اۆتونوميالى رايون بىرلىكساپ بولىمدەرى باستىقتارى ءماجىلىسىن اشتى
شينجياڭنىڭ باياندى تىنىشتىعىن جۇزەگە اسىرۋعا زەيىن - زەردەنى، كۇش - قۋاتتى ۇيىستىرۋ كەرەك
2021.03.03 15:14 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لياڭ ليحۋا 3 - ايدىڭ 1 - كۇنى ۇرىمجىدەن حابارلايدى. 2 - ايدىڭ 28 - كۇنى تۇستەن كەيىن اۆتونوميالى رايوننىڭ بىرلىكساپ بولىمدەرى باستىقتارى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: وتكەن ءبىر جىلدا شينجياڭنىڭ بىرلىكساپ شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ءتۇرلى سالاداعى قىزمەتتە تىڭ ناتيجەگە قول جەتكىزدى. 2021 - جىل شينجياڭنىڭ بىرلىكساپ شەبى باس شۋجي شي جينپيڭنىڭ بىرلىكساپ شەبى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرە وتىرىپ بىرلىكساپ قىزمەتىن جوسپارلاپ جانە ىلگەرىلەتىپ، ۇزاق بولاشاقتىق شارالاردى كوبىرەك قاراستىرىپ، نەگىزدى بەكەمدەۋ شارالارىن كوبىرەك اتقارىپ، جۇمىلدىرۋعا بولاتىن بارلىق بەلسەندى فاكتورلاردى ەڭ جوعارى شەكتە جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، شينجياڭنىڭ باياندى تىنىشتىعىن جۇزەگە اسىرۋعا ورتاق تانىمدى ۇيىستىرۋ، جۇرت تىلەگىن ۇيىستىرۋ، اقىل - پاراساتتى ۇيىستىرۋ، كۇش - قۋاتتى ۇيىستىرۋ كەرەك.
ءماجىلىس مىنالاردى باسا دارىپتەدى: جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ۇلت قىزمەتىن جاڭالىق اشا دامىتۋدى ىلگەرىلەتۋ كەرەك. نەگىزگى زاڭ مەن ۇلتتىق وڭىرلىك اۆتونوميا زاڭىن جاپپاي دايەكتىلەندىرىپ، تياناقتاندىرىپ، «اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسىن» ۇگىتتەپ، ويداعىداي اتقارىپ، زاڭداردان، زاڭ ەرەجەلەردەن پايدالانىپ، ۇلتتار ىنتىماعىن قامتاماسىز ەتۋ كەرەك. جۇڭحۋا ۇلتى ورتاق تۇلعا تانىمى تاربيەسىن كۇشەيتىپ، باياندى مەحانيزمدى اقاۋسىزداندىرىپ، جۇڭحۋا ۇلتى ورتاق تۇلعا تانىمى تاربيەسىن كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، ءار ۇلت كادر - بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەۋ كەرەك. ۇلتتار ىنتىماعى العاباسارلىعىنداعى وزات ورىن قۇرۋ قىزمەتىن جالپى بەتتىك ىشكەرىلەي ىلگەرىلەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن جاڭالىق اشا ورىستەتىپ، ءار ۇلتتىڭ كەڭ كولەمدى ارالاسۋىن، جان - جاقتىلى ىشتەسۋىن، تەرەڭدەي توعىسۋىن جەبەۋ كەرەك. پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى شاۋجايلاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىن ىستەرىن زاڭ بويىنشا باسقارىپ، ۇشقارىلىقتى الاستاۋدى ءۇرتىس ىشكەرىلەي ىلگەرىلەتىپ، ءتۇرلى زاڭسىز ءدىني قيمىلدارعا زاڭ بويىنشا سوققى بەرىپ، دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىلدارىن زاڭ بويىنشا قامتاماسىز ەتىپ، ءدىني قايراتكەرلەرگە قامقورلىق جاساۋدى، باۋلۋدى كۇشەيتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىننىڭ اقاۋسىز دامۋىن جۇزەگە اسىرۋ كەرەك. ساياسي ورتاق تانىمدى ۇيىستىرۋدى جەتەكشى ەتىپ، بىرلىكساپ شەبى مۇشەلەرىن ”14 - بەسجىلدىقتىڭ“ باستاماسىن جاقسى باستاپ، قادامىن جاقسى باسىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن زەيىن - زەردەلەرى مەن كۇش - قۋاتتارىن ۇيىستىرۋعا جەتەكتەۋ كەرەك.
ءماجىلىس مىنالاردى تالاپ ەتتى: «جۇڭگو كوممۋنيستىك پارتياسىنىڭ بىرلىكساپ شەبى قىزمەتى ەرەجەسىن» ىشكەرىلەي ۇيرەنىپ، ۇگىتتەپ، دايەكتىلەندىرىپ، شينجياڭنىڭ بىرلىكساپ قىزمەتىنىڭ عىلميلانۋىن، ولشەمدەنۋىن، تۇزىمدەنۋىن ىلگەرىلەتۋ كەرەك. پارتيانىڭ بىرلىكساپ قىزمەتىنە بولعان ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، ۇلكەن بىرلىكساپ ارناسىن بەكەمدەۋ كەرەك. نەگىزگى ساتىنىڭ نەگىزدىك قىزمەتىن كۇشەيتىپ، نەگىزگى ساتى بىرلىكسابى قىزمەتىنىڭ ناقتىلانۋىن، ونىمدىلىگىنىڭ كۇشەيۋىن ىلگەرىلەتۋ كەرەك. ءار دارەجەلى بىرلىكساپ تاراۋلارىنىڭ ءوز قۇرىلىسىن كۇشەيتىپ، ساياسيدا بەرىك، كاسىپتە جەتىك، ستيلدە ىسىلعان كادرلار قوسىنىن تۇلعالاپ، ءتۇرلى قىزمەتتەردىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك.
ماجىلىستە 2017 - جىلدان 2020 - جىلعا دەيىنگى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنداعى وزات كوللەكتيۆتەر مەن وزات جەكەلەر، جاراسىمدى مەشىتتەر، بۇتحانالار، شىركەۋلەر جانە وزات وتانشىل ءدىني قايراتكەرلەر ماداقتالىپ - سيلاندى.
اۆتونوميالى رايوننىڭ ورىنباسار ءتوراعاسى سۇن حۇڭمەي ماداقتاۋ - سيلاۋ قارارىن وقىدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
