لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.03.31 16:51 كەلۋ قاينارى : حالىق تورابى
جاۋاپكەرلىكتى تياناقتاندىرىپ، ەگجەي - تەگجەيلى شارالاردى ناقتىلاندىرىپ، اۋىر، ەرەكشە اۋىر حاۋىپسىزدىك شىرعالاڭدارىنان باتىل ساقتانۋدى تالاپ ەتتى؛ ۇكىمەت زايومىنان ويداعىداي پايدالانىپ، ۇتىمدى قارجى قوسۋدى كەڭەيتىپ، ولقىلىقتاردى تولىقتاپ، سەرپىندى ارتتىرۋ مەن ەكونوميكانىڭ ورنىقتى ارتۋىن جەبەۋدى ورنالاستىردى؛ شارت - جاعدايى پىسىپ - جەتىلگەن سۋ يگىلىگى ينجەنەريالارىنان ءبىر توبىن تىڭنان باستاپ، سۋ بايلىعىن قامتاماسىزداندىرۋ جانە اپاتتان ساقتانۋ، اپاتتى ازايتۋ قۋاتىن جوعارىلاتۋدى ۇيعاردى
شينحۋا اگەنتتىگى، 3 - ايدىڭ 30 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 3 - ايدىڭ 29 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جاۋاپكەرلىكتى تياناقتاندىرىپ، ەگجەي - تەگجەيلى شارالاردى ناقتىلاندىرىپ، اۋىر، ەرەكشە اۋىر حاۋىپسىزدىك شىرعالاڭدارىنان باتىل ساقتانۋدى تالاپ ەتتى؛ ۇكىمەت زايومىنان ويداعىداي پايدالانىپ، ۇتىمدى قارجى قوسۋدى كەڭەيتىپ، ولقىلىقتاردى تولىقتاپ، سەرپىندى ارتتىرۋ مەن ەكونوميكانىڭ ورنىقتى ارتۋىن جەبەۋدى ورنالاستىردى؛ شارت - جاعدايى پىسىپ - جەتىلگەن سۋ يگىلىگى ينجەنەريالارىنان ءبىر توبىن تىڭنان باستاپ، سۋ بايلىعىن قامتاماسىزداندىرۋ جانە اپاتتان ساقتانۋ، اپاتتى ازايتۋ قۋاتىن جوعارىلاتۋدى ۇيعاردى.
ءماجىلىس باستالعاندا بارلىق جولداس ورىندارىنان تۇرىپ، «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭىندا قازا بولعان باۋىرلاستارعا ءۇنسىز ازا ءبىلدىردى. ءماجىلىس مىنانى تالاپ ەتتى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، قازا بولعانداردىڭ ءۇي ىشىندەگىلەردى جۇباتۋ، تولەم بەرۋ سياقتى سوڭعى جۇمىستاردى ويداعىداي ىستەپ، شىرعالاڭنىڭ سەبەبىن شىندىقتى ءىس جۇزىنەن ىزدەي وتىرىپ انىقتاۋ كەرەك. ءوندىرىس حاۋىپسىزدىگىن جاپپاي كۇشەيتۋ ءۇشىن، مەملەكەتتىك كەڭەستىڭ ءوندىرىس حاۋىپسىزدىگى كوميتەتى اناعۇرلىم ناقتى ورنالاستىرۋ جاساپ، جەتەكشىلىك ەتۋدى، قۋزاۋدى كۇشەيتىپ، ءار جاقتىڭ جاۋاپكەرلىگىن ناقتىلاندىرىپ، حاۋىپسىزدىك كومەسكى قاتەرىن ىشكەرىلەي ءبىر - بىرلەپ تەكسەرىپ، جونگە سالىپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن شىنايى قورعاۋى كەرەك.
