ءۇستىرت ياكي ويپات بولسىن، وتتاي ىستىق الاپ الدە قاقاعان ايازدى ءوڭىر بولسىن، قۇمدى ءشول نەمەسە شۇرات بولسىن، مۇنداعى ادامدار توراڭعى اعاشىنداي قاجىرلىلىقپەن كۇرەس جۇرگىزدى، تىنباي ءوزىن الۋەتتەندىردى، شەكارا وڭىرگە تامىر تارتتى، ۇلەس قوسۋعا پەيىل بولدى −
شينجياڭنىڭ بايتاق دالاسىنا تامىر تارتقان توراڭعى رۋحى
انار بۇلت / شينجياڭ گازەتىنىڭ ءتىلشىسى لي ياڭ
2021.08.12 16:27 كەلۋ قاينارى : شينجياڭ گازەتى
شينجياڭنىڭ كەڭ كوسىلگەن قۇبا ءتۇز، قۇمدى شولىندە ەڭ وزگەشە ءبىر اعاش − توراڭعى بار.
توراڭعى ”قۇمدى شولدەگى قاھارمان اعاش“ اتالعان، ”ونسە مىڭ جىل ولمەيتىن، ولسە مىڭ جىل قۇلامايتىن، قۇلاسا مىڭ جىل شىرىمەيتىن“ قاسيەت ونىڭ ومىرمەن جازعان حيكىمەتى سانالادى.
ول − قۇمدى شولدەگى قورشاعان ورتانى وزگەرتۋشى، ۇزدىكسىز شوقتانىپ، ”ءبىر ءتۇپ توراڭعىدان ءبىر توعاي كوكتەگەن“ ەكولوگيالىق قالتقى قالىپتاستىرادى؛ ول جالعىز قالپىندا قۇمدى ءشولدىڭ تاۋقىمەتىن تارتىپ، تامىرىن تەرەڭگە جىبەرىپ، قىڭىر - قيسىق بۇتاقتارىن كەڭگە جايىپ، ءار سۇيەم شۇرات اۋماعىن قورعاپ جاتادى.
تيانشان الابىندا ءۇستىرت، ياكي ويپات بولسىن، وتتاي ىستىق الاپ، الدە قاقاعان ايازدى ءوڭىر بولسىن، قۇمدى ءشول نەمەسە شۇرات بولسىن، مۇنداعى ادامدار توراڭعى اعاشىنداي ءۇن - ءتۇنسىز ەڭبەك ەتىپ، قايسارلىقپەن ءوسىپ - جەتىلىپ، بارلىق بوگەت - توسقاۋىلداردى جەڭىپ، بارلىق قيىندىقتاردى ەڭسەرىپ، قاھارمان توراڭعى رۋحىن سومدادى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: ۇلت رۋحى مەن ءداۋىر رۋحىن اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك.
الدىڭعىلاردىڭ ءىزىن سوڭعىلار باسىپ، وت ۇشقىنىن جالعادى. ”قاجىرلىلىقپەن كۇرەس جۇرگىزەتىن، تىنباي ءوزىن الۋەتتەندىرەتىن، شەكارا وڭىرگە تامىر تارتاتىن، ۇلەس قوسۋعا پەيىل بولاتىن“ توراڭعى رۋحى مول مايەككە، رۋحاني جەتەككە اينالىپ، ءار ۇلت حالقىنىڭ ۇدەرە العا باسۋىنا سارقىلماس قوزعاۋشى كۇش ازىرلەدى.
توراڭعى رۋحى − ۇلى ۇلت رۋحى مەن ءداۋىر رۋحىنىڭ ماڭىزدى قۇرامى
بيىلعى وقۋ تاۋىسۋ ماۋسىمىندا اراسى مىڭ شاقىرىم، ءبىرىن - ءبىرى تانىمايتىن 2 جاس − جۇڭگو مۇناي داشۋەسىنىڭ (بەيجيڭ) نەگىزگى مەكتەپ بولىمىنەن كەلگەن حى لانشۋاڭ مەن وسى مەكتەپتىڭ قارامايلى مەكتەپ رايونىنان كەلگەن تان جۇڭۋي تارىم مۇناي الابىنا بارىپ قىزمەت ىستەپ، وتانىمىزدىڭ شەكارا وڭىرىندە مۇنايشى بولامىز دەگەن ۇقساس تاڭداۋ جاسادى.
