جالعان كۋالىكتى قاتاڭ تەكسەرەدى! ادام كۇشى بايلىعى جانە قوعامدىق قامتاماسىزداندىرۋ مينيسترلىگى «ۇقساتپالى كاسىپتىك كۋالىكتەردى» ارناۋلى جونگە سالۋدى ورىستەتپەكشى
2022.03.18 16:55 كەلۋ قاينارى : حالىق تورابى
شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. ءتىلشىنىڭ 3 - ايدىڭ 17 - كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، اتالعان مينيسترلىك تاياۋدا ۇقتىرۋ باسىپ تاراتىپ، تۇتاس قوعامعا قاراتا ورىستەتىلگەن تەحنيكالىق شەبەرلەر جانە كاسىپتىك – تەحنيكالىق قىزمەتكەرلەرمەن قاتىستى تەحنيكالىق ونەر تۇرىندەگى تاربيەلەۋ، باعالاۋ، كۋالىك تاراتۋ قيمىلدارىن ارناۋلى جونگە سالادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنا قاراعاندا، تاياۋ مەزگىلدەن بەرى كەيبىر قۇرىلىمدار مەن ورىندار جاڭا كاسىپتىڭ كاسىپتىك تولىمدىلىعى، كاسىپتىك ونەر دارەجەسى سياقتى سىلتاۋلارمەن تاربيەلەۋ، باعالاۋ، كۋالىك تاراتۋ قيمىلدارىن قالاعانىنشا وتكىزىپ، الباتى اقى الىپ، الباتى كۋالىك بەرگەن. تاعى كەيبىر قۇرىلىمدار مەن ورىندار جالعان نەمەسە اسىرەلەپ ۇگىت جۇرگىزگەن، ءتىپتى بەدەلدى قۇرىلىمداردىڭ اتىن جامىلىپ تاربيەلەۋ، باعالاۋ، كۋالىك تاراتۋ سياقتىلاردى ۇيىمداستىردى، قوعامنىڭ بۇل جونىندەگى اڭىسى كۇشتى بولدى. قالىڭ بۇقارانىڭ زاڭدى ۇقىق - مۇددەسى مەن قوعامدىق سەنىمدىلىگىن قورعاپ، مەملەكەتتىڭ كاسىپتىك تولىمدىلىعى مەن كاسىپتىك ونەر دارەجەسى ءتۇزىمى جۇيەسىنىڭ جۇيەلى اينالىمىن قامتاماسىزداندىرۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى 3 - ايدان باستاپ تەحنيكالىق ونەر تۇرىندەگى «ۇقساتپالى كۋالىكتى» ارناۋلى جونگە سالۋدى باستادى.
وسى رەتكى ارناۋلى جونگە سالۋدىڭ ءتۇيىنى بەلگىلەمەگە قايشىلىق جاساپ، قاتىستى سوزدەر مەن بەلگىلەردى قولدانۋ - قولدانباۋدى، جالعان نەمەسە اسىرەلەپ ۇگىتتەۋدى، اسىرەسە، بەلگىلەمەگە قايشى تاربيەلەۋ، بەلگىلەمەگە قايشى اقى الۋ سياقتى جاعدايلار بار - جوقتىعىن تەكسەرۋ. مىسالى، مەكتەپ اشۋ رۇقسات كولەمىنەن اسىپ كەتسە نەمەسە مەكتەپ اشۋ رۇقسات كۋالىگى بولماي تۇرىپ كۋرس وتكىزۋ؛ زاڭعا، بەلگىلەمەگە قايشىلىق جاساپ، اقى الۋ تۇرلەرىن ارتتىرىپ، اقى الۋ ولشەمىن جوعارىلاتۋ؛ كۋرستان وتكىزۋ كۋالىگىن، كاسىپتىك تولىمدىلىق كۋالىگىن، كاسىپتىك ونەر دارەجە كۋالىگىن زاڭسىز بەرۋ نەمەسە جالعاننان جاساۋ، ءتىپتى كۋرستان وتكىزبەۋ نەمەسە كۋرستان جالعان وتكىزۋ ارقىلى تىكەلەي كۋالىك تاراتۋ؛ كۋرستان وتكىزۋدى جات نيەتپەن توقتاتۋ، قارجىنى قىمقىرىپ قاشىپ كەتۋ قاتارلىلار.
ۇقتىرۋدا، بايقالعان بەلگىلەمەگە، زاڭعا قايشى جاعدايلاردى باتىل تۇزەتۋ، تەكسەرىپ ءبىر جايلى ەتۋ تالاپ ەتىلدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى تاراۋلارمەن بىرگە اقپارات قۇرالدارىنىڭ حابارلاۋى مەن بۇقارانىڭ ارىز – شاعىم بەرۋى، اشكەرەلەۋى شوعىرلانعان تيپتىك ماسەلەلەردى تەكسەرىپ، ءبىر جاقتى ەتىپ، «قارا تىزىمدىك» ءتۇزىمىن ورناتىپ، تارتىپكە، بەلگىلەمەگە قايشى تاربيەلەۋ قۇرىلىمدارى مەن باعالاۋ قۇرىلىمدارىن «قارا تىزىمدىككە» ەنگىزىپ، تەحنيكالىق ونەر تۇرىندەگى تاربيەلەۋ، باعالاۋ، كۋالىك تاراتۋ قيمىلدارىن ۇدايىلاندىرىپ باسقارادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
