اۆتونوميالى رايون حوتان ارناۋلى اقپار جاريالاۋ ءماجىلىسىن وتكىزدى
دۇنيە جۇزىنە حوتان حالقىنىڭ باقىتتى تۇرمىسىن ايگىلەيمىز
2021.09.01 18:18 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 8 - ايدىڭ 30 - كۇنى حوتاننان حابارلايدى. 8 - ايدىڭ 30 - كۇنى شينجياڭ ۇيعۇر اۆتونوميالى رايونى حوتان ارناۋلى اقپار جاريالاۋ ءماجىلىسىن وتكىزدى، حوتان قالاسى، قاراقاش اۋدانى، لوپ اۋدانى، شەريا اۋدانى، كەريا اۋدانى، گۇما اۋدانى سياقتى جەرلەردەن كەلگەن 10 بۇقارا ۋاكىلى باقىتتى تۇرمىستارىنان بىرگە ءلاززاتتاندى، دامۋ ۇستىندەگى شىنايى حوتان دۇنيە جۇزىنە ايگىلەندى.
”سوڭعى جىلدارى مەملەكەتتىڭ كۇش سالا قولداۋىندا حوتان تاريحتاعى ەڭ جاقسى گۇلدەنۋ، دامۋ مەزگىلىنە ءوتتى“. اقپار جاريالاۋ ماجىلىسىندە حوتان ايماقتىق اكىمشىلىك مەكەمەسىنىڭ ورىنباسار ءۋاليى ماحمۇت ءومارجان حوتان ايماعىنىڭ ەكونوميكالىق، قوعامدىق دامۋ جانە حالىق تۇرمىسىن جاقسارتۋ سياقتى جاقتارداعى احۋالىن تانىستىردى. ول بىلاي دەدى: كەزەكتە حوتان ايماعىنىڭ ورنىقتىلىق پايداسى تولىق ايگىلەنىپ، قالا، اۋىل دامۋىندا ءبارى جاڭارىپ، بازار نەگىزگى تۇلعالارىنىڭ ومىرشەڭدىگى تولىق قاۋلاپ، كەدەيلىكتەن ارىلتۋدان قامال الۋدا جاپپاي جەڭىسكە قول جەتكىزىپ، حالىق تۇرمىسى كورنەكتى جاقسارىپ، ۇلتتار ىنتىماعى اناعۇرلىم بەكەمدەلدى.
شەريا اۋدانى شياۋكاڭ جاڭا رايونىنا قونىس جاڭالاپ، كەدەيلەردى سۇيەمەلدەۋ بويىنشا كوشىرىلگەن وتباسى گۇلچىمان نۇر كوشىرىلۋدەن بۇرىنعى جانە كەيىنگى ءوندىرىس، تۇرمىس بارىسىنداعى وزگەرىستەردى بايىمدادى. ”جاڭا ءۇي كەڭ دە جارىق، اسفالت جول ەسىك الدىنا دەيىن جەتكىزىلدى، تاماق ىستەگەندە تابيعي گاز ىستەتەمىز، قۇبىر سۋى تۇتاسقان، كەزىندە كوكسەگەن تۇرمىسىمىز بۇگىن رەالدىققا اينالدى“، - دەدى گۇلچىمان اسەرلەنە.
”تۇرعىن ءۇي، ەمدەۋ، وقۋ - اعارتۋ تۇگەلدەي قامتاماسىز ەتىلدى“. گۇلچىمان بىلاي دەدى: قازىر 2 بالامىز جاقىن ماڭداعى باستاۋىش مەكتەپتە جانە بالاباقشادا تەگىن وقۋدا، اسپاز كۇيەۋىم ەكەۋىمىز الاڭسىز قىزمەت ىستەۋدەمىز.