2020 - جىلى 7 - ايدىڭ 7 - كۇنى باس شۋجي شي جينپيڭ جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا جاۋاپ حات قايتارىپ، ولاردىڭ شەكارا وڭىردەگى نەگىزگى ساتىعا بارىپ قىزمەت ىستەۋدى تاڭداعاندارىن تۇراقتاندىردى، سونداي - اق بۇكىل ەلدەگى جوعارى مەكتەپتەردەن وقۋ تاۋىسقان وقۋشىلارعا تىلەك جولدادى، ”اسقاق ارمان ۇستانىپ، قۇنتتى دا ۇقىپتى بولىپ، جاپادان، قيىندىقتان، قاتەردەن، بوگەتتەن تايسالماي، ءداۋىر بورىشىن جۇرەكتىلىكپەن ارقالاپ، جەكە مۇرات - تالپىنىستارىن پارتيا مەن مەملەكەت ىستەرىنە توعىستىرىپ، پارتيا ءۇشىن، وتان ءۇشىن، حالىق ءۇشىن كوپتەپ ۇلەس قوسىڭدار“.
قىسقا حاتقا تەرەڭ سۇيىسپەنشىلىك ءسىڭىرىلدى، بەرىلگەن تاپسىرما ەستەن شىققان جوق. ءبىر جىل ۋاقىت ءوتتى، وسى مەكتەپ رايونىنان وقۋ تاۋىسقان وقۋشىلار ءىس جۇزىندىك ارەكەتتەرىمەن باس شۋجيگە مالىمەت بەردى − قازىرگە دەيىن بيىل وقۋ تاۋىسىپ، جۇمىستانۋعا كەلىسىم - شارت جاساسقان وقۋشىلاردىڭ ىشىندە 256 ادام باتىس بولىكتەگى نەگىزگى ساتىنى تاڭداسا، 217 ادام شينجياڭدا قالىپ قىزمەت ىستەپ، كەلىسىم - شارت جاساسقان ادام سانىنىڭ جەكە - جەكە ％72ىن، ％61ىن ۇستادى.
جاس وقۋشىلاردىڭ شەكارا وڭىرگە تامىر تارتقان وكىنبەس تاڭداۋى ءدال وسى توراڭعى رۋحىنىڭ جاندى كورىنىسى ەدى.
ۇلى ءىس ۇلى رۋح سومدايدى، ۇلى رۋح ۇلى ىسكە جەتەكشىلىك ەتەدى. وتانىمىزدىڭ باتىس سولتۇستىگىندەگى وسىناۋ بايتاق جەردە شينجياڭنىڭ كەڭ دالاسىنا، جۇڭحۋا مادەنيەتىنە، حالىق امالياتىنا تامىر تارتقان توراڭعى رۋحى شينجياڭداعى ءار ۇلت كادر - بۇقاراسىنىڭ جۇرەگىنىڭ تەرەڭ تۇكپىرىندەگى سۇيىسپەنشىلىكتى، ۇزاق ۋاقىت قوردالانعان ءمورالدىق داعدىنى، ايقىن ءىس - ارەكەت ەرەكشەلىگىن كورسەتتى، ول ۇلى ۇلت رۋحى مەن ءداۋىر رۋحىنىڭ ماڭىزدى قۇرامى.
جاقىنعى بىرنەشە كۇننەن بەرى ”1 - شىلدە وردەنىنىڭ“ يەگەرى، قۇلجا اۋدانى ونيار اۋىلى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ءومار ايرىقشا قاربالاس بولدى. قىستاقتا باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە ۇگىت لەكسيا جاساعان ول ارقاسىنداعى جاۋاپكەرشىلىكتىڭ اسا سالماقتى ەكەندىگىن سەزىندى.
”ۇلتتىق بولشەكتەۋشىلىككە ايقىن تۋ ۇستاي وتىرىپ قارسى تۇرىپ، قوعام ورنىقتىلىعىن مىزعىماي قورعادى، قاتەر الدىندا كەۋدە كەرە العا شىعىپ، قوعامنىڭ جاراسىمدىلىعىن، ورنىقتىلىعىن پارمەندى قورعادى“. بۇل مامەتجان ومارگە ”1 - شىلدە وردەنى“ بەرىلگەندەگى باعا ءسوز.
