باسقالاردىڭ اتىن جامىلىپ، مەديتسينالىق قامسىزداندىرۋدان پايدالانۋ الدامكوستىك قىلمىسىن قالىپتاستىرۋى مۇمكىن (دەلومەن بىرلەستىرىپ، زاڭدى ءتۇسىندىرۋ)
حالىق گازەتىنىڭ ءتىلشىسى جين شين
2021.09.09 13:35 كەلۋ قاينارى : حالىق تورابى
[دەلو جاعدايى] شين X ناۋقاسقا شالدىعىپ، ەمحاناعا جاتىپ ەمدەلۋى قاجەت بولادى، جۇمىسسىز جۇرگەندىكتەن، مەديتسينالىق قامسىزداندىرۋ كارتۋچكاسىنا اقى تولەۋدى توقتاتىپ قويعان بولاتىن، سونىمەن، ول ناعاشى اعاسى شۋاي Xدىڭ مەديتسينالىق قامسىزداندىرۋ كارتۋچكاسىن سۇراپ الىپ، ناۋقاس كورسەتپەك بولادى، شۋاي X مەديتسينالىق قامسىزداندىرۋ كارتۋچكاسىن شين Xعا بەرەدى. شين X شۋاي Xدىڭ مەديتسينالىق قامسىزداندىرۋ كارتۋچكاسىن الىپ، بەلگىلى ەمحاناعا بارىپ ءنومىر الىپ ەمدەلەدى ءارى بۇل مەديتسينالىق كارتۋچكا ارقىلى اقى تاپسىرىپ، ءدارى ساتىپ الادى. وسىدان سوڭ، شين X تاعى دا شۋاي Xدىڭ مەديتسينالىق قامسىزداندىرۋ كارتۋچكاسىنان پايدالانىپ، وپەراتسيا جاساتادى. كوپ وتپەي، مەملەكەتتىك مەديتسينالىق قامسىزداندىرۋ مەكەمەسى اتالعان ەمحانانىڭ شين Xدىڭ باسقالاردىڭ مەديتسينالىق قامسىزداندىرۋ كارتۋچكاسىمەن ەمدەلگەنى جونىندەگى اشكەرەلەۋىن تاپسىرىپ الادى، ىلە – شالا، جەرگىلىكتى ورىنداعى مەديتسينالىق قامسىزداندىرۋ مەكەمەسى جەكە – جەكە شين X، شۋاي Xدى شاقىرىپ سويلەسەدى. انىق ىسپات الدىندا، ەكەۋى مەديتسينالىق قامسىزداندىرۋ كارتۋچكاسىن اۋىستىرىپ پايدالانۋ ارقىلى الەۋمەتتىك قامسىزداندىرۋ قورىنان جيىنى 6900 يۋاننان استام اقشانى الداپ ىستەتكەنى جايلى فاكتىنى مويىندايدى.
ىلە – شالا، مەديتسينالىق قامسىزداندىرۋ مەكەمەسى ەكەۋىنىڭ ءىسىن ءادىليا ورگاندارىنا وتكىزىپ بەرەدى. ەڭ سوڭىندا، سوت مەكەمەسى الدامكوستىك قىلمىسى بويىنشا شين Xدى 3 ايلىق قاماۋعا الادى ءارى حالىق اقشاسى بويىنشا 3000 يۋان ايىپ سالادى. شۋاي Xدىڭ تۋىستىق قارىم – قاتىناس بويىنشا مەديتسينالىق قامسىزداندىرۋ كارتۋچكاسىن بەرە تۇرعانىن، دەلوعا قاتىستى قاراجاتتى قايتارعانىن ءارى بۇدان پايدا تۇسىرمەگەنىن، ونىڭ ۇستىنە، دەلو تۇرعىزىلعاننان كەيىن ىرىقتىلىقپەن قىلمىسىن تانىپ، جازاسىن مويىنداعانىن، دەلو سيپاتىنىڭ جەڭىل ەكەنىن ويلاستىرىپ، شۋاي Xدىڭ ۇستىنەن شاعىم ايتىلمادى.
[زاڭ ۇگىتى] سۋديا مىناداي ەسكەرتۋ جاريالادى: الەۋمەتتىك قامسىزداندىرۋ قورى مەديتسينالىق قامسىزداندىرۋ قورى، زەينەتكەرلىك قامسىزداندىرۋ قورى، كاسىپسىزدىك قامسىزداندىرۋ قورى قاتارلىلاردى قامتيدى، مۇنداعى مەديتسينالىق قامسىزداندىرۋ قورى جەكەلەر ەمدەلگەن كەزدە پايدالانۋعا بولاتىن قور، جەكەلەر تەك مەديتسينالىق قامسىزداندىرۋعا قاتىناسقان كەزدە عانا مەديتسينالىق قامسىزداندىرۋ قورىنان قاراجاتتى كوتەرتۋىنە بولادى. الايدا، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 266 – تارماعىنداعى تۇسىندىرمەسىندە دە بىلاي دەپ بەلگىلەنگەن: الدامكوستىك ىستەۋ، جالعان ىسپات جاساۋ نەمەسە باسقا تاسىلدەرمەن زەينەتكەرلىك، مەديتسينالىق، جۇمىس ۇستىندە جارالانۋ، كاسىپسىزدىك، تۋىت قاتارلى الەۋمەتتىك قامسىزداندىرۋ قاراجاتتارىن نەمەسە باسقا قوعامدىق قامتاماسىزداندىرۋ يگىلىك تۇرلەرىن الداپ الۋ قىلمىستىق ىستەر زاڭى 266 – تارماعىندا بەلگىلەنگەن مەملەكەت پەن جەكەنىڭ مال – مۇلكىن الداپ الۋ ارەكەتىنە جاتادى. بۇل دەلودا شين X شۋاي Xدىڭ مەديتسينالىق قامسىزداندىرۋ كارتۋچكاسىن پايدالانىپ، زاڭعا قايشى تۇردە يەلەپ الۋ ماقساتىندا مەديتسينالىق قامسىزداندىرۋ قورىنىڭ قاراجاتىن الداپ العان، مەملەكەت پەن جەكەنىڭ مال – مۇلكىن الداپ الۋ ارەكەتىنە جاتادى.
سۋديا مىنانى ەسكەرتتى: مەديتسينالىق قامسىزداندىرۋ كارتۋچكاسىن تەك ءوزىنىڭ پايدالانۋىنا بولادى، باسقالاردىڭ ءوزىنىڭ اتىندا مەديتسينالىق قامسىزداندىرۋ كارتۋچكاسىنان پايدالانعانىن بىلە تۇرا مايعا بەرسە، قارىزعا بەرسە، سوماسى قوماقتى بولعان جاعدايدا، بىرلەسىپ قىلمىس وتكىزۋ كۇمانىن قالىپتاستىرعان ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