ءماجىلىس مىنانى اتاپ كورسەتتى: قازىر حالىقارالىق جاعداي ءتىپتى دە كۇردەلى، اۋىر بولىپ وتىر، ەل ءىشىنىڭ دامۋى جاڭا سىن - سايىسقا ءدوپ كەلدى، ەكونوميكانىڭ قۇلدىراۋ قىسىمى ونان ارى ارتۋدا. بيىلعى ماكرولىق ساياساتتى بەلگىلەنگەندە ىشكى - سىرتقى ورتاداعى كوپتەگەن وزگەرىس كورەگەندىكپەن ويلاستىرىلدى. ءبىرىنشى توقساندا، الدىڭعى جارتى جىلدا ەكونوميكانىڭ ورنىقتى اينالىمىن ساقتاۋ تۇتاس جىلدىق نىسانانى جۇزەگە اسىرۋدا توتەنشە ماڭىزدى. ورتالىقتىڭ ەكونوميكالىق قىزمەت ءماجىلىسىنىڭ رۋحى مەن «ۇكىمەت قىزمەتىنەن باياندامانىڭ» شارالارىن تياناقتاندىرۋدى مىقتى يگەرىپ، سەنىمدى بەكەمدەپ، نىسانادان جازباي، ارتۋدى ورنىقتىرۋدى اناعۇرلىم كورنەكتى ورىنعا قويىپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى ىلگەرىلەتۋدى ءبىر تۇتاس جوسپارلاپ، ەكونوميكانى ورنىقتىراتىن ساياساتتى ەرتەرەك جارىققا شىعارىپ، بازار مەجەسىن ورنىقتىرۋعا ءتيىمسىز شارالاردى شىعارماي، اناعۇرلىم زور تۇراقسىزدىققا تاپ بولعان جاعدايدا توتەپ بەرۋ مۇمكىندىگى بار جوبا جاساۋ كەرەك.
ءماجىلىس مىنالاردى اتاپ كورسەتتى: ۇكىمەت زايومىنان ويداعىداي پايدالانىپ، ۇتىمدى قارجى قوسۋدى كەڭەيتۋ − تۇتىنۋدىڭ ىشكى سۇرانىمدى كەڭەيتۋىنە جەتەكشىلىك ەتىپ، جۇمىستانۋدىڭ ورنىقتى ارتۋىن جەبەۋدەگى ماڭىزدى شارا. ماكرولىق سۇيمەن مولشەرىنىڭ نەگىزىنەن ورنىقتىلىعىن ساقتاۋ پرينسيبى بويىنشا، بيىل جەرگىلىكتى ۇكىمەتتەردىڭ ارناۋلى قارىزى 3 تريلليون 650 ميلليارد يۋان ارتتى. پەريودتىق رەتتەۋدى كۇشەيتۋ ءۇشىن، بىلتىر جىل سوڭىندا زاڭ بويىنشا ءبىر تريلليون 460 ميلليارد يۋان الدىن الا ءتۇسىرىلدى. كەلەسى قادامدا بىرىنشىدەن، قالعان ارناۋلى قارىز سوماسىن جەدەل ءتۇسىرىپ، قارىز قايتارۋ قۋاتى كۇشتى، نىسان زاپاسى جەتكىلىكتى رايوندارعا بەيىمدەۋ كەرەك. وتكەن جىلى الدىن الا تۇسىرىلگەن سوما 5 - ايدىڭ سوڭىنان بۇرىن تاراتىلىپ بولدى، بيىل تۇسىرىلگەن سومانى 9 - ايدىڭ سوڭىنان بۇرىن تاراتىپ بولۋ كەرەك. ەكىنشى، ارناۋلى قارىز ونىمدىلىگىن اناعۇرلىم ويداعىداي ساۋلەلەندىرۋ كەرەك. ءارى قازىرگىگە پايدا جەتكىزۋدە، ءارى ۇزاق بولاشاققا تيىمدىلىك جاساۋدا تاباندى بولىپ، حالىق تۇرمىسىنا تيىمدىلىك جاساۋ، ولقىلىقتاردى تولىقتاۋ سياقتى سالالارعا قارجى قوسۋدى كۇشەيتىپ، جاڭا نەگىزدىك قۇرىلىس سياقتىلاردىڭ ارتۋ تەبىنىن نىعايتىپ، جوعارى دەڭگەيلى نىسان قۇرىلىسىن قولداۋ كەرەك. ارناۋلى قارىزدان پايدالانۋ كولەمىن ۇيلەسىمدى كەڭەيتىپ، قاتىناس، ەنەرگيا، ەكولوگيالىق