لي كىچياڭ مەملەكەتتىك كوكتەمگى ەگىنشىلىك ءوندىرىسى قىزمەتى تەلەۆيزور – تەلەفون ماجىلىسىنە ماڭىزدى بەكىتۋ سالىپ مىنانى دارىپتەدى
كوكتەمگى ەگىنجاي باسقارۋ مەن كوكتەمگى ەگىس دايىندىعىن مىقتى يگەرىپ، حايۋاناتتاردا بولاتىن سالماقتى ىندەت پەن دەرت - دەربەزدەن، زياندى جاندىكتەردەن ساقتانۋ - تىزگىندەۋ قىزمەتىن ويداعىداي ىستەپ، مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق قوسىمشا ونىمدەرىمەن ءونىمدى قامداۋدى بار كۇشپەن قامتاماسىز ەتۋ كەرەك
حۋ چۇنحۋا ماجىلىسكە قاتىناستى ءارى ءسوز سويلەدى
2021.03.03 16:05 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 2 - كۇنى، بەيجيڭ. كوكتەمگى ەگىنشىلىك ءوندىرىسى قىزمەتى جونىندەگى مەملەكەتتىك تەلەۆيزور - تەلەفون ءماجىلىسى 3 - ايدىڭ 2 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: «14 - بەسجىلدىقتىڭ» العاشقى جىلىندا اۋىل شارۋاشىلىعى، اۋىل - قىستاق قىزمەتىن ويداعىداي ىستەۋدىڭ ماڭىزى زور. جەر - جەر، تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات تياناقتاندىرىپ، كەدەيلىكتەن ارىلتۋدان قامال الۋدىڭ تابىستارىن كۇش سالا بەكەمدەپ جانە كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتۋى كەرەك. قازىر كوكتەمگى ەگىنشىلىك ءوندىرىسى ىركەس - تىركەس ورىستەتىلۋدە، ەگىس ۋاقىتى تىعىز، مىندەتى اۋىر. كوكتەمگى ەگىنجاي باسقارۋ مەن كوكتەمگى ەگىس دايىندىعىن تيتتەي دە بوساڭسىماي مىقتى يگەرىپ، تەحنيكالىق جەتەكشىلىكتى كۇشەيتۋ، اسىرەسە، اۋىل شارۋاشىلىق ءوندىرىس قۇرال - جابدىقتارىمەن قامداۋعا كەپىلدىك ەتىپ، باعانى ورنىقتىرۋ قىزمەتىن ويداعىداي ىستەۋ كەرەك. استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى تياناقتاندىرىپ، استىق وندىرىسىنە ساياساتتىق قولداۋ كورسەتۋ سەرپىنىن ارتتىرىپ، شارۋالاردىڭ استىق ەگۋ جانە جەرگىلىكتى ۇكىمەتتەردىڭ استىق يگەرۋ بەلسەندىلىگىن تولىق جۇمىلدىرىپ، استىق ءونىمىنىڭ ءبىر تريلليون 300 ميلليارد جىڭنان جوعارى بولۋىنا كەپىلدىك ەتۋ كەرەك. تۇقىم شارۋاشىلىعىنىڭ ەڭسە كوتەرۋىن ىلگەرىلەتىپ، جوعارى ولشەمدى ەگىس اتىزى قۇرىلىسىنىڭ سەرپىنىن ارتتىرىپ، ەگىستىك جەردىڭ قىزىل سىزىعىن مىقتاپ ساقتاۋ كەرەك. شوشقا ءوندىرىسىن ورنىقتىرىپ، حايۋاناتتاردا بولاتىن سالماقتى ىندەت پەن دەرت - دەربەزدەن، زياندى جاندىكتەردەن ساقتانۋدى ويداعىداي ىستەۋ كەرەك. مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق قوسىمشا ونىمدەرىمەن ۇتىمدى قامداۋدى بار كۇشپەن قامتاماسىز ەتىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋعا بەرىك نەگىز قالاۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حۋ چۇنحۋا ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالابىن تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارى بويىنشا، جاۋاپكەرلىكتى، ساياساتتى جانە قىزمەتتى تياناقتاندىرۋدى مىقتى يگەرىپ، تۇتاس جىلدا اۋىل شارۋاشىلىعىنان مول ءونىم الۋعا كۇش سالىپ، استىقپەن جانە ماڭىزدى اۋىل شارۋاشىلىق ونىمدەرىمەن ءونىمدى قامداۋعا كەپىلدىك ەتىپ، «14 – بەسجىلدىقتىڭ» تاماشا باستاماسىن جۇزەگە اسىرۋعا پارمەندى تىرەك ازىرلەۋ كەرەك.
