ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
«21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭىنا شۇعىل توتەپ بەرۋ جاعدايى جونىندەگى مالىمەتىن تىڭداپ، كەلەسى قادامداعى قىزمەتتى ويداعىداي ىستەۋ جونىندە ورنالاستىرۋ جاسادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2022.04.01 16:36 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 31 – كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 3 - ايدىڭ 31 - كۇنى ءماجىلىس اشىپ، «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭىنا شۇعىل توتەپ بەرۋ، ءبىر جاقتى ەتۋ جاعدايى جونىندەگى مالىمەتىن تىڭداپ، كەلەسى قادامداعى قىزمەتتى ويداعىداي ىستەۋ جونىندە ورنالاستىرۋ جاسادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ءماجىلىس بىلاي دەپ اتاپ كورسەتتى: «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭى تۋىلعاننان كەيىن پارتيا ورتالىق كوميتەتى ايرىقشا ءمان بەردى، باس شۋجي شي جينپيڭ دەرەۋ ماڭىزدى نۇسقاۋ بەرىپ، شۇعىل جاعدايعا توتەپ بەرۋ مەحانيزمىن دەرەۋ ىسكە قوسىپ، ىزدەۋ - قۇتقارۋعا بار كۇشپەن ۇيىمداستىرىپ، سوڭعى جۇمىستاردى لايىقتى ءبىر جاقتى ەتىپ، سەبەبىن تەز ارادا انىقتاپ، قازا بولعانداردىڭ ءۇي ىشىندەگىلەردى جۇباتۋ جانە ولارعا قىزمەت وتەۋ قىزمەتىن ويداعىداي ىستەۋدى دارىپتەدى. قاتىستى جاقتار بۇيرىقتى ەستي سالا اتتانىسقا كەلىپ، جەدەل ءۇن قوسىپ، حالىقتىق اۆياتسيا، شۇعىل جاعدايعا توتەپ بەرۋ، قوعام حاۋىپسىزدىگى، ارميا، دەنساۋلىق ساقتاۋ جانە گۋاڭشي سياقتى جاقتارداعى كۇشتەردى ۇيىمداستىرىپ، «ءبىر تۇتاس قولباسشىلىق ەتۋ، جۇمىس ءبولىسى بويىنشا جاۋاپتى بولۋ، ىشكەرىلەي، ەگجەي - تەگجەيلى بولۋ، عىلمي، ءتارتىپتى بولۋ» جالپى تالابىنا ساي، قاتىستى قىزمەتتەردى جاپپاي جاقسى ىستەدى. قازىر سوڭعى جۇمىستاردى ىڭعايلاستىرۋ، شىرعالاڭدى تەكسەرۋ سياقتى قىزمەتتەر تارتىپپەن جۇرگىزىلۋدە.
ءماجىلىس مىنانى دارىپتەدى: وسى رەتكى شىرعالاڭدا ۇشاقتاعى 132 ادام باقىتقا قارسى قازا بولدى، ءبىز بۇعان قاتتى قايعىردىق. حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، سوڭعى جۇمىستاردى ءبىر جاقتى ەتۋ قىزمەتىن ىشكەرىلەي، ەگجەي - تەگجەيلى، ويداعىداي ىستەپ، كۇش ۇستىنە كۇش قوسىپ، ءساتتى باستاپ، ءساتتى اياقتاتۋ كەرەك. قازا بولعانداردىڭ سۇيەگىن، زاتتارىن رەتتەۋ، وتكىزىپ بەرۋ سياقتى قىزمەتتەردى ۇزدىكسىز ويداعىداي ىستەپ، قازا بولعانداردى ارداقتاپ، تۋىس - تۋعاندارىن جۇباتۋ كەرەك. قازا بولعانداردىڭ ءۇي ىشىندەگىلەردى سۇيەمەلدەۋ، ەكونوميكالىق جاقتان كومەك بەرۋ قىزمەتىنىڭ تەبىنىن ارتتىرىپ، قازا بولعانداردىڭ وتباسىنداعىلاردى الاڭسىز ەتۋ كەرەك. قاتىستى جاقتار شىرعالاڭدى تەكسەرۋدى عىلمي، ءتارتىپتى ورىستەتىپ، ءار جاقتاعى مامانداردى ۇشاقتىڭ ساندى مالىمەتتەرى مەن ءتۇرلى زاتتىق ماتەريالدار دالەل - سىپاتتارىنا جان - جاقتىلى تالداۋ جاساۋعا ۇيىمداستىرىپ، شىرعالاڭنىڭ سەبەبى مەن سيپاتىن تەز ارادا انىقتاۋ كەرەك. سوڭعى ينفورماتسيالاردى جاريالاۋ قىزمەتىن ورنىقتى، ءتارتىپتى تۇردە ويداعىداي ىستەپ، دەر كەزىندە، ءدال، جاريالى، اشىق بولۋ پرينسيبى بويىنشا، ينفورماتسيانى ۇزدىكسىز جاريالاپ، قوعام نازار اۋدارىپ وتىرعان ماسەلەلەرگە بەلسەنە جاۋاپ قايتارۋ كەرەك.
ءماجىلىس بىلاي دەپ اتاپ كورسەتتى: دامۋ مەن حاۋىپسىزدىكتى ءبىر تۇتاس جوسپارلاۋدا تاباندى بولۋ كەرەك، دامۋدا حاۋىپسىزدىكتى قۇربان ەتۋگە استە بولمايدى، ءار جاق، ءسوز جوق، تەرەڭ ساباق الىپ، بىرەۋى ارقىلى وزگەسىن تۇسپالداپ، ءوندىرىس حاۋىپسىزدىگى جاۋاپكەرلىك ءتۇزىمىن ونان ارى اقاۋسىزداندىرىپ، ءوندىرىس حاۋىپسىزدىگى جاۋاپكەرلىگىن تياناقتاندىرۋدى مىقتى يگەرىپ، بۇكىل ەل كولەمىندە ءوندىرىس حاۋىپسىزدىگى جونىندە ارناۋلى زور تەكسەرۋ جۇرگىزىپ، حاۋىپ - قاتەر مەن كومەسكى قاتەرلەردى جاپپاي تەكسەرىپ، جونگە سالىپ، ءتۇرلى شىرعالاڭداردىڭ تۋىلۋىنان مۇمكىندىكتىڭ بارىنشا ساقتانىپ جانە ونى تەجەپ، قوعامدىق جالپى جاعدايدىڭ ورنىقتىلىعىن ساقتاۋ كەرەك. جاۋاپكەرلىكتىڭ تياناقتانباۋى، شارالاردىڭ تياناقتانباۋى، تەكسەرىپ، جونگە سالۋداعى فورماشىلدىق سياقتى سەبەپتەردەن شىرعالاڭ تۋىلسا، تىكەلەي جاۋاپكەرلىگى بار ادامداردىڭ جاۋاپكەرلىگىن قۋزاۋمەن بىرگە، قاتىستى باسشىلاردىڭ دا جاۋاپكەرلىگىن قاتاڭ قۋزاۋ، جاۋاپقا تارتۋ كەرەك.
ءماجىلىس باسقا ىستەردى دە اقىلداستى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
