ياڭ فىڭجي مۇشە —
قىستاق تۇرعىندارىن باستاپ، كىرىستى ارتتىرىپ، اۋقاتتانۋدى ورىندادى (ۋاكىلدەردىڭ، مۇشەلەردىڭ مىندەت اتقارۋ حيكاياسى)
حالىق گازەتىنىڭ ءتىلشىسى حۋاڭ شياۋحۇي
2021.03.03 15:45 كەلۋ قاينارى : حالىق تورابى
اتىزداعى تالشىن اسقاباعىنىڭ ءوسۋى تەز، كوبى پىسىپ قالدى. «تاعى ءبىر ايدان سوڭ بازارعا شىعارۋعا بولادى، ءبىر مۋىنان كەمىندە 3000 جىڭ ءونىم الۋعا بولادى. دا – ان قالاشىعىندا 500 مۋ جەرگە ەگىلگەن، 3 ايدان استام ۋاقىتتا 150 نەشە شارۋا وتباسىنىڭ كىرىسى 6 ميلليون يۋان ارتادى ...» مەملەكەتتىك ساياسي كەڭەس مۇشەسى، حاينان بايشا ليزۋ اۆتونوميالى اۋدانى دا – ان قالاشىعىنىڭ ورىنباسار قالاشىق باستىعى ياڭ فىڭجي قىزمەت داپتەرىنە قالاشىقتىڭ ءتۇرلى كاسىپ سالاسىنداعى تابىستارىن ەگجەي – تەگجەيلى ەستەلىككە الا وتىرىپ، قايسى كاسىپ سالاسىندا اۋىلداستاردىڭ ەڭ كوپ تابىسقا قول جەتكىزگەنىن، قايسى كاسىپ سالاسىندا تابىستىڭ ادەتتەگىدەي بولعانىن تۇسپالداپ وتىردى.
بيىل 58 جاستاعى ياڭ فىڭجي 1981 – جىلى ورتا مەكتەپتەن وقۋ تاۋىسقان سوڭ، دا – ان قالاشىعى تيانبياۋ قىستاعىنداعى اۋىلداستاردىڭ كورسەتۋىمەن قىستاق كوميتەتىنىڭ كادرى بولعان. وسىدان باستاپ، ياڭ فىڭجي وسى سەنىمدى ارقالاپ، اۋىلداستارىن اۋقاتتاندىرۋدىڭ جولىن ىزدەدى.
ساياسي كەڭەس مۇشەسى ياڭ فىڭجيدىڭ جۇرەك تۇكپىرىندە ۇنەمى تاۋلى وڭىردەگى از ۇلت جۇرتشىلىعى تۇرادى. وتكەن ءبىر جىلدا كەدەيلىكتەن ارىلتۋ جەتىستىكتەرىن بەكەمدەۋدى ، كەدەيلىكتەن ارىلعان جۇرتشىلىقتىڭ كىرىسىن ارتتىرۋدى ول مىندەت اتقارۋىنداعى باستى ءتۇيىن ەتتى. ول اۋىل شارۋاشىلىعى سالاسىنداعى عىلىم – تەحنيكا سەرىكتەستىكتەرىن ەنگىزۋگە دانەكەرلىك رول اتقارىپ، قىستاق تۇرعىندارىن باستاپ، 800 مۋدان استام بوس قالعان جەرگە اسقاباق جانە سارى ءلايلى گۇل ەكتى.
«ەگىلەتىن ءونىمنىڭ سورتى جاقسى تاڭدالماسا، ساتىلۋى جاقسى بولماي قالادى، اۋەلى وكپە – رەنىش تۋدىرۋى مۇمكىن». قالاشىقتاعى كەيبىرەۋلەر وعان مۇنداي بەينەتتى دە جۇرتقا جاعۋى قيىن جۇمىستى ىستەمەۋ جونىندە كەڭەس بەردى. ياڭ فىڭجي قولىن سىلتەپ: «ەگەر ءبارىمىز وكپە – رەنىشتەن قاشقالاقتاپ، انانى دا، مىنانى دا ىستەمەسەك، قىستاق تۇرعىندارىنىڭ اۋىل – قىستاقتى گۇلدەندىرۋىنە كىم جەتەكشىلىك ەتەدى؟»، — دەيدى.
ياڭ فىڭجي ولكەدەگى، اۋدانداعى اۋىل شارۋاشىلىعىنا قاتىستى عىلىم – تەحنيكالاردى زەرتتەيتىن قۇرىلىمداردىڭ ەسىگىن توزدىردى، كوپتەگەن اۋىل شارۋاشىلىعى عىلىم – تەحنيكا سەرىكتەستىكتەرىنەن كەڭەس سۇرادى، اۋىل شارۋاشىلىعى ماماندارىن دا – ان قالاشىعىنا بارىپ، توپىراقتىڭ جاعدايىنا ناق مايداندا تەكسەرۋ جۇرگىزۋگە ۇسىنىس ەتتى، سودان سوڭ عانا ەگەتىن سورتتى تۇراقتاندىردى.
بيىلعى ەكى ءماجىلىس ۋاقىتى جاقىنداپ قالعان سايىن، ياڭ فىڭجي ءوزىنىڭ ۇسىنىس جوباسىن ءالى دە ۇزدىكسىز تولىقتاپ، كەمەلدەندىرۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
