ۋاڭ ياڭ شينجياڭدا بيڭتۋان قىزمەتىنە تەكسەرۋ - زەرتتەۋ جۇرگىزگەندە بىلاي دەپ دارىپتەدى
قىزىل قان تامىردى ۇزدىكسىز جالعاستىرىپ، قىزمەت جاۋاپكەرلىگىن، بورىشتى ەستە بەرىك ساقتاپ، جاڭا ساپاردا قايراتتانا ەكپىندەي ىلگەرىلەپ، تاعى دا تىڭ ەڭبەك ءسىڭىرۋ كەرەك
2021.07.26 16:00 كەلۋ قاينارى : شينجياڭ گازەتى
شينحۋا اگەنتتىگى، 7 - ايدىڭ 24 – كۇنى، ءۇرىمجى (ءتىلشى لين حۇي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جۋىقتا شينجياڭدا بيڭتۋان قىزمەتىنە تەكسەرۋ - زەرتتەۋ جۇرگىزدى. ول بىلاي دەپ دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، باس شۋجي شي جينپيڭنىڭ بيڭتۋان قىزمەتى جونىندەگى ماڭىزدى نۇسقاۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، جاڭا ءداۋىردىڭ جاڭا تالاپتارىنا ۇيلەسىپ، ورنىقتىلىقتى قورعاۋ، شەكارانى كۇزەتۋ قۋاتىن كۇشەيتىپ، رەفورما جاساۋ، جاڭالىق اشۋ بارىسىندا ءوزىنىڭ ناقتى كۇشىن زورايتىپ، وڭتۇستىككە قاراي دامۋدى تەز ءارى ورنىقتى ىلگەرىلەتىپ، قىزمەت جاۋاپكەرلىگىن، بورىشتى اتقارۋدىڭ يدەيالىق سانالىلىعىن، ساياسي سانالىلىعىن جانە ارەكەت سانالىلىعىن شىنايى كۇشەيتىپ، شينجياڭنىڭ باياندى تىنىشتىعى مەن مەملەكەتتىڭ شەكارا ءوڭىردى بەكەمدەۋىن جەبەۋگە تاعى دا تىڭ ەڭبەك ءسىڭىرۋ كەرەك.
7 - ايدىڭ 21 - كۇنىنەن 24 - كۇنىنە دەيىن ۋاڭ ياڭ بيڭتۋان 1 - ديۆيزياسى ارال قالاسى، 8 - ديۆيزيا شىحىزى قالاسى، 10 - ديۆيزيا بەيتۇن قالاسى سياقتى جەرلەرگە كەلىپ، تۋان - الاڭداردى، ليان - دۇيلەردى، كاسىپ سالاسى باقشا اۋماعىن، كاسىپورىنداردى، الەۋمەتتىك اۋماقتاردى، مەكتەپتەردى، شيپاحانالاردى، مۇراجايلاردى ىشكەرىلەي ارالاپ، كادرلارمەن، جۇمىسشى - قىزمەتكەرلەرمەن امانداسىپ، حال سۇرادى، سونداي - اق اڭگىمە ءماجىلىسىن اشىپ، قاتىستى جاقتاردىڭ پىكىرلەرىن، ۇسىنىستارىن تىڭدادى. ۋاڭ ياڭ بىلاي دەپ اتاپ كورسەتتى: تاياۋ جىلداردان بەرى شينجياڭ ءوندىرىس - قۇرىلىس بيڭتۋانى نازاردى شينجياڭ قىزمەتى باس نىساناسىنا شوعىرلاندىرىپ، رەفورمانى ۇزدىكسىز تەرەڭدەتىپ، ءتۇزىلىس، مەحانيزمدەردى ىڭعايلاپ، وڭتۇستىككە قاراي دامۋدى بار كۇشپەن ىلگەرىلەتىپ، ءتۇرلى جاقتارداعى قىزمەتتە تىڭ ىلگەرىلەۋشىلىككە قول جەتكىزدى، ناتيجە وڭاي قولعا كەلگەن جوق، تولىق تۇراقتاندىرۋعا تاتيدى.