ماڭگى پارتياعا ىلەسەمىن! بۇل اسقاق سەرتتى مامەتجان ءومار ءومىر بويى امالياتتا ايگىلەپ كەلەدى.
باس شۋجي شي جينپيڭ بىلاي دەپ اتاپ كورسەتتى: ”جۇڭحۋا ۇلتىنىڭ نەشە مىڭ جىل جالعاسقان ۇزاق تاريح كوشىندە وتانشىلدىق باستان - اياق اسقاق نەگىزگى اۋەن، باستان - اياق ەلىمىزدەگى ءار ۇلت حالقىن ءوزىن تىنباي الۋەتتەندىرۋگە ىنتالاندىراتىن قۋاتتى كۇش بولىپ كەلەدى“.
شينجياڭنىڭ بايتاق دالاسىنا تامىر تارتقان توراڭعى رۋحى وتانشىلدىقتىڭ شينجياڭدا بەينەلەنۋى سانالادى، وعان اسا كۇشتى وتانشىلدىق سۇيىسپەنشىلىك جانە ادالدىقپەن جاۋاپكەرشىلىك ارقالاۋ قامتىلعان.
قۇبا ءتۇز، قۇمدى شولدە دۇلەي بوران قالاي جۇلمالاپ، سور توپىراق جەگىدەي جەۋگە ۇمتىلسا دا، توراڭعى قۇمدى شولگە مىزعىماي تامىر تارتىپ، قۇم توبەلەردى تاپجىلتپاي، شۇراتتاردى قورعاپ جاتادى. توراڭعىنىڭ بايتاق جەرگە ادال بولعانىنداي، تيانشان الابىنداعى ءار ۇلت كادر - بۇقاراسى دا باستان - اياق پارتيا مەن مەملەكەتكە دەگەن ىستىق سۇيىسپەنشىلىكتەرىن ەڭ بەرىك سەنىم، ەڭ ۇلكەن جاۋاپكەرشىلىك ەتىپ كەلەدى.
ەسەگىنە ءمىنىپ بەيجيڭگە بارىپ ءتوراعا ماۋ زىدۇڭعا امانداسپاق بولعان قۇربان تۇلىمنان شەكارا كۇزەتۋ جولىندا ”جۇڭگو تاسى“ دەپ ويىپ جازا بەرگەن بۇرماحان مولدوعا دەيىن، وتكەن عاسىردىڭ 50 -، 60 - جىلدارىندا ادال جۇرەگىن الاقانىنا سالىپ شينجياڭدى كوركەيتكەن شەكارا وڭىرگە كومەككە كەلگەن جاستاردان جاڭا داۋىردە نەگىزگى ساتىعا تامىر تارتىپ، شەكارا وڭىرگە ۇلەس قوسقان ءار ۇلت ۇلاندارىنا دەيىن، مەيلى قانداي قىزمەتپەن شۇعىلدانسىن، مەيلى قاي جەردەن كەلسىن، شينجياڭداعى ءار ۇلت كادر - بۇقاراسىنىڭ پارتيانى ءسۇيۋ، وتاندى ءسۇيۋ، شينجياڭدى ءسۇيۋ نيەتى بولاتتاي مىزعىماس بەرىك بولدى.
توراڭعى رۋحى پارتيانىڭ اۋەلگى ماقساتىمەن، بورىشىمەن ساباقتاسقان
”شەريا اۋدانىندا قۇمدى بوران كۇشتى بولادى، الايدا ءبىزدىڭ ارىنىمىز ودان دا كۇشتى. مەن توراڭعى سياقتى شەكارا وڭىرگە تامىر تارتىپ، بۇقارا ءۇشىن كوبىرەك يگى ءىس ىستەيمىن، ناقتى ءىس بىتىرەمىن“. تاياۋدا داڭقپەن ”مەملەكەتتىك تاڭداۋلى اۋداندىق پارتكوم شۋجيى“ اتاعىن العان شەريا اۋداندىق پارتكومنىڭ شۋجيى ما جياڭشان مىنە وسىلاي دەدى.
