شي جينپيڭنىڭ ماڭىزدى نۇسقاۋىنىڭ رۋحى دايەكتى تياناقتاندىرىلدى
مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسى بەيجيڭدە اشىلدى
لي كىچياڭ بەكىتۋ جازدى
2022.04.02 14:05 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 1 - كۇنى، بەيجيڭ. «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭى تۋىلعاننان كەيىن پارتيا ورتالىق كوميتەتى ايرىقشا ءمان بەردى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ دەرەۋ ماڭىزدى نۇسقاۋ بەرىپ، ىزدەۋ - قۇتقارۋ قىزمەتىن بار كۇشپەن ۇيىمداستىرىپ، سوڭعى جۇمىستاردى لايىقتى ءبىر جاقتى ەتۋدى تالاپ ەتتى، سونداي - اق مەملەكەتتىك كەڭەستەگى باسشى جولداستاردى گۋاڭشيدىڭ ۋجوۋ قالاسىنا قىزمەتكە جەتەكشىلىك ەتۋگە جىبەردى، 3 - ايدىڭ 24 - كۇنى ءوندىرىس حاۋىپسىزدىگى جونىندە تاعى دا ارناۋلى ماڭىزدى نۇسقاۋ بەردى، 3 - ايدىڭ 31 - كۇنى ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، شۇعىل جاعدايعا توتەپ بەرۋ، ءبىر جاقتى ەتۋ جاعدايى جونىندەگى مالىمەتتى تىڭداپ، كەلەسى قادامداعى قىزمەتتەردى ارناۋلى اقىلداسىپ ورنالاستىردى ءارى ماڭىزدى ءسوز سويلەدى.
شي جينپيڭ 3 - ايدىڭ 24 - كۇنگى ماڭىزدى نۇسقاۋىندا مىنالاردى اتاپ كورسەتتى: سوڭعى ءبىر مەزگىلدە قاتىناس، قۇرىلىس، كومىر كەنى سياقتى جاقتاردا حاۋىپسىزدىك شىرعالاڭدارى ءجيى تۋىلدى، اسىرەسە، «21 - ناۋرىز» شىعىس اۆياتسيا سەرىكتەستىگىنىڭ MU5735 ۇشۋ اسپابىنىڭ ۇشۋ شىرعالاڭىنان اۋىر ءولىم - ءجىتىم تۋىلىپ، بىزگە تاعى دا ساقتىق دابىلىن قاقتى.
شي جينپيڭ مىنالاردى دارىپتەدى: ءوندىرىس حاۋىپسىزدىگىندە پارتيا مەن ۇكىمەت بىردەي جاۋاپكەرلىك ارقالاۋدا، ءبىر قىزمەت ورنىندا قوس جاۋاپكەرلىك ارقالاۋدا، تەڭ يگەرىپ، بىرگە باسقارۋدا، مىندەتىن وتەمەگەندەردىڭ جاۋاپكەرلىگىن قۋزاۋدا تاباندى بولۋ، كاسىپ سالاسىن باسقارۋدا، ءسوز جوق، حاۋىپسىزدىكتى باسقارۋ، كاسىپتى باسقارۋدا، ءسوز جوق، حاۋىپسىزدىكتى باسقارۋ، ءوندىرىس - تيجاراتتى باسقارۋدا، ءسوز جوق، حاۋىپسىزدىكتى باسقارۋ كەرەك. ءىس جۇزىندىك قىزمەت تۇرعىسىنان قاراعاندا، كەيبىر جەرلەر مەن سالالاردا حاۋىپسىزدىك جاۋاپكەرلىگى ءالى شىنايى بەكەمدەلە قويماعان، قىزمەت شارالارى ناقتى يگەرىلمەگەن. ءار دارەجەلى پارتكومدار مەن ۇكىمەتتەر حالىقتى وزەك ەتكەن دامۋ يدەياسىندا تاباندى بولىپ، حالىقتى بارىنەن جوعارى قويۋدا، ءومىردى قاستەرلەۋدە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، اسا حاۋىپتى