شي جينپيڭ «دوستىق بارىس - كەلىس، تاعدىرلاستىق − پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى كورمەسىن» ەكسكۋرسيالاعاندا بىلاي دەپ دارىپتەدى
دۇنيە جۇزىندەگى ءار ەل حالقىمەن دوستىقتى تەرەڭدەتىپ، اۋىس - كۇيىستى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك
ۋاڭ حۋنيڭ كورمەنى ەكسكۋرسيالادى
2021.07.19 17:11 كەلۋ قاينارى : حالىق تورابى
«حالىق گازەتى»، 7 - ايدىڭ 16 - كۇنى، بەيجيڭ (ءتىلشى ۋاڭ دي). 7 - ايدىڭ 16 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق كوميتەت تارتۋ بۇيىمدارى مەن مادەني بۇيىمداردى باسقارۋ ورتالىعىنا بارىپ، «دوستىق بارىس - كەلىس، تاعدىرلاستىق − پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى كورمەسىن» ەكسكۋرسيالادى. ول بىلاي دەپ دارىپتەدى: پارتيا مەن مەملەكەت باسشىلارىنىڭ ديپلوماتيالىق قيمىلدارىنىڭ تارتۋ بۇيىمدارى ەرەكشە تاريحي قۇنعا جانە باي گۋمانيتارلىق مانگە يە، وعان جۇڭگو حالقىنىڭ دۇنيە جۇزىندەگى ءار ەل حالقىمەن تەرەڭ سۇيىسپەنشىلىگى شوعىرلانعان، سونداي - اق ول جاڭا جۇڭگونىڭ ديپلوماتيا ىستەرىنىڭ شۇعىلالى تابىستارىنا كۋا بولۋدا. جۇڭگو كوممۋنيستىك پارتياسى − جۇڭگو حالقىن باقىتقا كەنەلتەتىن پارتيا، سونداي - اق ادامزاتتىڭ العا باسۋ ىستەرى ءۇشىن كۇرەس جۇرگىزەتىن پارتيا. ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاپ، دۇنيە جۇزىندەگى ءار ەل حالقىمەن دوستىقتى تەرەڭدەتىپ، اۋىس - كۇيىستى كۇشەيتەمىز، جاڭاشا حالىقارالىق قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتىپ، جۇڭگونىڭ جاڭاشا دامۋى ارقىلى دۇنيە ءجۇزىن جاڭا ورايمەن قامدايمىز. كورمە ارقىلى بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكىنشى 100 جىلدىق كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ىنتىماقتاسا كۇرەس جۇرگىزۋگە شابىتتاندىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كورمەنى ەكسكۋرسيالادى.
تۇستەن بۇرىن ساعات 10نان 30 مينۋت وتكەندە شي جينپيڭ قاتارلى باسشى جولداستار ورتالىق كوميتەت تارتۋ بۇيىمدارى مەن مادەني بۇيىمداردى باسقارۋ ورتالىعىنا كەلىپ، كورمە زالىنا كىرىپ كورمەنى ەكسكۋرسيالادى. كورمەدە ءبىر نەگىزگى كورمە اۋماعى جانە 2 ارناۋلى تاقىرىپتىق اۋماق ورنالاستىرىلعان، نەگىزگى كورمە اۋماعى «دەربەس ءوز - وزىنە قوجا بولۋ، بەيبىت قاتار تۇرۋ»، «ەسىك اشۋ، سەلبەستىك جاساۋ، بەيبىت دامۋ»، «داڭعىل جولدا بىرگە باسۋ، تاعدىرلاستىق» سىندى 3 تاراۋعا بولىنگەن، ارناۋلى تاقىرىپتىق اۋماق جەكە - جەكە «دۇنيە ساحناسى، ءىرى ەلدىڭ جاۋاپكەرلىك ارقالاۋى»، «ءار الۋان دۇنيە، وركەنيەتتەردىڭ ءبىر - بىرىنەن ۇلگى الۋى» دەگەندى تاقىرىپ ەتىپ، 670 تەن استام تارتۋ بۇيىمى، 40 تان استام فوتو سۋرەت جانە 100 گە جۋىق قۇجات، ماقالالاردان ءۇزىندى، جاڭا مەديا ماتەريالى سياقتىلار ارقىلى جاڭا جۇڭگو قۇرىلعاننان بەرگى كەلەلى ديپلوماتيالىق ىستەردى نەگىزگى جەلى ەتىپ، جۇڭگو كوممۋنيستەرىنىڭ جۇڭگونىڭ ديپلوماتيالىق ىستەرىن اشۋ مەن دامىتۋدا ءساتتى باسىپ وتكەن شۇعىلالى بارىسىن، قول جەتكىزگەن شۇعىلالى تابىستارىن، وتە - موتە، پارتيانىڭ 18 - قۇرىلتايىنان بەرى جۇڭگوشا ءىرى ەل ديپلوماتياسىندا قول جەتكىزگەن تاريحي سيپاتتى، باستاماشىلىق سيپاتتى تابىستارىن جۇيەلى كورسەتىپ، ەلىمىزدىڭ ديپلوماتيالىق قاتىناس ورناتقان ەلدەرمەن اراداعى دوستىق بارىس - كەلىسىنە، تەرەڭ دوستىعىنا، مادەنيەت اۋىس - كۇيىسىنە جانە وركەنيەتتەردىڭ ءبىر - بىرىنەن ۇلگى الۋىنا جاندى ايعاق بولدى.
