مەملەكەت بويىنشا «كارتۋچكانى جونگە سالۋ» ارەكەتىنىڭ التىنشى كەزەكتى شوعىرلى تۇردە تور جيناۋ قىزمەتى ورىستەتىلدى
كوپ كارتۋچكا سۇعۋعا بولاتىن اسپاپتاردى زاڭسىز ورناتقان قىلمىس اپاندارىنان 200 دەن استامى تالقاندالدى
2021.09.02 16:21 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ تيانپەي 9 – ايدىڭ 1 – كۇنى بەيجيڭنەن حابارلايدى. 8 – ايدىڭ 31 – كۇنى مەملەكەتتىك كەڭەستىڭ تەلەگراف پەن ينتەرنەتتەگى جاڭا تيپتى زاڭعا قايشى قىلمىستارعا سوققى بەرۋ، جونگە سالۋ قىزمەتى جونىندەگى مينيسترلىكتەر ارا بىرلەسكەن ءماجىلىس كەڭسەسىنىڭ (تومەندە «مەملەكەتتىك كەڭەستىڭ بىرلەسكەن كەڭسەسى» دەپ قىسقارتىلىپ الىنادى) ءبىرتۇتاس جەتەكشىلىك ەتۋىندە، بۇكىل ەلىمىزدەگى «كارتۋچكانى جونگە سالۋ» ارەكەتىنىڭ التىنشى كەزەكتى شوعىرلى تۇردە تور جيناۋ قىزمەتى ورىستەتىلىپ، بەيجيڭ، تيانجين، حىبەي قاتارلى 28 ولكەدەگى قوعام حاۋىپسىزدىگى ورگاندارى تور جيناۋ ارەكەتىن ءبىر ۋاقىتتا ورىستەتتى، كوپ كارتۋچكانى ءبىر ۋاقىتتا سۇعۋعا بولاتىن اسپاپتاردان پايدالانىپ، تەلەگراف ارقىلى الدامكوستىك ىستەۋ سىندى زاڭعا قايشى قىلمىستىق توپتاعىلاردى شوعىرلى تۇردە تۇتقىندادى. سول كۇنى ساعات 20 عا دەيىن، زاڭعا قايشى قۇرىلعان كوپ كارتۋچكانى ءبىر ۋاقىتتا سۇعۋعا بولاتىن اسپاپتار ارقىلى قىلمىس وتكىزۋ اپاندارىنان 230 دان استامى تالقاندالىپ، قىلمىس كۇماندىلارىنان 600 نەشە ادام تۇتقىندالعان، زاڭعا قايشى كوپ كارتۋچكانى ءبىر ۋاقىتتا سۇعۋعا بولاتىن اسپاپتاردان 2000 نان استامى، تەلەفون كارتۋچكالارى مەن ينتەرنەتكە شىعۋ كارتۋچكالارىنان 370 مىڭنان استامى ءمۇسادىرالاندى.
بۇكىل ەلىمىز بويىنشا «كارتۋچكانى جونگە سالۋ» قىزمەتى ورىستەتىلگەننەن بەرى، قوعام حاۋىپسىزدىگى ورگاندارى زاڭعا قايشى تۇردە «ەكى ءتۇرلى كارتۋچكانى» ساۋدالايتىن قىلمىستىق توپتارعا ىشكەرىلەي سوققى بەرىپ، الدامكوستەرگە قارجى جانە تەحنيكالىق جاقتا قىزمەت وتەيتىن ءبىر توپ قىلمىستىق تىزبەكتى ءساتتى ءۇزىپ، «ەكى ءتۇرلى كارتۋچكانى» زاڭعا قايشى تۇردە تاسىمالداپ ساتاتىن ءبىر توپ قىلمىستىق جولداردى باتىل كەسىپ تاستادى، الدامكوستەردىڭ «ەكى ءتۇرلى كارتۋچكاعا» قول جەتكىزۋ جولدارى بارىنشا زور شەكتەمەگە ۇشىرادى. وتە – موتە، ونەركاسىپ جانە ينفورماتسيالاندىرۋ مينيسترلىگى ارناۋلى قىزمەت ورىستەتكەننەن بەرى، تەلەفون سوعىلماۋ، كەلتە حات جولدانباۋ، تور اعىمى جوق بولۋ سىندى «ۇشتە جوق» ۇيقىداعى تەلەفون كارتۋچكالارى توقتاتىلىپ، الدامكوستەردىڭ قولىنداعى تەلەفون كارتۋچكالارى دالمە – ءدال مەڭگەرىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
