن كۇش سالا اشۋ كەرەك.
ءبىرىنشى، مىزعىماس تاباندىلىقپەن نازاردى باس نىساناعا شوعىرلاندىرۋ كەرەك. شينجياڭ قىزمەتىن ويداعىداي ىستەۋدىڭ ۇزاق ۋاقىتتىلىعىن، كۇردەلىلىگىن، جاپالىلىعىن جىعا تانىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، باس نىسانا ارقىلى ءتۇرلى قىزمەتتەرگە ءبىر تۇتاس جەتەكشىلىك ەتۋگە تاباندى بولىپ، قوعام ورنىقتىلىعى مەن باياندى تىنىشتىقتى جۇزەگە اسىراتىن شارالار مەن ادىستەر جونىندە ۇزدىكسىز ىزدەنىس جاساۋ جانە ونى كەمەلدەندىرۋ كەرەك.
ەكىنشى، قوعام ورنىقتىلىعىنىڭ جەتىستىكتەرىن بەكەمدەۋ كەرەك. تۇبىرىنەن وڭاۋ مەن ۇستىنەن وڭاۋدى قاتار يگەرىپ، كەشەندى شارا قولدانىپ، ورنىقتىلىقتى قورعاۋدىڭ جارامدى، ءونىمدى شارالارىنان اۋىتقىماۋعا تاباندى بولىپ، ورنىقتىلىقتىڭ پايداسىن ۇزدىكسىز شىعارىپ، تىنىش، ءتارتىپتى، جاراسىمدى، ورنىقتى قوعامدىق ورتانى جالپى بەتتىك قالىپتاستىرۋ كەرەك.
ءۇشىنشى، جۇڭحۋا ۇلتى ورتاق تۇلعاسى تانىمىن بەرىك ورناتۋ كەرەك. پارتيانىڭ ۇلت ساياساتىن جالپى بەتتىك دايەكتىلەندىرىپ، جۇڭحۋا ۇلتى ورتاق تۇلعاسى تانىمىن بەرىك ورناتۋدىڭ نەگىزگى جەلىسىمەن تىعىز بايلانىستىرا وتىرىپ ۇلت قىزمەتىن ويداعىداي ىستەپ، جۇڭحۋا ۇلتى ورتاق تۇلعاسى تاريحىن زەرتتەۋدى كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ىشكەرىلەي ورىستەتىپ، ۇلتتار ىنتىماعى، العاباسارلىعى تاربيەسىن ۇزدىكسىز تەرەڭدەتىپ، ۇلتتار ىنتىماعى، العاباسارلىعىندا وزات ورىن قۇرۋدى تىڭعىلىقتى ورىستەتىپ، مەملەكەتتە ءبىر تۇتاس قولدانىلاتىن ءتىل - جازۋدى زور كۇشپەن كەڭىنەن جالپىلاستىرىپ، ۇلتتاردىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭ توعىسۋىن ۇزدىكسىز جەبەۋ كەرەك.
ءتورتىنشى، ءدىن تاتۋلىعىن، جاراسىمدىلىعىن كۇش سالا جەبەۋ كەرەك. پارتيانىڭ ءدىن قىزمەتى نەگىزگى باعىتىن جالپى بەتتىك دايەكتىلەندىرىپ، دىنگە سەنەتىن بۇقارانىڭ قالىپتى ءدىني قاجەتىن جانە قالىپتى ءدىني قيمىلدارىن زاڭ بويىنشا قامتاماسىز ەتىپ، دىنگە سەنەتىن بۇقارانى مەملەكەت تانىمىن، ازامات تانىمىن، زاڭمەن جونگە سالۋ تانىمىن بەرىك ورناتۋعا جەتەكتەپ، شينجياڭدا ءىسلام ءدىنىن جۇڭگوشالاندىرۋدىڭ قوعامدىق نەگىزىن مىقتاپ بەكەمدەپ، ءدىندى سوتسياليستىك قوعامعا ۇيلەستىرۋگە بەلسەنە جەتەكتەۋ كەرەك.
بەسىنشى، جوعارى ساپالى دامۋدى قاجىماس تاباندىلىقپەن ىلگەرىلەتۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ءۇش ءىرى قامال الۋ شايقاسىن باتىل، ويداعىداي جۇرگىزىپ، ەرەكشە باسىمدىعى بار كاسىپ سالالارىن ۇزدىكسىز جەتىلدىرىپ، زورايتىپ، قالا مەن اۋىلدىڭ توعىسا دامۋىن جەدەل ىلگەرىلەتىپ، شارۋاشىلىق - ساۋدا ورتاسىن كۇش سالا ساپالىلاندىرىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ شىعىپ، دامۋدىڭ جەتىستىكتەرىن حالىق تۇرمىسىن جاقسارتۋ، جۇرت تىلەگىن توعىستىرۋ بارىسىندا شىنايى تياناقتاندىرۋ كەرەك.
التىنشى، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل تۇردە دەر كەزىندە قول جەتكىزۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ ىلگەرىلەتىپ، شايقاستى باسى - قاسىندا قاداعالاۋدى تەرەڭدەتىپ، ماسەلەلەردى رەتتەۋ - تۇزەتۋدى مىقتاپ يگەرىپ، ولقىلىقتاردى، ءالسىز تۇستاردى تولىقتاپ، كاسىپ سالاسىن دامىتۋ ارقىلى جۇمىستانۋعا جەتەكتەۋدى كورنەكتىلەندىرە ويداعىداي يگەرىپ، قايتا كەدەيلەسۋدەن ساقتانۋدى قاداعالاۋ، ساقتاندىرۋ جانە يكەمدى كومەكتەسۋ - سۇيەمەلدەۋدى كۇشەيتىپ، اۋىر كەدەيلىكتىڭ ەڭ سوڭعى قامالىن الۋعا كۇشتى شوعىرلاندىرىپ، كەدەيلىكتەن ارىلتۋدىڭ جەتىستىكتەرىن ۇزدىكسىز بەكەمدەپ، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن دەر كەزىندە جوعارى ساپامەن ورىنداۋ كەرەك.
جەتىنشى، بيڭتۋاننىڭ رەفورماسىنا، دامۋىنا بەلسەنە قولداۋ كورسەتۋ كەرەك. بيڭتۋان مەن جەرگىلىكتى ورىن − ءبىر تۇتاس جۇيە يدەياسىن بەرىك ورناتىپ، بيڭتۋاننىڭ رەفورماسىنا، دامۋىنا مىزعىماس تاباندىلىقپەن قولداۋ كورسەتىپ، رەفورمانىڭ جەتىستىكتەرىن ۇزدىكسىز بەكەمدەپ، تەرەڭدەتىپ، بيڭتۋاننىڭ وڭتۇستىككە قاراي دامۋىن بەلسەنە ىلگەرىلەتىپ، بيڭتۋان مەن جەرگىلىكتى ورىننىڭ توعىسۋىن ۇزدىكسىز تەرەڭدەتىپ، بيڭتۋاننىڭ ورنىقتىرعىشتىق، دومنا پەشتىك، ۇلگى كورسەتۋ رايونىندىق ەرەكشە رولىن اناعۇرلىم ويداعىداي ساۋلەلەندىرۋ كەرەك.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، شۇي حايرۇڭ، تيان ۋىن، لي يفي، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