جاعدايداعى وسكەلەڭ قىراعىلىقتى قاي - قاشاندا ساقتاپ، ءوندىرىس حاۋىپسىزدىگىنە قاتىستى ءتۇرلى قىزمەتتەردى ويداعىداي ىستەۋى كەرەك، بەيعامدىققا سالىنۋعا، نەمقۇرايدى قاراۋعا استە بولمايدى. ءوندىرىس حاۋىپسىزدىگىندە جاۋاپكەرسىزدىك ىستەپ، قىزمەتىنە نەمقۇرايدى قاراپ، ماسەلە شىققانداردى قاتاڭ تەكسەرىپ، قاتاڭ ءبىر جاقتى ەتىپ، جاۋاپكەرلىگىن قاتاڭ قۋزاۋ كەرەك. ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار بارىنە ءوزى كىرىسىپ، الدىن الا سايكەستىرۋى، باسقا جاۋاپتى جولداستار ءوز قىزمەت ورىندارىنداعى حاۋىپسىزدىك مىندەتىن مۇقيات اتقارىپ، ساتىلار بويىنشا نەگىزگى ساتى ءبىرىنشى شەبىندە تياناقتاندىرىپ، فورماشىلدىققا، تورەشىلدىككە باتىل قارسى تۇرۋلارى كەرەك. بۇكىل ەل كولەمىندە حاۋىپسىزدىك زور تەكسەرۋىن ىشكەرىلەي ورىستەتىپ، زاڭعا، بەلگىلەمەگە قايشى ارەكەتتەرگە قاتاڭ سوققى بەرىپ، ءتۇرلى كومەسكى حاۋىپ - قاتەردى پارمەندى شارالار قولدانىپ الاستاپ، اۋىر، ەرەكشە اۋىر شىرعالاڭداردى باتىل تەجەپ، حالىقتىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: قازىر ءوندىرىس حاۋىپسىزدىگى جاعدايى ءالى كۇردەلى دە اۋىر، جەر - جەر مەن قاتىستى تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، حالىقتى بارىنەن جوعارى قويۋدا، ءومىردى قاستەلەۋدە تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، جاۋاپكەرلىكتى، شارالاردى تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋى كەرەك. ءوندىرىس حاۋىپسىزدىگى ارناۋلى ارەكەتىن ىشكەرىلەي جۇرگىزىپ، تاياۋ مەزگىلدەگى حاۋىپسىزدىك شىرعالاڭدارىنان تەرەڭ ساباق الىپ، بىرەۋى ارقىلى وزگەسىن تۇسپالداپ، حاۋىپسىزدىكتى جاپپاي تەكسەرىپ، اۋىر حاۋىپسىزدىك قاتەرى مەن كومەسكى قاتەرلەردى دەر كەزىندە رەتتەپ جونگە سالىپ، كەن، قاتەرلى حيميا ونىمدەرى، قۇرىلىس، قاتىناس، ءورت ءسوندىرۋ، ورتتەن ساقتانۋ سياقتى ءتۇيىندى كاسىپ سالالارىنداعى ءوندىرىس حاۋىپسىزدىگىنە قاتىستى زاڭعا، بەلگىلەمەگە قايشى ارەكەتتەردى باتىل قاتاڭ جازالاپ، نەمقۇرايدى قاراپ، جۇمىسقا قۇنتسىزدىق ىستەگەندەردىڭ جاۋاپكەرلىگىن قاتاڭ قۋزاۋ كەرەك. جۇيەلى جونگە سالۋدى، تۋ باستان جونگە سالۋدى كۇشەيتىپ، ءوندىرىس حاۋىپسىزدىگىنە تۇساۋ بولاتىن كورنەكتى قايشىلىقتاردان شوعىرلى قامال الىپ، حاۋىپسىزدىكتى ساقتاۋ كەلەلى ينجەنەريا قۇرىلىسىن جەدەلدەتىپ، ءوندىرىس حاۋىپسىزدىگى نەگىزىن بەكەمدەپ، حاۋىپسىز دامۋ دەڭگەيىن جاپپاي جوعارىلاتۋ كەرەك.
