قازاقستان بۇكىل ەل كولەمىندە شۇعىل جاعدايدى اياقتاتتى، تۇرعىنداردىڭ تۇرمىسى قالپىنا كەلدى
2022.01.20 16:42 كەلۋ قاينارى : حالىق تورابى
شينحۋا اگەنتتىگىنىڭ 1- ايدىڭ 19 - كۇنى نۇر - سۇلتاننان بەرگەن حابارى. بۇكىل قازاقستان بويىنشا 1 - ايدىڭ 19 - كۇنى ساعات نولدەن باستاپ شۇعىل جاعدايدى رەسمي كۇشىنەن قالدىردى، تۇرعىنداردىڭ تۇرمىسى قالپىنا كەلدى، ۇجىمدىق حاۋىپسىزدىك ۇيىمىنىڭ بەيبىتشىلىكتى قورعاۋ قوسىنى قازاقستان شەكاراسىنان تۇگەلدەي شەگىنىپ شىقتى.
قازاقستان رەسپۋبليكاسىنىڭ زۇڭتۇڭى توقايەۆتىڭ 1 - ايدىڭ 5 - كۇنى قول قويعان زۇڭتۇڭ بۇيرىعىنا ساي، بۇكىل قازاقستان بويىنشا 1 – ايدىڭ 19 - كۇنى ساعات نولدەن باستاپ شۇعىل جاعدايدى رەسمي كۇشىنەن قالدىرىپ، شۇعىل جاعدايدا قوعام ءتارتىبىن قامتاماسىزداندىرۋ ءۇشىن قولدانعان بارلىق شەكتەۋ شارالارىن اياقتاتتى.
جەرگىلىكتى اقپارات قۇرالدارىنىڭ حابارىنا قاراعاندا، دۇربەلەڭنىڭ ىقپالىنا ءبىرشاما زور ۇشىراعان الماتى قالاسى، جامبىل وبلىسى سياقتى رايوندار شۇعىل جاعداي كۇشىنەن قالدىرىلعاننان كەيىن دە لاڭكەستىك حاۋىپتىڭ «قىزىل ءتۇستى» ساقتىق دارەجەسىن ساقتاپ، ساقشىلار، حالىقتىق قورعاۋشى ارميا جانە قارۋلى ءبولىم قىزمەتكەرلەرى شارلاۋ جانە زاڭ اتقارۋ مىندەتىن تاۋلىك بويى اتقارادى ەكەن.
حاباردا قازاقستان قورعانىس مينيسترلىگىنىڭ حابارىنان سيتات كەلتىرىپ بىلاي دەلىنگەن: ەڭ سوڭعى توپتاعى ۇجىمدىق حاۋىپسىزدىك ۇيىمىنىڭ بەيبىتشىلىكتى قورعاۋ قوسىنى 1 - ايدىڭ 19 - كۇنى الماتى اۋەجايى ارقىلى قازاقستاننان كەتكەن، سونىمەن ۇجىمدىق حاۋىپسىزدىك ۇيىمىنىڭ بەيبىتشىلىكتى قورعاۋ قوسىنى قازاقستاننان شەگىنىپ شىعۋ مىندەتى رەسمي اياقتادى، قازاقستاندا شەتەل ارمياسى قالمادى.
قازاقستاننىڭ تۇڭعىش زۇڭتۇڭى تورابىنىڭ حابارىنا قاراعاندا، قازاقستاننىڭ تۇڭعىش زۇڭتۇڭى نازاربايەۆ 1 - ايدىڭ 18 -كۇنى استانا نۇر - سۇلتان قالاسىندا دۇربەلەڭ تۋىلعاننان بەرگى تۇڭعىش رەتكى بەينە ەكران ءسوزىن جاريالاعان. ول بىلاي دەدى: ۇيىمداسقان دۇربەلەڭ مەن شابۋىل مەملەكەتتىڭ يەلىك ۇقىعىن، نەگىزىن جانە تۇتاستىعىن بۇلدىرۋگە ۇرىندى، زۇڭتۇڭ توقايەۆتىڭ باتىل شەشىمدەرىنىڭ ارقاسىندا ەل ىرگەسى سوگىلگەن جوق.
نۇرسۇلتان نازاربايەۆ مىنالاردى باسا دارىپتەدى: 2019 ـ جىلى ول زۇڭتۇڭدىق قىزمەت ۇقىعىن توقايەۆكە وتكىزىپ بەرگەن، سودان بەرى ول زەينەتكە شىققان. توقايەۆ حاۋىپسىزدىك كەڭەسىنىڭ ءتوراعاسى بولدى، قازاقستان حالقى توقايەۆ العا قويعان حالىقتىڭ ىرىسىن ارتتىراتىن رەفورما جوباسىن قولداۋى كەرەك. قازاقستان، ءسوز جوق، وسى جولعى داعدارىستان وتە الادى، ءتىپتى، قۇدىرەتتەنە تۇسەدى.
جاڭا جىل باستالىسىمەن قازاقستاننىڭ باتىس وڭتۇستىگىندەگى ماڭعىستاۋ وبلىسىنىڭ كوپ جەرىندەگى سۇيىلتىلعان گازدىڭ باعاسى بارىنشا جوعارىلاپ، قازاقستاننىڭ ءبىر ءبولىم قالالارىنداعى حالىق جينالىپ نارازىلىق ءبىلدىردى. قازاقستان زۇڭتۇڭى توقايەۆ 1 - ايدىڭ 5 - كۇنى ۇكىمەتتىڭ مىندەتىنەن بوساۋىن قابىلدادى ءارى قوعامدىق ەكونوميكالىق جاعداي ءماجىلىسىن باسقارىپ اشىپ، زات باعاسىن ورنىقتىرۋدىڭ كوپ ءتۇرلى شارالارىن قولدانۋدى ۇيعاردى. توقايەۆ سول كۇنى زۇڭتۇڭ بۇيرىعىنا قول قويىپ، 1 - ايدىڭ 5 - كۇنىنەن 19 - كۇنىنە دەيىن بۇكىل ەل كولەمىندە شۇعىل جاعدايعا وتكەندىگىن جاريالادى. الايدا ءىشىنارا رايونداردا دۇربەلەڭ جالعاسىپ، كوپتەگەن جەرلەردە دۇربەلەڭ تۋدىرۋشىلار ۇكىمەت قۇرىلىمدارىنا شابۋىل جاساۋ، ساقشىلارعا شابۋىل جاساۋ سياقتى جاعدايلار تۋىلدى. وسىدان كەيىن، ۇجىمدىق حاۋىپسىزدىك ۇيىمى توقايەۆتىڭ ءوتىنىشى بويىنشا قازاقستانعا بەيبىتشىلىكتى قورعاۋ قوسىنىن جىبەردى. 1 - ايدىڭ 12 - كۇنى قازاقستان جاڭا كەزەكتى ۇكىمەتى سەرت بەرىپ مىندەتكە وتىردى ءارى ەكونوميكانى قالپىنا كەلتىرۋدى، تۇرعىنداردىڭ تۇرمىس ساپاسىن جوعارىلاتۋدى باستى مىندەت ەتەتىندىكتەرىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