شەريا اۋدانى ىلگەرى اۋىر كەدەي اۋدان، كەدەيلىكتەن ارىلتۋ مىندەتى ەرەكشە جاپالى بولاتىن. ما جياڭشان كوتەرمەگە العان، بايلانىس ورناتقان اۋىر كەدەي قىستاققا باستاماشىلدىق ەتىپ، 115 كەدەي قىستاقتى جانە 7 كەدەي ەمەس قىستاقتى ارالاپ، ىلگەرىندى - كەيىندى 4000عا تاياۋ وتباسىعا بارىپ احۋال ۇعىستى.
اتالعان اۋداننىڭ جاقا اۋىلىنداعى 7 اۋىر كەدەي قىستاقتىڭ اۋىز سۋ حاۋىپسىزدىگى ماسەلەسىن شەشۋ ءۇشىن، ما جياڭشان سۋ يگىلىگى كادرلارىن باستاپ تاۋ اسىپ، ادىرلاردى باسىپ، اۆتوكولىك جەتە المايتىن جەرلەرگە جاياۋ بارىپ، سۋ زاۆودىن سالاتىن ورىن تاڭدايدى.
2019 - جىلدىڭ سوڭىندا 7 قىستاققا قۇبىر سۋى ءساتتى جەتكىزىلدى. 2020 - جىلى شەريا اۋدانى كەدەيلىك تىزىمىنەن شىعارىلعان اۋدانداردىڭ قاتارىنا قوسىلدى. بيىل شەريا اۋداندىق پارتكومعا ”كەدەيلىكتەن ارىلتۋدان قامال الۋداعى مەملەكەتتىك وزات كوللەكتيۆ“ داڭق اتاعى بەرىلدى.
توراڭعى رۋحى پارتيامىزدىڭ جۇڭگو حالقىن باقىتقا كەنەلتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ اۋەلگى ماقساتىمەن، بورىشىمەن ساباقتاسقان، پارتيامىزدىڭ حالىقتى ىنتىماقتاستىرىپ، باستاپ، قۇلشىنا كۇرەس جاساپ تابىسقا قول جەتكىزگەندىگىنىڭ ەڭ تاماشا تۇسىندىرمەسى.
باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىندە وسىزاماندانعان دومنا پەش پەن ءوندىرىس جەلىسىن كوردىك، 88 جاستاعى زەينەتكە شىققان قىزمەتكەر يان جاڭحۋا تەبىرەنىسىن باسا الماي: ”وسىنىڭ بارلىعى كۇرەسپەن كەلگەن!“، - دەدى.
70 جىلدىڭ الدىندا شينجياڭدا تۇراتىن ازاتتىق ارميانىڭ كوماندير - جاۋىنگەرلەرى مەن شينجياڭداعى ءار ۇلت كادر - بۇقاراسى كيەر كيىمدى، ىشەر استى ۇنەمدەپ، قول، ارقا كۇشتەرىنە سۇيەنىپ، 1 - تامىز بولات - تەمىر زاۆودىن قۇرعان كورىنىستەرى كوز الدىمىزعا كەشەگىدەي ەلەستەيدى. ءبىر سۇيەم تەمىر جول جوق بولۋدان جوعارى قارقىندى تەمىر جول داۋىرىنە قادام باسقانعا دەيىن، جابىق، مەشەۋ، الاقانداي جەردە تۇرۋدان جىبەك جولى ەكونوميكالىق بەلدەۋى وزەكتى رايونىنا دەيىن، ىشەر اس پەن كيەر كيىم جەتىسپەۋدەن تىنىش ءومىر، الاڭسىز تىرشىلىك كەشىرۋگە دەيىن... شينجياڭدىقتار توراڭعى سياقتى ءتوزىمدى، قاجىمايتىن مىنەزدى شىڭداپ، كۇرەس جۇرگىزۋ ارقىلى وتاننىڭ باتىس سولتۇستىك مۇيىسىندە سالتاناتتى دۇنيە كەرەمەتىن جازدى.
