شي جينپيڭ مەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ كوكتەم مەرەكەسى بايلانىسىمەن ءوزارا قۇتتىقتاۋ حاتىن جولدادى
2022.01.26 20:17 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 25 - كۇنى، بەيجيڭ. 1 - ايدىڭ 25 - كۇنى، جۇڭگو مەن ۆيەتنامنىڭ ءداستۇرلى مەرەكەسى − كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ كوكتەم مەرەكەسى بايلانىسىمەن ءوزارا قۇتتىقتاۋ حاتىن جولدادى.
شي جينپيڭ قۇتتىقتاۋ حاتىندا مىنانى ءبىلدىردى: جاڭا عانا وتكەن 2021 - جىل جۇڭگو مەن ۆيەتنام پارتيالارىنىڭ، ەلدەرىنىڭ وزىندىك دامۋ بارىسىنداعى ەرەكشە ءبىر جىل بولدى. جۇڭگو كوممۋنيستىك پارتياسى 100 جىلدىق مەرەي تويىن سالتاناتپەن قۇتتىقتادى، جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، جۇڭگو حالقى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ارشىندى قاداممەن العا باسۋدا. ۆيەتنام كوممۋنيستىك پارتياسى 13 - قۇرىلتايىن تابىسپەن اشتى، قازىر ۆيەتنام حالقىن باستاپ 13 - قۇرىلتايدىڭ قارار رۋحىن دايەكتىلەندىرىپ، تياناقتاندىرىپ، ۆيەتنام كوممۋنيستىك پارتياسىنىڭ 13 - قۇرىلتايىندا بەلگىلەنگەن دامۋ نىساناسىنا قاراي قادام تاستاۋدا.
شي جينپيڭ بىلاي دەپ دارىپتەدى: جۇڭگو مەن ۆيەتنام − تاۋ - وزەندەرى جالعاسقان سوتسياليستىك كورشى ەلدەر، ستراتەگيالىق مانگە يە تاعدىرلاس ورتاق تۇلعا. قازىر 100 جىلدىق وزگەرىس پەن عاسىرلىق ىندەت ارالاسىپ، قاباتتاسىپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى، جۇڭگو مەن ۆيەتنامنىڭ ورتاق مۇددەسى اناعۇرلىم كەڭەيدى. جۇڭگو مەن ۆيەتنام پارتيالارى حالىقتى وزەك ەتۋدە تاباندى بولىپ، جۇڭگو مەن ۆيەتنامنىڭ دوستىق سەلبەستىگىن ۇزدىكسىز تەرەڭدەتىپ، ەكونوميكالىق، قوعامدىق دامۋ مەن ىندەتتەن ساقتانۋدى ءبىر تۇتاس ىلگەرىلەتىپ، ەكى ەلدىڭ رەفورما جاساپ، ەسىك اشۋ جانە جاڭالىق اشۋ ىستەرىندە ۇزدىكسىز تىڭ تابىستارعا قول جەتكىزۋىن ىلگەرىلەتىپ، سوتسياليستىك ءتۇزىمنىڭ ابزالدىعى مەن ومىرشەڭدىك كۇشىن ايگىلەدى.
شي جينپيڭ بىلاي دەپ اتاپ كورسەتتى: 2022 - جىلعا نازار سالساق، مەن باس شۋجي رۋان فۋجۇڭ جولداسپەن تىعىز بايلانىستى جالعاستىرىپ، جۇڭگو - ۆيەتنام قاتىناسىنىڭ ۇزدىكسىز جاقسارۋىنا باعدار سىلتەۋدى قالايمىن. ەكى جاقتىڭ تاتۋ كورشى، ابزال دوس، جاقسى جولداس، سەنىمدى سەرىك بولۋ سىندى «تورتتە جاقسى» بولۋ رۋحىن ۇستانىپ، ءداستۇرلى دوستىقتى بەكەمدەپ، ساياسي سەنىمدىلىكتى كۇشەيتىپ، ناقتى سەلبەستىكتى تەرەڭدەتىپ، الاۋىزدىقتاردى ۇيلەسىمدى تىزگىندەپ، سىن - سايىسقا قول ۇستاسا توتەپ بەرىپ، جۇڭگو - ۆيەتنام قاتىناسىنىڭ تىڭ جەتىستىكتەرگە قول جەتكىزۋىن ىلگەرىلەتۋىن، وڭىرلىك سەلبەستىكتىڭ تىڭ دەڭگەيگە كوتەرىلۋىن ىلگەرىلەتىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىن ءۇمىت ەتەمىن.
رۋان فۋجۇڭ قۇتتىقتاۋ حاتىندا وتكەن ءبىر جىلدا شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا پارتيا قۇرىلعانىنىڭ 100 جىلدىعىن قۇتتىقتاۋ جەلىلەس قيمىلدارىنىڭ ءساتتى وتكىزىلگەنى، ج ك پ 19 - كەزەكتى ورتالىق كوميتەتىنىڭ التىنشى جالپى ءماجىلىسىنىڭ تابىسپەن اشىلۋى، «14 - بەسجىلدىق» جوبانىڭ اتقارىلۋىن ىلگەرىلەتۋ سياقتى تاريحي مانگە يە كەلەلى وقيعالاردى جوعارى باعالاپ، مىنانى ءبىلدىردى: وتكەن ءبىر مەزگىلدە مەن باس شۋجي جولداسپەن ماڭىزدى ورتاق تانىمعا كەلىپ، ۆيەتنام مەن جۇڭگو ەكى پارتيا، ەكى ەل قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋدە ماڭىزدى ستراتەگيالىق جەتەكشىلىك رول اتقاردىق. حالىقارالىق جانە وڭىرلىك جاعدايدا تەرەڭ وزگەرىس تۋىلىپ، ەكى ەلدىڭ سوتسياليستىك قۇرىلىس ىستەرى جاڭا دامۋ كەزەڭىنە وتكەن جاعدايدا، مەن باس شۋجي جولداسپەن بىرگە ەكى جاقتىڭ ءارقايسى جىكتەگىلەرىنىڭ، تاراۋلارىنىڭ، جەرگىلىكتى ورىندارىنىڭ جوعارى جىكتەگىلەردىڭ ورتاق تانىمىن دايەكتى تياناقتاندىرىپ، ساياسي سەنىمدىلىكتى ارتتىرىپ، ءار سالاداعى ناقتى سەلبەستىكتى، اسىرەسە، ىندەتكە قارسى اتتانۋ جانە ەكونوميكا - ساۋدا، قارجى قوسۋ سەلبەستىگىن كۇشەيتىپ، حالىقتىق بارىس - كەلىستى كۇشەيتىپ، ۆيەتنام مەن جۇڭگونىڭ تاتۋ كورشىلىك، دوستىق جانە جالپى بەتتىك ستراتەگيالىق سەلبەستىك سەرىكتەستىك قاتىناسىن ىلگەرىلەتۋگە اناعۇرلىم جوعارى دەڭگەيدە تىڭ قوزعاۋشى كۇش قوسۋدى قالايمىن.
شي جينپيڭ مەن رۋان فۋجۇڭ ەكى ەلدىڭ گۇلدەنىپ - كوركەيۋىن، حالىقتارىنىڭ باقىتتى، الاڭسىز بولۋىن بىرگە تىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
