شينجياڭ ۇيعۇر اۆتونوميالى رايونى شينجياڭعا ساياتىن ماسەلەلەر جونىندە اقپار جاريالاۋ ءماجىلىسىن اشتى
”شينجياڭنىڭ ورنىقتىلىق، دامۋ فاكتتەرى ولارعا الدەقاشان تويتارىس بەرگەن“
2021.09.02 16:29 كەلۋ قاينارى : شينجياڭ گازەتى
انار بۇلت/ شينجياڭ گازەتىنىڭ ءتىلشىسى ۋاڭ نا 8 - ايدىڭ 31 - كۇنى بەيجيڭنەن حابارلايدى. تاياۋدان بەرى انگلياداعى كەيبىر ساياسي الاياقتاردىڭ شينجياڭعا ساياتىن تاقىرىپتار جونىندە قايتا - قايتا سوقتىعۋىنا مەڭزەس، 8 - ايدىڭ 30 - كۇنى شينجياڭ ۇيعۇر اۆتونوميالى رايونى بەيجيڭدە شينجياڭعا ساياتىن ماسەلەلەر جونىندە اقپار جاريالاۋ ءماجىلىسىن اشىپ، قىرۋار تاريحي شىندىق جانە ساندى مالىمەت ارقىلى تويتارىس بەرىپ، انگليانىڭ ادامدىق ۇقىق جاعىنداعى ءىرىپ - شىرىگەن تاريحى مەن تۇنەكتى بولمىسىن ايپاراداي اشتى.
انگلياداعى جۇڭگوعا قارسى كەيبىر كۇشتەردىڭ شينجياڭ ”ءناسىل جويۋ“ جۇرگىزدى دەگەن جالاسىنا مەڭزەس، شينجياڭ قوعامدىق عىلىمدار اكادەمياسى تاريح زەرتتەۋ ورنىنىڭ تاريحي ماسەلەلەر مامانى ماحمۇت ابدۇۋالي انگليانىڭ اۆسترالياداعى تاسمانيالىقتاردى قىناداي قىرعاندىعى، جاڭا زەلاندياداعى ماۋريستەردى قانقۇيلىلىقپەن بۇلاپ - تالاعاندىعى، كەنيانىڭ ”ماۋماۋ“ پارتياسىنداعىلاردى راقىمسىزدىقپەن قىسپاققا العاندىعى سياقتى قىلمىستارىنان مىسال كەلتىردى. ”انگليا سياقتى ءدال وسىنداي مەملەكەتتىڭ ادامدىق ۇقىق جونىندە كوپىرە سويلەيتىن قانداي ۇقىعى بار؟“، − دەدى ماحمۇت.
انگلياداعى جۇڭگوعا قارسى كەيبىر كۇشتەردىڭ شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن جالاسىنا مەڭزەس، اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ بىلاي دەپ اتاپ كورسەتتى: 16 - عاسىردان كەيىنگى 300 نەشە جىل ىشىندە انگليا افريكالىق قارا ءناسىلدى قۇلداردى كەڭ كولەمدە ساۋدالاعان ءارى ولاردى زورلاپ ەڭبەككە سالعان. انگليا اقىل - پاراسات قويماسى ”قوعامدىق ادىلدىك ورتالىعى“ مىنالاردى ءبىلدىردى: قازىر انگليادا، از دەگەندە، 100 مىڭ ”وسى زامانعى قۇلدىق ءتۇزىمنىڭ“ كومەسكى زيانكەستىگىنە ۇشىراۋشى بار. ”زورلىقپەن ەڭبەككە سالۋ دەگەن قالپاقتى انگليانىڭ ءوزى كيگەنى ءبىرشاما ابزال“، - دەدى شۇي گۇيشياڭ.
انگلياداعى جۇڭگوعا قارسى كەيبىر كۇشتەردىڭ شينجياڭ ”مۇسىلمانداردى قىسپاققا الدى“ دەگەن جالاسىنا مەڭزەس، شينجياڭ داشۋەسى ادامدىق ۇقىق ماسەلەسىنىڭ مامانى ءراميلا شاۋكەت بىلاي دەپ اتاپ كورسەتتى: انگليادا مۇسىلمانداردى كەمسىتۋ داعدىلى جايتكە اينالعان، ولاردىڭ نەگىزگى ساياسي ۇقىعىنىڭ، ەكونوميكالىق ۇقىعىنىڭ، مادەنيەت ۇقىعىنىڭ، قوعامدىق ۇقىعىنىڭ قامسىزداندىرىلۋى قيىنعا سوعىپ وتىر. ”انگليا جاق وسى ماسەلەلەرگە مۇقيات، تۋرا قاراپ، وسى ماسەلەلەردى شەشۋى ءتيىس، ايتىلمىس شينجياڭ’ مۇسىلمانداردى قىسپاققا الدى‘ دەگەن ماسەلەگە بوسقا ۋاقىت سارىپ ەتپەسىن، بەتالدى جىنىكپەسىن“، - دەدى ءراميلا.
انگليا ءوزىن دەموكراتيالىق وزىق ەلمىز دەپ كوتەرمەلەپ، ناسىلدەردىڭ جاراسىمدىلىعى مەن ءوزارا قۇرمەت ەتۋدى باسا دارىپتەيدى، الايدا ناقتى احۋالدا افريكا تەكتىلەر، ازيا تەكتىلەر سياقتى از ساندى ناسىلدىلەردىڭ انگليادا ناسىلدىك كەمسىتۋگە، زورلىقتى كۇشكە نەمەسە مازالاۋعا ۇشىراۋ جايتى بارشىلىق. ”انگليا الەۋمەتتىك ساياسات زەرتتەۋ ورنىنىڭ ەڭ جاڭا زەرتتەۋىندە انگليادا ％7 ادامنىڭ قازىنالىق قيىنشىلىققا ۇشىراعاندىعى، ال اق ءناسىلدى ەمەس ادامداردىڭ ىشىندە بۇل سالىستىرما ％12 تە％18 كە جەتكەندىگى بايقالعان“، - دەدى اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى يليجان انايات.
شۇي گۇيشياڭ مىنالاردى ءبىلدىردى: انگليانىڭ شينجياڭدى جازعىرۋى فاكتكە قايشى، بارىپ تۇرعان ساندىراق، بۇكىلدەي ساياسي ويىننان كەلىپ شىققان سايقالدىق، شينجياڭنىڭ ورنىقتىلىق، دامۋ فاكتتەرى الدەقاشان ولارعا تويتارىس بەرگەن. انگلياداعى كەيبىر ساياسي الاياقتار ىستەۋگە قۋلىق، پايدالانۋعا كۇش، ويناۋعا ويىن تاپپاعاندا ەس - اقىلدان ايرىلىپ، ەسەرسوقتانا وسەك - اياڭ قۇراستىرىپ، ەڭ سۇرقيا قالپاقتى شينجياڭعا كيگىزدى.
ۆاشينگتون ”جوعارى دارەجەلى مەملەكەت قورعانىسىن زەرتتەۋ ورتالىعى“ جاريالاعان ”تەكسەرۋ مالىمەتىنە“ مەڭزەس، شۇي گۇيشياڭ بىلاي دەدى: بۇل جۇڭگوعا قارسى كۇشتەر ويدان قيىستىرىپ جازعان تاعى ءبىر ءۇيىندى قوقسىق قاعاز عانا، ول شينجياڭنىڭ گۇلدەنگەن، ورنىقتى اسا تاماشا جاعدايىنا تيتتەي دە ىقپال جاساي المايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