توراڭعىدان نە ۇيرەنۋ كەرەك؟ ونىڭ ومىرشەڭدىك كۇشىندە قامتىلعان قايسار ەرىك - جىگەرىنەن، قالتقىسىزدىق رۋحىنان جانە دارقاندىعىنان، تۋراشىلدىعىنان ۇيرەنۋ كەرەك. ورنىقتىلىقتى قورعاۋ شايقاس مايدانىندا ءار ۇلت كادر - بۇقاراسى ەل بىرلىگىنەن بەرىك قامال تۇرعىزىپ، ”ءۇش ءتۇرلى كۇشپەن“ باتىل كۇرەس جاسادى؛ كەدەيلىكتەن ارىلتۋدان قامال الۋ جاۋاپناماسىنا كادر - بۇقاراسىنىڭ سايلاۋىت كۇشپەن شايقاسقا اتتانعان، كەدەيلىك قامالىن بىرگە العان قاجىرلى قۇلشىنىسى جازىلدى؛ ىندەتتەن ساقتانۋ - تىزگىندەۋ كۇرەسىندە پارتيالى كادرلار مەن ءار ۇلت بۇقاراسى تامشى كۇشتەرىن بىرىكتىرىپ، ۆيرۋسپەن ايقاستى... توراڭعى رۋحى شينجياڭدىقتاردىڭ رۋحاني قان تامىرىنا تەرەڭ توعىسىپ، تيانشان ۇلاندارىنىڭ ورتاق قۇن تالپىنىسىنا اينالدى.
توراڭعى رۋحىنىڭ باتىل جالعاستىرۋشىلارى جانە سانالى امالياتتا ايگىلەۋشىلەرى بولۋعا قۇلشىندى
”تالاي جىلعى شينجياڭعا كومەكتەسۋ ماعان شينجياڭعا دەگەن تەرەڭ ماحاببات ورناتتى. وتاننىڭ قاجەتى مەنىڭ العا باسۋداعى قوزعاۋشى كۇشىم، شەكارا وڭىرگە تامىر تارتۋ، شەكارا وڭىرگە ۇلەس قوسۋ مەنىڭ ومىرلىك سۇيىسپەنشىلىگىم جانە تالپىنىسىم“. ءۇرتس 3 رەت شينجياڭعا كومەكتەسۋشى رەتىندە شينجياڭدا 10 جىلدان استام قىزمەت ىستەگەن ”تولىمدى شينجياڭعا كومەكتەسۋشى كادر“ شينجياڭ اۋىل شارۋاشىلىق داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى ليۋ جىحۋاي توراڭعى سياقتى شينجياڭدا تامىر تارتتى.
2010 - جىلى 12 - ايدان باستاپ، ليۋ جىحۋاي حىنان جاراتىلىستىق عىلىمدار داشۋەسىنىڭ 7 -، 8 -، 9 - توپتا شينجياڭعا كومەكتەسۋشى كادرى رەتىندە، قۇمىل كاسىپتىك تەحنيكالىق شۋەيۋانى پارتكومنىڭ مۇشەسى، ورىنباسار مەكتەپ باستىعى مىندەتىن اتقاردى. ول قۇمىلداعى العاشقى جوعارى دارەجەلى مەكتەپتى باسقارىپ قۇردى، قۇمىلداعى العاشقى كاسىپ سالاسىن زەرتتەۋ ورنىن قۇردى، كەتپەيتىن تاڭداۋلى وقىتۋشىلار قوسىنىن جەتىلدىردى. 2020 - جىلى 5 - ايدا ليۋ جىحۋاي اۋىسىپ شينجياڭ اۋىل شارۋاشىلىق داشۋەسىنىڭ ورىنباسار مەكتەپ باستىعىنا تاعدايىندالىپ، وقۋ - اعارتۋ جاعىنان شينجياڭعا كومەكتەسۋ جولىندا ۇزدىكسىز كۇرەس جۇرگىزدى.