حۋ چۇنحۋا مىنالاردى اتاپ كورسەتتى: بيىلعى استىق پەن ەگىنشىلىك ءوندىرىسىن ويداعىداي يگەرۋدىڭ ماڭىزى زور، مىندەتى جاپالى، ونى، ءسوز جوق، كورنەكتى، ماڭىزدى ورىنعا قويىپ، مىقتى، ويداعىداي يگەرۋ كەرەك. استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى قاتاڭ تياناقتاندىرىپ، استىق پەن اۋىل شارۋاشىلىق وندىرىسىنە قارجى ۇسىنىلىمىن ارتتىرىپ، شارۋالاردىڭ ءوندىرىس بەلسەندىلىگىن قورعاۋ جانە جۇمىلدىرۋ كەرەك. استىق ءونىمىن ءبىر تريلليون 300 ميلليارد جىڭنان اسىرىپ، استىق ەگىلەتىن جەر كولەمىن جاپپاي تياناقتاندىرىپ، اپاتقا قارسى اتتانىپ، مول ءونىم الۋ قىزمەتىن جاپپاي جاقسى ىستەپ، سورتتىڭ ساپا قۇرىلىمىن كۇش سالا جاقسارتىپ، سانعا كەپىلدىك ەتۋ نەگىزىندە ساپانى جوعارىلاتۋ كەرەك. ەگىستىك جەردى قورعاۋ قۇرىلىسىن كۇشەيتىپ، ساقتىق جەلىسىن ورناتىپ، سول ارقىلى ءبىر ميلليارد 800 ميلليون مۋ ەگىستىك جەردىڭ قىزىل سىزىعىن ساقتاپ، ماڭگىلىك نەگىزگى ەگىنجايلاردى نەگىزىنەن استىق ەگۋگە پايدالانۋعا كەپىلدىك ەتىپ، جوعارى ولشەمدى ەگىنجاي قۇرىلىسى مىندەتىن ساپاعا، سانعا كەپىلدىك ەتە وتىرىپ ورىنداۋ كەرەك. اۋىل شارۋاشىلىعىنىڭ ساپالى تۇقىم بايلىعىن جاپپاي تەكسەرۋ، ساراپتاۋ، قورعاۋ سياقتى نەگىزدىك قىزمەتتەردى جەدەل ورىستەتىپ، تۇقىم شارۋاشىلىعىنىڭ ەڭسەسىن كوتەرۋ شايقاسىنىڭ جەڭىسىنە قول جەتكىزۋ ارەكەت جوباسىن ويداعىداي جاساپ، تۇقىم شارۋاشىلىعى كاسىپورىندارىن جەدەل جەتىلدىرۋ، زورايتۋ كەرەك. ەگىنشىلىك ءوندىرىسىنىڭ، اينالىمىنىڭ، وڭدەۋ بۋىندارىنداعى قۇرىلعى - جابدىقتاردىڭ وسىزاماندانۋ دەڭگەيىن جەدەل جوعارىلاتىپ، قامداۋ ساپاسى مەن ونىمدىلىگىن جانە بازارداعى باسەكەلىك قۋاتتى جوعارىلاتۋ كەرەك. شوشقا ءوندىرىسىن شىن مانىندە ورنىقتىرىپ، سيىر، قوي جانە ءسۇت شارۋاشىلىعىنىڭ دامۋىن جەدەل جەبەپ، ءۇي قۇستارى مەن سۋ ونىمدەرى ءوندىرىسىن ويداعىداي يگەرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