شي جينپيڭنىڭ ماڭىزدى نۇسقاۋىنىڭ رۋحىن دايەكتى تياناقتاندىرۋ ءۇشىن، مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسى تاياۋدا بەيجيڭدە اشىلىپ، حاۋىپسىزدىك جاۋاپكەرلىگىن قاتايتۋ جانە ناقتىلاندىرۋ، ءوندىرىس حاۋىپسىزدىگى قىزمەتىن جاپپاي كۇشەيتۋ جونىندە ورنالاستىرۋ جاسالدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس ءوندىرىس حاۋىپسىزدىگى كوميتەتىنىڭ مەڭگەرۋشىسى ليۋ حى ماجىلىستە ءسوز سويلەدى، مەملەكەتتىك كەڭەستىڭ مۇشەلەرى، مەملەكەتتىك كەڭەس ءوندىرىس حاۋىپسىزدىگى كوميتەتى مەڭگەرۋشىسىنىڭ ورىنباسارلارى ۋاڭ يۇڭ، جاۋ كىجى ماجىلىسكە قاتىناستى.
ءماجىلىس ءوندىرىس حاۋىپسىزدىگى جاۋاپكەرلىگىن تياناقتاندىرۋدى ونان ارى كۇشەيتىپ، اۋىر، ەرەكشە اۋىر شىرعالاڭداردان باتىل ساقتانۋ - تەجەۋدىڭ 15 تارماقتى شاراسىن ورنالاستىردى، بۇلار باستىسى مىنالاردى قامتيدى: جەرگىلىكتى پارتكومداردىڭ ءوندىرىس حاۋىپسىزدىگى جاۋاپكەرلىگىن قاتاڭ تياناقتاندىرۋ، جەرگىلىكتى ۇكىمەتتەردىڭ ءوندىرىس حاۋىپسىزدىگى جاۋاپكەرلىگىن قاتاڭ تياناقتاندىرۋ، تاراۋلاردىڭ حاۋىپسىزدىكتى باقىلاۋ - باسقارۋ جاۋاپكەرلىگىن قاتاڭ تياناقتاندىرۋ، باسشىلىق جاۋاپكەرلىگى مەن باقىلاۋ - باسقارۋ جاۋاپكەرلىگىن قاتاڭ قۋزاۋ، كاسىپورىنداردىڭ نەگىزگى جاۋاپتىلارى، ءسوز جوق، ءبىرىنشى جاۋاپتى ادامنىڭ جاۋاپكەرلىگىن قاتاڭ اتقارۋ، بۇكىل ەلدە ءوندىرىس حاۋىپسىزدىگى جونىندەگى زور تەكسەرۋدى دەرەۋ ىشكەرىلەي، تىڭعىلىقتى ورىستەتۋ، نىسانداردى تەكسەرىپ بەكىتۋ حاۋىپسىزدىگىنىڭ قىزىل سىزىعىن بەرىك ساقتاۋ، زاڭعا قايشى ءبولىپ بەرۋ، كوتەرمەگە بەرۋ جانە تىركەۋگە الۋ ارەكەتتەرىن قاتاڭ تەكسەرىپ ءبىر جاقتى ەتۋ، ەڭبەككۇش جىبەرۋ مەن يكەمدى جۇمىسشى ىستەتۋدە حاۋىپسىزدىكتى باسقارۋدى شىنايى كۇشەيتۋ، «زاڭسىزدارىنا سوققى بەرىپ، زاڭعا قايشىلارىن قاتاڭ جونگە سالۋ» قيمىلىن قاتاڭ ورىستەتۋ، زاڭ اتقارۋدى تەكسەرۋ كەڭ، بوس، پارمەنسىز بولۋ ماسەلەلەرىن باتىل جونگە سالۋ، ءوندىرىس حاۋىپسىزدىگىن باقىلاۋ زاڭ اتقارۋ قوسىن قۇرىلىسىن بارىنشا كۇشەيتۋ، ءوندىرىس حاۋىپسىزدىگى شىرعالاڭىن جاسىرۋ ءجايتىن اشكەرەلەگەندەردى سيلاۋ، شىرعالاڭدى جاسىرۋ، وتىرىك مالىمدەۋ، كەشىكتىرىپ مالىمدەۋ، جولداماي قويۋ جايتتەرىن قاتاڭ تەكسەرىپ ءبىر جاقتى ەتۋ، سونداي - اق شارۋاشىلىقتىڭ دامۋى مەن ىندەتتەن ساقتانۋ - تىزگىندەۋدى جانە ءوندىرىس حاۋىپسىزدىگى قىزمەتىن ءبىر تۇتاس جوسپارلاۋ كەرەك.
