حان جىڭ تۇركىمەنستان زۇڭليىنىڭ ورىنباسارى ءارى سىرتقى ىستەر مينيسترى، جۇڭگو - تۇركىمەنستان سەلبەستىك كوميتەتى تۇركىمەنستان جاعىنىڭ ءتوراعاسى مەلەدوۆپەن بەينە ەكران ارقىلى ديدارلاستى
2022.03.31 16:53 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 30 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، جۇڭگو - تۇركىمەنستان سەلبەستىك كوميتەتىنىڭ جۇڭگو جاعىنىڭ ءتوراعاسى حان جىڭ 3 - ايدىڭ 30 - كۇنى بەيجيڭدە بەينە ەكران ارقىلى جۇڭگوعا ساپارلاي كەلگەن تۇركمەنستان زۇڭليىنىڭ ورىنباسار ءارى سىرتقى ىستەر مينيسترى، جۇڭگو - تۇركىمەنستان سەلبەستىك كوميتەتىنىڭ تۇركىمەنستان جاعىنىڭ ءتوراعاسى مەلەدوۆپەن ديدارلاستى.
حان جىڭ مىنانى ءبىلدىردى: جۇڭگو مەن تۇركىمەنستان − ءبىرىن - ءبىرى قۇرمەتتەيتىن، ءوزارا سەنەتىن، ءوزارا پايدا جەتكىزىپ، تەڭ يگىلىككە كەنەلەتىن ستراتەگيالىق سەرىكتەر. ەكى ەل باسشىلارىنىڭ تىكەلەي كوڭىل ءبولۋى مەن تىكەلەي جەبەۋىندە جۇڭگو - تۇركىمەنستان قاتىناسى قارىشتاپ دامىپ، ەكى ەلدىڭ ءار سالاداعى سەلبەستىگى تاريحتاعى ەڭ جوعارى دەڭگەيگە جەتتى. بيىل 3 - ايدا ءتوراعا شي جينپيڭ الدىڭعى زۇڭتۇڭ بەردىمۇحامەتوۆپەن جانە سەردار بەردىمۇحامەتوۆ زۇڭتۇڭمەن سويلەسىپ، جۇڭگو - تۇركىمەنستان قاتىناسىنىڭ كەلەسى قادامداعى دامۋىنا جول نۇسقادى. جۇڭگو تۇركىمەنستانمەن بىرگە ەكى ەل باسشىلارىنىڭ ورتاق تانىمىن جاپپاي تياناقتاندىرىپ، ەكى ەلدىڭ جان - جاقتى سەلبەستىگىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتۋدى قالايدى.
حان جىڭ جۇڭگو مەن تۇركىمەنستاننىڭ كەلەسى قادامداعى ءتۇيىندى سالالارداعى سەلبەستىگىن تەرەڭدەتۋ جونىندە 4 ءتۇرلى ۇسىنىس قويدى. ءبىرىنشى، تابيعي گاز سەلبەستىگىن ەكى ەلدىڭ ناقتى سەلبەستىگىنىڭ ەڭ ماڭىزدى ءتۇيىنى ەتىپ، قاتىستى قىزمەتتەردە قامال الۋدى جەدەل ىلگەرىلەتىپ، تابيعي گاز سەلبەستىگىن شىت جاڭا ورەگە كوتەرۋ ءارى جەل ەنەرگياسى، كۇن ەنەرگياسى سياقتى تۋىندامالى ەنەرگيانى اشۋ سەلبەستىگىن بەلسەنە زەرتتەپ جانە كەڭەيتىپ، جۇڭگو مەن تۇركىمەنستاننىڭ ەنەرگيا سەلبەستىگىنىڭ مازمۇنىن تولىقتاۋ كەرەك. ەكىنشى، «ءبىر بەلدەۋ، ءبىر جول» باستاماسىن تۇركىمەنستاننىڭ «جىبەك جولىن گۇلدەندىرۋ» ستراتەگياسىمەن ۇشتاستىرۋدى جەدەل ىلگەرىلەتىپ، اۋىل شارۋاشىلىعى، قاتىناس، حابارلاسۋ، فينانس، اۆياتسيا، عارىش، جابدىق جاساۋ سياقتى سالالارداعى سەلبەستىكتى كەڭەيتىپ، ەكى ەلدىڭ ەكونوميكا - ساۋدا سەلبەستىگىنىڭ دەڭگەيىن جوعارىلاتۋ كەرەك. ءۇشىنشى، حاۋىپسىزدىك سەلبەستىگىن تەرەڭدەتىپ، اۋىر حاۋىپسىزدىك وقيعالارىنان ساقتانۋ جانە وعان توتەپ بەرۋ قۋاتىن كۇشەيتۋ كەرەك. ءتورتىنشى، ەكى ەلدىڭ گۋمانيتارلىق سەلبەستىگىنىڭ ساپاسى مەن دەڭگەيىن ۇزدىكسىز جوعارىلاتىپ، جۇڭگو - تۇركىمەنستان قاتىناسىنىڭ ورنىقتى، باياندى دامۋىن جەبەۋ كەرەك. جۇڭگو تۇركىمەنستانمەن ۆاكسينا سياقتى ىندەتكە قارسى اتتانۋ سەلبەستىگىن كۇشەيتىپ، تۇركىمەنستانمەن بىرگە يممۋنيتەت قالتقىسىن سالۋدى قالايدى.
مەلەدوۆ مىنانى ءبىلدىردى: ەكى ەل باسشىلارىنىڭ بيىل 2 - ايداعى ديدارلاسۋى تۇركىمەنستان - جۇڭگو قاتىناسىنىڭ دامۋىنا ايقىن باعدار كورسەتتى. تۇركىمەنستان جاق تۇركىمەنستان مەن جۇڭگونىڭ ستراتەگيالىق سەرىكتەستىك قاتىناسىنا ايرىقشا ءمان بەرەدى، جۇڭگومەن تىعىز بايلانىستى جالعاستىرىپ، تۇركىمەنستان - جۇڭگو سەلبەستىك كوميتەتى مەحانيزمىنىڭ رولىن تولىق ساۋلەلەندىرىپ، ەكى ەل باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ەكى جاقتىڭ ءار سالاداعى ناقتى سەلبەستىگىنىڭ اناعۇرلىم جوعارى دەڭگەيگە كوتەرىلۋىن ۇزدىكسىز ىلگەرىلەتىپ، ەكى ەلگە جانە ەكى ەل حالىقتارىنا باقىت جاراتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