ەگەردە قاجىرلىلىقپەن كۇرەس جۇرگىزۋ، ءوزىن تىنباي الۋەتتەندىرۋ توراڭعى رۋحىنىڭ ماڭگىلىك قاسيەتى دەسەك، وندا شەكارا وڭىرگە تامىر تارتۋ، ۇلەس قوسۋعا پەيىل بولۋ توراڭعى رۋحىنىڭ ايقىن بەتالىسى جانە بوگدەلەنگەن جەتىستىگى بولماق. جۇڭگو شينجياڭ تاريحى جىر ەتەرلىك، ەكپىندەي ىلگەرىلەۋگە ىنتالاندىراتىن شارۋاشىلىق قۇرۋ تاريحى مەن ۇلەس قوسۋ تاريحى بولىپ تابىلادى. ەكىنشى 100 جىلدىق كۇرەس نىساناسىنا قاراي ارشىنداي قادام باسۋ جاڭا ساپارىندا ءار ۇلت كادر - بۇقاراسى توراڭعى رۋحىن ىشتە جۇرەككە ۇيالاتىپ، سىرتتا ارەكەتكە اينالدىرىپ، توراڭعى رۋحىنىڭ ادال قورعاۋشىلارى، باتىل جالعاستىرۋشىلارى جانە سانالى امالياتتا ايگىلەۋشىلەرى بولۋعا قۇلشىنادى.
”ءشول - جازيراداعى ءبىلىم ورداسى“ دەپ اتالعان تارىم داشۋەسىنىڭ وقۋ - اعارتۋ قىزمەتكەرلەرى وڭتۇستىك شينجياڭعا تامىر تارتىپ، پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە تاباندى بولىپ، شينجياڭدى قىزۋ سۇيەتىن، شينجياڭدى گۇلدەندىرەتىن ءبىر توپ ”بالاۋسا توراڭعىنى“ باۋلىپ شىقتى. مەكتەپ قۇرىلعاننان قازىرگە دەيىن 70 مىڭنان استام داشۋە تاۋىسقان وقۋشىنىڭ ％70كە تاياۋى وڭتۇستىك شينجياڭدا قالىپ قىزمەت ىستەدى.
توراڭعى رۋحىن جالعاستىرىپ، شەكارانى كۇزەتۋ اسقاق سەزىمىن شىڭدادى. قارۋلى ساقشى بيڭتۋان باس اترەتى مىندەت اتقارۋ 6 - تارماق اترەتى مەرزىم سايىن ارناۋلى تاقىرىپتىق پارتيا ساباعىن ويداعىداي ءوتىپ، وفيتسەر - اسكەرلەردى قىزىل ەسكى جۇرتتى ەكسكۋرسيالاۋعا ۇيىمداستىردى. ولار تاعى «توراڭعى»، «ءشول - جازيرانى اسقاقتا شىرقاۋ» سياقتى نومىرلەردى جاساپ، قويىپ، ميكرو كينو ءتۇسىرىپ، وفيتسەر - اسكەرلەردى توراڭعى رۋحىن ساۋلەلەندىرىپ، اسكەري لاگەرگە ەسە قوسۋعا شابىتتاندىردى.
اۆتونوميالى رايوندىق ساياسي كەڭەستىڭ مۇشەسى، تارىم داشۋەسى گۋمانيتارلىق شۋەيۋانىنىڭ باستىعى شياۋ تاۋ وقۋ - اعارتۋدىڭ ءبىرىنشى شەبىنە 27 جىل تامىر تارتتى. بيىلعى اۆتونوميالى رايوندىق ەكى ماجىلىسكە ول «”شينجياڭدى مادەنيەتپەن نارلەندىرۋدى“ جەتەكشى ەتىپ ”توراڭعى رۋحىن“ بارىنشا اسقاقتاتۋ» ۇسىنىس جوباسىن الا كەلدى.
”توراڭعى رۋحى قىمباتتى رۋحاني بايلىق، شينجياڭدى مادەنيەتپەن نارلەندىرۋدىڭ ماڭىزدى مازمۇنى. جاڭا داۋىردەگى جۇڭگوشا سوتسياليستىك شينجياڭ قۇرۋ بارىسىندا توراڭعى رۋحىنىڭ تەرەڭ ءمانى مەن وسى زامانعى قۇنىن تولىق اشىپ، توراڭعى رۋحىن كۇش سالا ۇگىتتەپ، اسقاقتاتىپ، ۇلتىمىز ءۇشىن رۋح پەن جىگەردى ۇيىستىرۋىمىز، ءداۋىرىمىز ءۇشىن زەيىن - زەردە مەن كۇش - قۋاتتى ۇيىستىرۋىمىز كەرەك“، - دەدى شياۋ تاۋ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