رەسەيدىڭ زۇڭتۇڭى پۋتين سيعا تارتقان، سوۆەت وداعىنىڭ فوتوگرابى تۇسىرگەن مەملەكەت قۇرۋ سالتاناتىنىڭ رەڭدى تاريحي سۋرەتى، فرانسيانىڭ بۇرىنعى زۇڭتۇڭى پومپيدوۋ سيعا تارتقان اسپا كىلەم − «امازون وزەنى»، بىرلەسكەن مەملەكەتتەر ۇيىمى جىبەرگەن جۇڭحۋا حالىق رەسپۋبىليكاسىنىڭ زاڭدى ورنىنىڭ قالپىنا كەلۋى تۋرالى تەلەگرامماسى، امەريكانىڭ بۇرىنعى زۇڭتۇڭى نەكسون سيعا تارتقان فارفور اققۋ، انگليانىڭ بۇرىنعى باس ءۋازىرى ساچەر حانىم سيعا تارتقان كۇمىس تەمەكى قالبىرى، قازاقستاننىڭ تۇڭعىش زۇڭتۇڭى نازاربايەۆ سيعا تارتقان تۇيە ءپىشىندى ريتون، يندونەزيانىڭ بۇرىنعى زۇڭتۇڭى سۋسيلو سيعا تارتقان ءداستۇرلى بەتقالقا، چاۋشيان ەڭبەك پارتياسىنىڭ باس شۋجيى جين جىڭىن مەن زايىبى سيعا تارتقان ۇلۋ قابىرشاعى قوندىرىلعان اشەكەي سۋرەت، كەنيانىڭ زۇڭتۇڭى كەنياتا سيعا تارتقان مومباسا - نايروبي تەمىر جولىنىڭ ەستەلىك بارماق ديسكاسى، گرەتسيانىڭ بۇرىنعى زۇڭليى تسيپراس سيعا تارتقان افينا بۇدىرماق ناقىشى، بوليۆيانىڭ بۇرىنعى زۇڭتۇڭى مورالەس سيعا تارتقان الۋان رەڭدى اعاش ويما، فيجيدىڭ زۇڭليى موباينيماراما سيعا تارتقان ءداستۇرلى ادەت - عۇرىپ اشەكەي سۋرەتى... كورمە زالىندا ءبىر - بىرلەگەن دارا ەرەكشەلىككە يە تارتۋ بۇيىمدارىنىڭ ناقتى زاتتارى، ءبىر - بىرلەگەن قۇندى دا ەگجەي - تەگجەيلى جازبا ماتەريالدار، ءبىر - بىرلەگەن جاڭا دا جاندى بەينەجازبا كورىنىستەرى شي جينپيڭ قاتارلى باسشى جولداستاردىڭ نازارىن اۋداردى. ولار ءالسىن - ءالى توقتاپ كورىپ، تۇسىندىرمەنى مۇقيات تىڭداپ، قاتىستى جاعدايلاردى ەگجەي - تەگجەيلى سۇرادى.
ديڭ شۋەشياڭ، ياڭ جيەچى، حۋاڭ كۇنميڭ، ورتالىق پەن مەملەكەت ورگاندارىنداعى قاتىستى تاراۋلارداعى جاۋاپتى جولداستار قاتارلىلار كورمەنى ەكسكۋرسيالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
