«جۇزدەسپەي جونگە سالۋدىڭ» بۇقارادان الشاقتاۋدىڭ سىلتاۋىنا اينالىپ قالۋىنان اباي بولايىق
جاڭ يۇيشىڭ
2022.03.18 15:45 كەلۋ قاينارى : حالىق تورابى
3 – ايدىڭ 14 – كۇنى «جارتى ايلىق سۇحبات» جۋرنالىنىڭ حابارىنا قاراعاندا، ينفورماتسيالانعان داۋىردە، جەر – جەر جاڭا تەحنيكادان، جاڭا تاسىلدەردەن، جاڭا قولدانىلىمداردان جاپپاي پايدالانىپ، بۇقارالىق قىزمەتتىڭ فورماسى مەن تاسىلىندە جاڭالىق جاراتىپ، «جۇزدەسپەي جونگە سالۋ»، «دەرەكتەردى كوبىرەك ىسكە قوسىپ، بۇقارانى ازىراق اۋىرەلەۋ» قاتارلى جاڭاشا جونگە سالۋ تاسىلدەرى ونىمدىلىكتى ارتتىرىپ، بۇقاراعا قولايلىلىق جاراتتى. الايدا، ءتىلشىنىڭ تەكسەرۋ – زەرتتەۋ بارىسىندا بايقاۋىنشا، كەي جەرلەردە وسىنىڭ سالدارىنان بۇقارادان الشاقتاۋدىڭ تىڭ بەلگىلەرى بايقالعان: نەگىزگى ساتىداعى كەيبىر كادرلەر بۇقارامەن بەتپە – بەت اڭگىمەلەسۋگە شورقاق بولىپ، وندايدى قالامايدى، وعان ءمان بەرمەيدى، قىزمەتتى ورنالاستىرۋ بارىسىندا ۋيچات ارقىلى گۇجىلدەپ، جۇمىستى ءبىرجاقتى ەتكەندە تەلەفون ارقىلى سۇراستىرىپ، جاعدايدى ۇعىسقاندا كەستەگە قاراۋعا سۇيەنىپ قالعان. مۇنداي ناشار ستيلدى كەيبىر كادرلەر «جۇزدەسپەي جونگە سالۋ» دەپ مىسقىلدايدى.
«دەرەكتەردى كوبىرەك ىسكە قوسىپ، بۇقارانى ازىراق اۋىرەلەۋ» ءاسىلى ينفورماتسيا ءداۋىرىنىڭ ەرەكشەلىگىنە ۇيلەسكەن قىزمەت ءتاسىلى جانە جونگە سالۋ ءتاسىلى بولاتىن، مۇنداي ءتاسىلدى قولدانۋداعى ماقسات — جۇمىس ءبىتىرۋ ونىمدىلىگىن جوعارىلاتۋ، بۇقارانىڭ جۇمىس بىتىرۋىنە قولايلىلىق جاراتۋ بولاتىن. الايدا، مۇنداي ءتاسىل ءىشىنارا كادرلەردىڭ بۇقارامەن كەزدەسۋگە باتىلى بارمايتىن، كەزدەسۋدى قالامايتىن جانە وعان ءمان بەرمەيتىن كوڭىل – كۇيىنە ساي كەلدى. جۇرت جۇمىستى تەلەفوندا سۇراپ، ينتەرنەت ارقىلى ءىس بىتىرەتىن مۇنداي «جۇزدەسپەي جونگە سالۋ» فورماسى ۋاقىت وتە كەلە بۇقارادان الشاقتاۋ جاعدايىن كەلتىرىپ شىعارۋى ابدەن مۇمكىن دەپ الاڭدايدى.
بۇل تۇيمەدەيدى تۇيەدەي ەتكەندىك ەمەس، جوققا بايبالام سالۋ تىپتەن ەمەس، رەال ومىردە بۇقارا اڭىس ەتكەن كەي جاعدايلاردان ءىستىڭ شەت - جاعاسىن كورىپ الۋعا بولادى. مىسالى، كەيبىر كادرلەردىڭ اتىزدارعا بارىپ ارالاۋى، شارۋالاردىڭ وتباسىنا بارىپ جاعداي ۇعىسۋى وتە از. بارلىق ادام قاتىناسۋعا ءتيىستى كەيبىر جۇمىستاردىڭ ءوزى ۋيچات توپتارىندا ۇقتىرۋ جولداپ قويۋدان ارى اسپايدى، ناتيجەدە ۋيچات توبىنداعى ادام سانى از بولۋ نەمەسە قارتتاردىڭ زەردەلى قولفوننان پايدالانا الماۋى سياقتى سەبەپتەرمەن ۇقتىرۋدىڭ بارلىعىنا تولىق جەتكىزىلمەۋى سىندى ءجايت تۋىندايدى.
بۇقارا — تەك نەگىزگى ساتىداعى كادرلەردىڭ قىزمەت وتەيتىن وبيەكتىسى عانا ەمەس، سونىمەن بىرگە، اۋىل – قىستاقتى جونگە سالۋ، ەكونوميكانى دامىتۋ جانە قوعامنىڭ جاراسىمدىلىعىن ىلگەرىلەتۋ بارىسىندا سۇيەنەتىن كۇش ، بۇقارانىڭ اراسىندا كادرلەر ۇيرەنۋگە تاتيتىن اقىل – پاراسات، تاتىمدى امالدار كوپ. ينفورماتسيالانعان داۋىردە «دەرەكتەردى كوبىرەك ىسكە قوسىپ، بۇقارانى ازىراق اۋىرەلەۋ» تەكتەس قىزمەت فورماسىنداعى جاڭالىقتاردىڭ از بولماسى انىق، الايدا، بۇقارالىق قىزمەتتى ىستەگەندە، قاجەتتى كەزدە ءبىرىنشى شەپكە بارىپ تەكسەرۋ – زەرتتەۋ جۇرگىزۋ كەرەك، بۇل جاعىندا تيتتەي دە پەيىلسىزدىك تانىتۋعا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