شينجياڭدا ءار ۇلت بۇقاراسىنىڭ ءبىلىم الۋ ۇقىعى، بالا ءسۇيۋ ۇقىعى سياقتى نەگىزگى ۇقىقتارى تولىق قامتاماسىز ەتىلدى. ”حوتان ايماعى اۋىل - قىستاق مەكتەپكە دەيىنگى تەگىن تاربيەمەن جاپپاي قامتۋدى ىسكە اسىردى، قىستاق سايىن بالاباقشا بار“. اقپار جاريالاۋ ماجىلىسىندە كەريا اۋدانى سەنبىبازار قالاشىعى بالاباقشاسىنىڭ وقىتۋشىسى نۇربيام ياسىن جەرگىلىكتى ورىنداعى وقۋ جاسىنا دەيىنگى بالالاردىڭ تاربيە الۋ جاعدايىن تانىستىردى. حوتان قالاسىنداعى ميھىرگۇل ابدۇكەرىم 3 بالانىڭ اناسى، ول سول جەردە وتباسىنداعىلارمەن بىرگە بولعان بەينە ەكرانىن قويدى، جۇكتىلىك مەزگىلىندە شيپاحانانىڭ مەرزىمدى ۋاقىتتاعى دەنساۋلىق تەكسەرۋى سياقتى قىزمەت وتەۋلەرىنەن يگىلىكتەنگەنىن ايتتى. ”كەيبىر جات نيەتتى ادامدار شينجياڭدا ’ءناسىل جويۋ‘ ءومىر سۇرۋدە دەپ وسەك - اياڭ تاراتتى. بالالارىممەن وتكەن باقىتتى تۇرمىسىما قاراڭىزدار، كىمنىڭ وتىرىك ايتىپ وتىرعانى بەسەنەدەن بەلگىلى“.
حوتان ايماعىندا ءار ۇلتتىڭ تەڭدىك ۇقىق - مۇددەسى تولىق قامتاماسىز ەتىلىپ، ارماندارىن ورىنداۋ جولىندا تالىقپاي كۇرەس جاساعان مۇراتتى جاستار بارعان سايىن كوبەيۋدە. حوتان اۋدانىنداعى عۇنچەم سىدىق داشۋە تاۋىسقاننان كەيىن اۋىلىنا قايتىپ جەرگىلىكتى ورىننىڭ باعىمشىلىق ىستەرىنە ات سالىستى؛ قاراقاش اۋدانىنداعى پاتىگۇل قاسىم تاربيەلەۋ - باۋلۋ ورتالىعىنان ۇيرەنگەن بىلىمىنە سۇيەنىپ ءتاتتى پراندىك جاساۋ دۇكەنىن اشتى؛ گۇما اۋدانىنداعى تۇرسۇن قاۋۇز انار ەگىپ جىلىنا 270 مىڭ يۋان كىرىس كىرگىزدى؛ لوپ اۋدانىنداعى ءشاپحات ءجۇرات اۋىلداستارىمەن بىرگە ساڭىراۋقۇلاق كاسىبىن دامىتتى؛ حوتان كەشكى بازارىندا شارۋاشىلىق جۇرگىزەتىن قايسار تۇرسۇنتوحتى ءۇرىمجى، چيڭداۋ سياقتى جەرلەردە 7 جەردەن حوتان ايران قياق كۇرىش دۇكەنىن اشتى؛ قاراقاش اۋدانى پۇشاقشى قالاشىعىنداعى تۇت قاعازىن جاساۋشى ابدۇقادىر كەرىم ءداستۇرلى قولونەردى ساۋلەلەندىرىپ، ەل - ءىشى سىرتىنداعى قاريدارلارى تولاستامادى.
اقپار جاريالاۋ ماجىلىسىندە «ەسىك اشقان حوتان، دۇنيە جۇزىنە قۇشاق جايدى» ۇگىت فيلمى قويىلدى، حوتان ايماعىنداعى قاتىستى مەكەمە - ورىندارىنىڭ جاۋاپتىسى حوتان ايماعىنىڭ ەڭبەكپەن جۇمىستاندىرۋ، حالىق تۇرمىسىن قامتاماسىز ەتۋ، قوي شارۋاشىلىعىن دامىتۋ سياقتى مازمۇندار جونىندە تىلشىلەردىڭ سۇراۋىنا جاۋاپ بەرىپ، ناقتى ساندى مالىمەت جانە جاندى مىسالدار ارقىلى امەريكاداعى، باتىستاعى جۇڭگوعا قارسى كۇشتەر قۇراستىرعان شينجياڭعا ساياتىن وسەك - اياڭدارعا پارمەندى تويتارىس بەردى.
”دۇنيە جۇزىنە حوتان حالقىنىڭ باقىتتى تۇرمىسىن ايگىلەيمىز“ حوتان شينيۇي ءان - ءبي ۇيىرمەسىنىڭ ءبي اكتەرى مامەت ءومار نيجات سول جەردە شەشەسىمەن بىرگە شاتتانا بيگە باستى، ول مۋزيكا جانە ءبي ارقىلى ءتىپتى كوپ ادامنىڭ حوتاندى تۇسىنۋىنە، شينجياڭدى تۇسىنۋىنە مۇمكىندىك جاسايتىندىعىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
