مەملەكەتتىك كەڭەس كەڭسەسى «<14 - بەسجىلدىق> كەزىندەگى جۇڭگوشا شيپاگەرلىك، ءدارى - دارمەك ىستەرىن دامىتۋ جوسپارىن» باسىپ تاراتتى
2022.03.30 16:41 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 29 - كۇنى، بەيجيڭ. مەملەكەتتىك كەڭەس كەڭسەسى بىرنەشە كۇننىڭ الدىندا «<14 - بەسجىلدىق> كەزىندەگى جۇڭگوشا شيپاگەرلىك، ءدارى - دارمەك ىستەرىن دامىتۋ جوسپارىن» (تومەندە قىسقاشا «جوسپار» دەلىنەدى) باسىپ تاراتىپ، «14 - بەسجىلدىق» كەزىندەگى جۇڭگوشا شيپاگەرلىك، ءدارى - دارمەك قىزمەتىنە جاپپاي ورنالاستىرۋ جاسادى.
«جوسپاردا» بىلاي دەپ اتاپ كورسەتىلدى: «14 - بەسجىلدىق» كەزىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، جاڭا دامۋ ساتىسىن تياناق ەتىپ، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، جاڭا دامۋ جۇيەسىن قۇرىپ، جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرۋدە تاباندى بولىپ، جاۋھارىن جالعاستىرىپ، دۇرىس جولدان تايماي جاڭالىق اشىپ، جۇڭگوشا ءدارى - دارمەكتى گۇلدەندىرۋ، دامىتۋ كەلەلى ينجەنەرياسىن اتقارىپ، ولقىلىقتاردى تولىقتاپ، ءالسىز بۋىنداردى كۇشەيتىپ، ابزالدىقتى ساۋلەلەندىرىپ، ومىرشەڭدىك كۇشتى تاسقىنداتىپ، جۇڭگوشا ءدارى - دارمەك پەن وسىزامانعى عىلىمدى ۇشتاستىرۋدى ىلگەرىلەتىپ، جۇڭگوشا ءدارى - دارمەك پەن باتىسشا ءدارى - دارمەكتىڭ ءبىرىن - ءبىرى تولىقتاۋىن، سايكەستى دامۋىن ىلگەرىلەتىپ، جۇڭگوشا ءدارى - دارمەكتى وسىزامانداندىرۋدى، كاسىپ سالالاندىرۋدى ىلگەرىلەتىپ، جۇڭگوشا شيپاگەرلىك پەن ءدارى - دارمەكتىڭ ساپالى دامۋى مەن دۇنيە جۇزىنە بەت الۋىن ىلگەرىلەتىپ، سالاماتتى جۇڭگو قۇرىلىسىن جاپپاي ىلگەرىلەتۋگە، حالىقتىڭ سالاماتتىعىن اناعۇرلىم ويداعىداي قامتاماسىز ەتۋگە پارمەندى تىرەك ازىرلەۋ كەرەك.
«جوسپاردا» «14 - بەسجىلدىق» جوبا كەزىندەگى جۇڭگوشا شيپاگەرلىك پەن ءدارى - دارمەك ىستەرىن دامىتۋدىڭ نەگىزگى پرينسيبى بىلايشا ايقىندالدى: حالىقتى وزەك ەتۋدە، دامۋ زاڭدىلىعىنا بويسۇنۋدا، رەفورمانى، جاڭالىق اشۋدى تەرەڭدەتۋدە، ءبىر تۇتاس جوسپارلاپ، سايكەستى ىلگەرىلەتۋدە تاباندى بولۋ كەرەك. «جوسپاردا» مىنالار العا قويىلدى: 2025 - جىلعا بارعاندا جۇڭگوشا شيپاگەرلىك پەن ءدارى - دارمەكتىڭ سالاماتتىققا قىزمەت وتەۋ قۋاتىن كورنەكتى كۇشەيىپ، جۇڭگوشا شيپاگەرلىك پەن ءدارى - دارمەك ىستەرىن ساپالى دامىتۋ ساياساتى مەن جۇيەسىن ونان ارى كەمەلدەندىرىپ، جۇڭگوشا شيپاگەرلىك پەن ءدارى - دارمەك ىستەرىنىڭ گۇلدەنىپ - كوركەيۋىندە، دامۋىندا بەلسەندى ونىمدىلىككە قول جەتكىزىپ، سالاماتتى جۇڭگو قۇرىلىسىنداعى وزگەشە ابزالدىعىن تولىق ساۋلەلەندىرۋ كەرەك. «جوسپاردا» جۇڭگوشا شيپاگەرلىك، ءدارى - دارمەك ىستەرىنىڭ قىزمەت وتەۋ جۇيەسى، ەرەكشە دارىندىلار قوسىنى، مۇراگەرلىك ەتۋ، جاڭالىق اشۋ، كاسىپ سالاسى جانە سالاماتتىق قىزمەت وتەۋ كاسىبى، مادەنيەت، اشىق دامۋ، جونگە سالۋ دەڭگەيى سياقتى جاقتارداعى ناقتى دامۋ نىسانالارى، سونداي - اق 15 ءتۇرلى نەگىزگى دامۋ كورسەتكىشى العا قويىلدى.
