شوكىرات زاكىر رەسەي ”2021 − عىلىم - تەحنيكا ونەركاسىبى“ تەحنيكانى دامىتۋ حالىقارالىق تالقى مىنبەرىنە قاتىناستى
2021.09.03 14:54 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي ياڭ 9 - ايدىڭ 1 - كۇنى ۇرىمجىدەن حابارلايدى. 8 - ايدىڭ 25 - كۇنىنەن 27 - كۇنىنە دەيىن رەسەي ”2021 − عىلىم - تەحنيكا ونەركاسىبى“ تەحنيكانى دامىتۋ حالىقارالىق تالقى مىنبەرى رەسەي فەدەراتسياسىنىڭ جاڭا سيبيريا قالاسىندا ءساتتى وتكىزىلدى. جاڭا سيبيريا وبلىسىنىڭ ۇسىنىسىمەن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بەينە ەكران تاسىلىمەن جالپى ماجىلىستە ءسوز سويلەدى. رەسەيدىڭ ورىنباسار زۇڭليى دميتري چەرنيشەنكو ءسوز سويلەدى.
شوكىرات زاكىر مىنالاردى ءبىلدىردى: ءتوراعا شي جينپيڭ بىلتىر 8 - ايدا جۇڭگو - رەسەي عىلىم - تەحنيكالىق جاڭالىق اشۋ جىلىنىڭ باستالۋ سالتىنا جولداعان قۇتتىقتاۋ حاتىندا ەكى ەلدىڭ عىلمي زەرتتەۋ قىزمەتكەرلەرى مەن عىلىم - تەحنيكا سالاسىنىڭ جان - جاقتى، كوپ دەڭگەيلى، كەڭ ءورىستى اۋىس - كۇيىس، سەلبەستىك ورىستەتۋىن ىلگەرىلەتۋدىڭ ماڭىزدىلىعىن باسا دارىپتەپ، جۇڭگو مەن رەسەيدىڭ عىلىم - تەحنيكالىق جاڭالىق اشۋ سەلبەستىگىنە ايقىن بەتالىس كورسەتتى. پارتيا ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، ەكونوميكانىڭ دامۋى مەن حالىق تۇرمىسىنىڭ جاقسارۋىن ىلگەرىلەتتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، جالپى تۇلعادا قوعام ورنىقتى، ەكونوميكا دامىعان، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، تاريحتاعى ەڭ تاماشا گۇلدەنگەن، دامىعان كەزەڭدە تۇر. شينجياڭ ”ءبىر بەلدەۋ، ءبىر جولدى“ بىرگە قۇرۋ تاريحي ورايىن مىقتى يگەرىپ، ”شاڭحاي سەلبەستىك ۇيىمى عىلىم - تەحنيكالىق سەرىك جوسپارىن“ اتقارىپ، جىبەك جولى ەكونوميكالىق بەلدەۋى وزەكتى رايونى عىلىم - تەحنيكا ورتالىعى قۇرىلىسىن بەلسەنە ىلگەرىلەتىپ، اۋىل شارۋاشىلىعى، ينفورماتسيا جانە شەكارا اتتاعان ەلەكتروندى ساۋدا ىستەرى سياقتى ءبىر توپ حالىقارالىق عىلىم - تەحنيكالىق سەلبەستىك تۇعىرىن ورناتىپ، حالىقارالىق عىلىم - تەحنيكالىق سەلبەستىك بازاسىن قۇرىپ، سيفرلى ساياحات، مال شارۋاشىلىعى، جەمىس ورمان شارۋاشىلىعى، كومىر حيميا ونەركاسىبى، كريستال ماتەريالدار، جەر سىلكىنىسىن باقىلاۋ - ولشەۋ، بۇلتتىق ەسەپتەۋدەن تەڭ يگىلىكتەنۋ تۇعىرى سياقتى جاقتارداعى حالىقارالىق عىلىم - تەحنيكالىق سەلبەستىكتى ناقتى ىلگەرىلەتتى.
شوكىرات زاكىر بىلاي دەپ اتاپ كورسەتتى: جۇڭگو - رەسەي ەكى ەلدىڭ جەرگىلىكتى ورىندارى اراسىنداعى عىلىم - تەحنيكالىق سەلبەستىكتى بەلسەنە ىلگەرىلەتۋ تاتۋ كورشىلىك دوستىقتى تەرەڭدەتىپ، ءوزارا پايدا جەتكىزەتىن سەلبەستىكتى كۇشەيتىپ، گۇلدەنۋدى، دامۋدى جەبەۋگە پايدالى. جۇڭگو شينجياڭى رەسەي جەرگىلىكتى ورىندار اراسىنداعى عىلىم - تەحنيكالىق جاڭالىق اشۋ سەلبەستىگى مەن اۋىس - كۇيىسىن ورىستەتۋگە ايرىقشا ءمان بەرەدى، وسى رەتكى تالقى مىنبەرىن وراي ەتىپ، ءارقايسى جاقتارمەن بىرگە عىلىم - تەحنيكالىق جاڭالىق اشۋ سەلبەستىگى اياسىن ۇزدىكسىز كەڭەيتىپ، عىلىم - تەحنيكا جەتىستىكتەرىن كادەگە جاراتۋدى تەرەڭدەتىپ، عىلىم - تەحنيكالىق قۇرىلىمدار مەن قىزمەتكەرلەر اۋىس - كۇيىسىن كۇشەيتىپ، سەلبەستىك ورەسىن ونان ارى جوعارىلاتۋدى قالايدى.
رەسەي فەدەراتسياسى مەملەكەتتىك دۋماسىنىڭ ءبىرىنشى ورىنباسار ءتوراعاسى الەكساندر جۋكوۆ، جاڭا سيبيريا وبلىسىنىڭ باستىعى اندرەي ترافنيكوۆ، رەسەي فەدەراتسياسى عىلىم جانە جوعارى دارەجەلى وقۋ - اعارتۋ مينيسترلىگىنىڭ مينيسترى ۆالەري فاليكوۆ قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
