ۋاڭ يۇڭ گۋاڭشيدىڭ ۋجوۋ قالاسىندا «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭىنا شۇعىل توتەپ بەرۋ قىزمەتىن ىلگەرىلەتۋگە جەتەكشىلىك ەتكەندە مىنانى دارىپتەدى
شىرعالاڭدى تەكسەرۋدى زاڭ - ەرەجە بويىنشا تىڭعىلىقتى ورىستەتىپ، سوڭعى جۇمىستاردى ىڭعايلاستىرۋ قىزمەتتەرىن ورنىقتى، ءتارتىپتى تۇردە ويداعىداي ىستەۋ كەرەك
2022.03.30 16:43 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 29 - كۇنى، گۋاڭشي ۋجوۋ. مەملەكەتتىك كەڭەستىڭ مۇشەسى ۋاڭ يۇڭ 3 - ايدىڭ 26 - كۇنىنەن 29 - كۇنىنە دەيىن گۋاڭشيدىڭ ۋجوۋ قالاسىندا «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭىنا شۇعىل توتەپ بەرۋ قىزمەتىن ىلگەرىلەتۋگە جەتەكشىلىك ەتتى. ول مىنالاردى دارىپتەدى: باس شۋجي شي جينپيڭنىڭ ءبىرقىدىرۋ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن مۇقيات تياناقتاندىرىپ، قامال الۋ كۇيىن ۇزدىكسىز جالعاستىرىپ، ناق مايداندا ىزدەۋ قىزمەتىن ۇزدىكسىز ىشكەرىلەي جاقسى ىستەپ، شىرعالاڭنىڭ سەبەبىن عىلمي، قاتاڭ تەكسەرىپ، سوڭعى جۇمىستاردى ىڭعايلاستىرۋ قىزمەتىن ەگجەي - تەگجەيلى، ورنىقتى ورىستەتىپ، شۇعىل جاعدايعا توتەپ بەرۋ، ءبىر جاقتى ەتۋ قىزمەتتەرىنىڭ پارمەندى، ءتارتىپتى، تىڭعىلىقتى ىلگەرىلەۋىنە كەپىلدىك ەتۋ كەرەك.
ۋاڭ يۇڭ ۋجوۋداعى كەزىندە شىرعالاڭ تۋىلعان ناق مايدانعا تالاي رەت بارىپ ىزدەۋ، قۇتقارۋ قىزمەتىن تەكسەرىپ، جەتەكشىلىك ەتىپ، ۇشاقتىڭ قيراندىسىن ساقتاۋ ورنىنا بارىپ تەحنيكالىق ماماندارمەن ىشكەرىلەي پىكىر الماستىرىپ، ءبىرىنشى شەپتەگى شۇعىل جاعدايعا توتەپ بەرۋ، ءبىر جاقتى ەتۋ قىزمەتكەرلەرىنە امانداسا باردى، سونداي - اق مەملەكەتتىك شىرعالاڭعا شۇعىل توتەپ بەرۋ، ءبىر جاقتى ەتۋ قولباسشىلىق شتابى مەن ءار جاقتاعى قىزمەت ارناۋلى توپتارىن ۇيىمداستىرىپ ارناۋلى ءماجىلىس اشىپ، ناقتى ماسەلەلەردى دەر كەزىندە اقىلداسىپ، سايكەستىرىپ شەشتى. ول مىنالاردى اتاپ كورسەتتى: شىرعالاڭدى شۇعىل ءبىر جاقتى ەتۋدە كەزەڭدىك ىلگەرىلەۋشىلىككە قول جەتتى، الايدا كەيىنگى مىندەتتەر ءالى دە جاپالى دا اۋىر. ءار جاق ونان ارى تىعىز سايكەسىپ، شارالاردى كۇشەيتىپ، كەلەسى قادامداعى شىرعالاڭدى تەكسەرۋ، سوڭعى جۇمىستاردى ىڭعايلاستىرۋ جانە ىندەتتەن ساقتانۋ - تىزگىندەۋ سياقتى قىزمەتتەردى تيتتەي دە بوساڭسىماي ويداعىداي ىستەۋى كەرەك.
ۋاڭ يۇڭ بىلاي دەپ دارىپتەدى: ىزدەۋ قىزمەتىنىڭ اياق الىسىنا ساي، عىلمي، دالمە - ءدال جوبا - شارالاردى بەلگىلەپ، ىزدەۋ ءوڭىرىن دەر كەزىندە رەتتەپ، ساپالىلاندىرىپ، قازا بولعانداردىڭ سۇيەگى مەن زاتتارىن جانە ۇشاقتىڭ قالدىقتارىن ىشكەرىلەي، ەگجەي - تەگجەيلى ىزدەۋ كەرەك. قارا قوبديشاداعى سيفرلى مالىمەتتى اۋدارۋ اياق الىسىن جەدەلدەتىپ، ءار جاقتاعى مامانداردى ءتۇرلى تەحنيكالىق ماتەريالدار مەن ناق مايدانداعى زاتتىق دالەلدەرگە عىلمي تالداۋ جاساۋعا، تۇجىرىم جاساۋعا ۇيىمداستىرىپ، شىرعالاڭنىڭ سەبەبىن انىقتاۋعا پارمەندى تىرەك ازىرلەۋ كەرەك. قازا بولعانداردىڭ ارتقى ىستەرىن ۇيلەسىمدى ءبىر جاقتى ەتىپ، قازا بولعانداردىڭ ءۇي ىشىندەگىلەردى سۇيەمەلدەۋ، جۇباتۋ قىزمەتىن تىڭعىلىقتى ىستەپ، سوڭعى جۇمىستاردى ىڭعايلاستىرۋ بويىنشا تولەم بەرۋدى زاڭ - ەرەجە بويىنشا ورىستەتۋ كەرەك. ىندەتتەن ساقتانۋ - تىزگىندەۋدىڭ ۇدايىلانعان تالاپتارىن قاتاڭ، ءجىتى، ەگجەي - تەگجەيلى تياناقتاندىرىپ، ادام مەن زاتقا جۇعۋدان بىردەي ساقتانۋدا، الدىڭعى شەپتەگى ساقتانۋدا تاباندى بولىپ، تۇرگە ءبولىپ، جابىق باسقارۋدى قاتاڭ اتقارۋ كەرەك. شىرعالاڭنان تەرەڭ ساباق الىپ، بىرەۋى ارقىلى وزگەسىن تۇسپالداپ، حالىقتىق اۆياتسيا مەن ءتۇيىندى كاسىپتەرگە ءوندىرىس حاۋىپسىزدىگى بويىنشا زور تەكسەرۋ جۇرگىزىپ، ءتۇرلى شىرعالاڭداردىڭ تۋىلۋىنان باتىل ساقتانىپ جانە ونى تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە جانە قوعامدىق جالپى جاعدايدىڭ ورنىقتىلىعىنا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