«جوسپاردا» 10 جاقتاعى ءتۇيىندى مىندەت ورنالاستىرىلدى، بۇلار مىنالاردى قامتيدى: ساپالى، جوعارى ءونىمدى جۇڭگوشا شيپاگەرلىك، ءدارى - دارمەك قىزمەت وتەۋ جۇيەسىن قۇرۋ، جۇڭگوشا شيپاگەرلىك، ءدارى - دارمەك ىستەرىنىڭ سالاماتتىققا قىزمەت وتەۋ قۋاتىن جوعارىلاتۋ، ساپالى جۇڭگوشا شيپاگەرلىك، ءدارى - دارمەك دارىندىلار قوسىنىن قۇرۋ، جوعارى دەڭگەيلى جۇڭگوشا شيپاگەرلىك پەن ءدارى - دارمەكتى جالعاستىرۋ، قورعاۋ جانە عىلىم - تەحنيكادا جاڭالىق اشۋ جۇيەسىن قۇرۋ، جۇڭگوشا شيپاگەرلىك، ءدارى - دارمەك كاسىبىنىڭ ساپالى دامۋىن ىلگەرىلەتۋ، جۇڭگوشا شيپاگەرلىك، ءدارى - دارمەك مادەنيەتىنىڭ گۇلدەنىپ - كوركەيۋىن، دامۋىن ىلگەرىلەتۋ، جۇڭگوشا شيپاگەرلىك، ءدارى - دارمەك سالاسىنداعى رەفورمانى تەرەڭدەتۋ، سونداي - اق جۇڭگوشا شيپاگەرلىك، ءدارى - دارمەك دامۋىنىڭ تىرەكتىك كەپىلدىگىن كۇشەيتۋ، سونداي - اق 11 ۇلكەن تۇردەگى، 44 تۇردەگى كەلەلى ينجەنەريا نىسانى ورنالاستىرىلدى.
«جوسپاردا» مىنالار اتاپ كورسەتىلدى: ۇيىمدىق باسشىلىقتى كۇشەيتىپ، مەملەكەتتىك كەڭەستىڭ جۇڭگوشا شيپاگەرلىك، ءدارى - دارمەك قىزمەتىنىڭ تاراۋلار ارا بىرىككەن ءماجىلىس كەڭسەسىنىڭ ءبىر تۇتاس جوسپارلاۋ فۋنكتسياسىن كۇشەيتۋ؛ ۇسىنىلىممەن قامتاماسىز ەتۋدى كۇشەيتىپ، جۇڭگوشا شيپاگەرلىك، ءدارى - دارمەك ىستەرى دامۋىنىڭ كوپ نەگىزدى ۇسىنىلىم مەحانيزمىن ونان ارى كەمەلدەندىرۋ؛ اتقارۋ مەحانيزمىن اقاۋسىزداندىرىپ، جوبانى جاساۋدى، اتقارۋدى تۇزىمدىك جاقتان قامتاماسىز ەتۋدى كۇشەيتۋ؛ ۇگىتتەۋگە، جەتەكتەۋگە ءمان بەرىپ، تۇتاس قوعام جۇڭگوشا شيپاگەرلىك پەن ءدارى - دارمەك ىستەرىنىڭ دامۋىنا بىرگە كوڭىل بولەتىن جانە قولداۋ كورسەتەتىن تاماشا جاعداي قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