ۋاڭ ياڭ بىلاي دەپ دارىپتەدى: بيڭتۋاننىڭ تاريحي ۇلەسى ەشقاشان وشپەيدى، بيڭتۋاننىڭ ستراتەگيالىق رولىن ەشكىم باسا المايدى. ورنىقتىلىقتى قورعاۋدى، شەكارانى كۇزەتۋدى ءۇرتىس بيڭتۋاننىڭ ماڭداي الدى قىزمەت جاۋاپكەرلىگى، بورىشى ەتىپ، ورىندى دالمە - ءدال تاۋىپ، جايشىلىقتا مىقتاپ يگەرىپ، كوپ ساتىلى، كوپ فورمالى بيڭتۋان مەن جەرگىلىكتى ورىننىڭ ىقپالداستىق مەحانيزمىن ورناتۋدى قاراستىرىپ، ءار ۇلت بۇقاراسىمەن بولعان اۋىس - كۇيىس پەن ءوزارا كومەكتەسۋدى كۇشەيتىپ، جاڭا داۋىردەگى بيڭتۋاننىڭ ورنىقتىلىقتى قورعاۋ، شەكارانى كۇزەتۋدەگى جاڭا ابزالدىعىن قۇلشىنا قالىپتاستىرۋ كەرەك. بيڭتۋاننىڭ رەفورمانى تەرەڭدەتۋ قىزمەتىندەگى ىلگەرىلەۋشىلىگىن قورىتىندىلاپ، رەفورما جەتىستىگىن بەكەمدەپ، رەفورما شارالارىن كەمەلدەندىرىپ، «ۇكىمەتتىڭ» باسقارۋ فۋنكتسياسىن شىن مانىندە ارقالاپ، ويداعىداي جۇرگىزىپ، «كاسىپورىننىڭ» بازارداعى نەگىزگى تۇلعالىق ورنىن تۇراقتاندىرىپ، بيڭتۋاننىڭ دامۋ ومىرشەڭدىك كۇشى مەن جاسامپازدىق كۇشىن تاسقىنداتىپ، جۇمىسشى - قىزمەتكەرلەردىڭ تابىس سەزىمىن ۇزدىكسىز كۇشەيتۋ كەرەك. بيڭتۋاننىڭ وڭتۇستىككە قاراي دامۋىن باتىل، بۇلجىماي ىلگەرىلەتىپ، «بيڭتۋان مەن جەرگىلىكتى ورىن ءبىر تۇتاس جۇيە» يدەياسىن بەرىك ورناتىپ، ىشكەرىلەي دالەلدەۋ شارتى استىندا ستراتەگيالىق ورنالاستىرۋلاردى ساپالىلاندىرىپ، ءبىر تۇتاس جوسپارلاۋ، سايكەستىرۋ نەگىزىندە ساياساتتىق تىرەكتى كۇشەيتىپ، ماڭىزدى جاۋاپكەرلىكتى ءبىلۋ، ماڭىزدى جاۋاپكەرلىكتى ارقالاۋ بارىسىندا دامۋداعى قيىن ماسەلەلەردى شەشۋ كەرەك. پارتيانى جاپپاي قاتاڭ جونگە سالۋ تالابىن تياناقتاندىرىپ، ءتۇزىم ارقىلى ادامدى باسقارۋدا، ىستەردى باسقارۋدا، بيلىكتى باسقارۋدا تاباندى بولىپ، شەشىم جاساۋ مەحانيزمىن كەمەلدەندىرىپ، كادرلار قوسىنى قۇرىلىسىن كۇشەيتىپ، باقىلاۋ مەحانيزمىن اقاۋسىزداندىرىپ، بيڭتۋان قىزمەتىن تۇزىمدەندىرۋ، جۇيەللىەندىرۋ دەڭگەيىن ۇزدىكسىز جوعارىلاتۋ كەرەك. باس شۋجي شي جينپيڭنىڭ «1 – شىلدەدەگى» ماڭىزدى ءسوزىنىڭ رۋحىن ىشكەرىلەي ۇيرەنىپ، ۇلى پارتيا قۇرۋ رۋحىمەن پارتيالىلىق جەتىلىمدى نارلەندىرىپ، مۇرات - سەنىمدى بەكەمدەپ، بيڭتۋاننىڭ قىزىل قان تامىرىن ۇزدىكسىز جالعاستىرىپ، وتاندى قىزۋ ءسۇيۋ، قالتقىسىز ۇلەس قوسۋ، قاجىرلىلىقپەن شارۋاشىلىق قۇرۋ، ءورىس اشا ىلگەرىلەۋ تاڭداۋلى ءداستۇرىن جالعاستىرىپ، اسقاقتاتىپ، جاڭا ۇزاق جورىق جولىن ويداعىداي باسىپ، پارتيا ورتالىق كوميتەتىنىڭ ءۇمىتى مەن ماڭىزدى تاپسىرماسىن ورىنداۋ كەرەك.
چىن چۋانگو، يوۋ چۋان تەكسەرۋ - زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