ءماجىلىس مىنالاردى دارىپتەدى: ءار دارەجەلى پارتكومدار مەن ۇكىمەتتەر باس شۋجي شي جينپيڭنىڭ ماڭىزدى نۇسقاۋىنىڭ رۋحىن قاز - قالپىندا تياناقتاندىرۋى كەرەك. ساياسي دەڭگەيدى جوعارىلاتىپ، دامۋ مەن حاۋىپسىزدىكتى ءبىر تۇتاس جوسپارلاۋدى، ءوندىرىس حاۋىپسىزدىگى قىزمەتىن ويداعىداي يگەرۋدى جاڭا دامۋ تانىمىن تولىق، دۇرىس، جان - جاقتى دايەكتىلەندىرۋدىڭ، ساپالى دامۋدى ىلگەرىلەتۋدىڭ ماڭىزدى شاراسى ەتىپ، نىسانداردى تەكسەرىپ بەكىتۋ حاۋىپسىزدىك قىزىل سىزىعىن مىقتى يگەرىپ، حيميا ونەركاسىبى كاسىپ سالاسى ورنالاسقان جەرلەردەگى حاۋىپسىزدىك قاتەرىنەن ساقتانۋ كەرەك. ءار دارەجەلى باسشى كادرلار جاۋاپكەرلىكتى قاتاڭ اتقارىپ، جۇمىستى ءبولىسىپ الىپ، ناقتى، تىڭعىلىقتى يگەرىپ، ناتيجە شىعارۋى كەرەك. قاتىستى تاراۋلار «ءۇش سوزسىزدىك» تالابىن قاتاڭ تياناقتاندىرىپ، «كىم باسقارسا، سول باستاماشى بولۋ، كىم باسشى بولسا، سول باستاماشى بولۋ، كىم جاقىن بولسا، سول باستاماشى بولۋ» پرينسيبى بويىنشا قىزمەت جاۋاپكەرلىگىن دەر كەزىندە ايقىنداپ، جاۋاپكەرلىكتى ىرىقتىلىقپەن ارقالاپ، جاۋاپكەرلىكتى ادا ەتۋلەرى كەرەك. اۋىر حاۋىپ - قاتەر مەن كومەسكى قاتەرلەردى دەرەۋ ىشكەرىلەي، تىڭعىلىقتى ءبىر - بىرلەپ تەكسەرىپ، ءتىزىم جاساپ، تالاپتاردى ايقىنداپ، جاۋاپكەرلىكتى ناقتىلاندىرىپ، شەكتى مەرزىم ىشىندە رەتتەپ - تۇزەتىپ، زاڭعا قايشى ۇرلاپ قازۋ، شىرعالاڭدى جاسىرۋ سياقتى زاڭعا اۋىر دارەجەدە قايشى كەلۋ ارەكەتتەرىن قاتاڭ تەكسەرىپ ءبىر جاقتى ەتىپ، شىرعالاڭ كوپ تۋىلۋ جاعدايىن تەز ارادا وڭاۋ كەرەك.
شۇعىل جاعدايعا توتەپ بەرۋدى باسقارۋ مينيسترلىگىندەگى نەگىزگى جاۋاپتى جولداستار تاياۋ مەزگىلدەگى بۇكىل ەلدىڭ ءوندىرىس حاۋىپسىزدىگى جاعدايىن حابارلاندىردى. گۇيجوۋ ولكەسىندەگى، جۇڭگو حالىقتىق اۆياتسيا مەكەمەسىندەگى جاۋاپتى جولداستار ماجىلىستە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