ورتانى قورعاۋ، قامتاماسىزدىق بەيقۇت ءۇي ينجەنەرياسى سياقتى سالالارداعى نىساندارعا ءتۇيىندى تۇردە پايدالانۋ نەگىزىندە، بەلگىلى پايداسى بار الەۋمەتتىك قىزمەت وتەۋ سياقتى نىساندارعا قولداۋ كورسەتۋ كەرەك. قارجىنىڭ نىسانمەن بىرگە جۇرۋىندە تاباندى بولىپ، نىسانداردىڭ جۇمىس باستاۋى مەن قۇرىلىسىن جەدەلدەتىپ، ناقتى قىزمەت مولشەرىن تەز ارادا قالىپتاستىرۋ كەرەك. ءۇشىنشى، رەفورما شاراسى، بازار ءادىسى ارقىلى ارناۋلى قارىزدىڭ جەتەكتەۋ رولىن ساۋلەلەندىرىپ، ءتىپتى دە كوپ قوعامدىق كاپيتالدى قارجى قوسۋعا باۋراپ، حالىقتىق كاسىپورىنداردىڭ قارجى قوسۋىنا قولداۋ كورسەتۋ كەرەك. ءتورتىنشى، قارجىنى باسقارۋدى كۇشەيتىپ، بوس تۇرۋدان ساقتانۋ، بەلگىلەمەگە قايشى تۇردە الاڭ، سارايلاردى، وبراز قۇرىلىستارىن سالۋعا قاتاڭ تيىم سالۋ كەرەك. بەسىنشى، مەملەكەت زايومىن، جەرگىلىكتى قارىزدى تاراتۋدى ءبىر تۇتاس جوسپارلاپ، يگەرىپ، مەملەكەت قازىناسىنىڭ ۇيلەسىمدى قارجى كولەمىن ساقتاپ، نەگىزگى ساتىنىڭ سالىق قايتارۋ، سالىقتى كەمەيتۋ، اقىنى تومەندەتۋ ساياساتى مەن حالىق تۇرمىسىنا تيىمدىلىك جاساۋعا قاجەتتى قازىنا كۇشىن تياناقتاندىرۋىن قامتاماسىز ەتىپ، قارىز حاۋىپ - قاتەرىنەن ساقتانۋ كەرەك. شەكارا سىرتىنداعى ورتا، ۇزاق مەرزىمدىك قارجىنىڭ زايوم ساتىپ الۋىنا دەم بەرىپ، قاتىستى سالىقتان جەڭىلدىك بەرۋ ساياساتتارىن ويداعىداي تياناقتاندىرۋ كەرەك. فينانس جۇيەسى سايكەسۋدى كۇشەيتىپ، مەملەكەت زايومىنىڭ ءتارتىپتى تاراتىلۋىنا كەپىلدىك ەتىپ، نىسان قۇرىلىسىنىڭ قارجى قۇراۋىنا قولداۋ كورسەتۋى كەرەك.
ءماجىلىس بىلاي دەپ اتاپ كورسەتتى: سۋ يگىلىگى ينجەنەرياسى − حالىق تۇرمىسى ينجەنەرياسى، دامۋ ينجەنەرياسى، حاۋىپسىزدىك ينجەنەرياسى. بيىل جوسپارعا ەنگىزىلگەن، شارت - جاعدايى پىسىپ - جەتىلگەن ءبىر توپ وبيەكتىدە تاعى دا جۇمىس باستالدى، بۇل وڭتۇستىكتىڭ سۋىن سولتۇستىككە جەتكىزۋدىڭ ۇلاسپالى ينجەنەرياسى سياقتى كەلەلى سۋ باستاۋ، نەگىزگى سۋ ارنالارىندا تاسقىننان ساقتانىپ، اپات زيانىن ازايتۋ، حاۋىپتى سۋ قويمالارىن حاۋىپتەن ارىلتۋ، بەكەمدەۋ، سۋارمالى رايون قۇرىلىسى جانە وزگەرتۋ سياقتى ينجەنەريالاردى قامتيدى. بۇل ينجەنەريالار مەن باسقا دا سۋ يگىلىگى نىساندارىن قوسقاندا، تۇتاس جىلدا شامامەن 800 ميلليارد يۋان قارجى قوسۋ مىندەتىن ورىنداۋعا بولادى. ءماجىلىس قۇرىلىس ساپاسىنا كەپىلدىك ەتىپ، نىساننىڭ اينالىم حاۋىپسىزدىگىن قامتاماسىز ەتۋدى تالاپ ەتتى.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
