شي جينپيڭ ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن كەزدەستى
2022.04.02 14:09 كەلۋ قاينارى : حالىق تورابى
 |
4 - ايدىڭ 1 - كۇنى كەشتە مەملەكەت ءتوراعاسى شي جينپيڭ بەيجيڭدە ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن بەينە ەكران ارقىلى كەزدەستى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 4 - ايدىڭ 1 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 1 - كۇنى كەشتە بەيجيڭدە ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن بەينە ەكران ارقىلى كەزدەستى.
شي جينپيڭ بىلاي دەپ اتاپ كورسەتتى: 8 جىلدىڭ الدىندا مەن جۇڭگونىڭ ەۆروپامەن بىرگە جۇڭگو مەن ەۆروپانىڭ بەيبىتشىلىك، ارتۋ، رەفورما، وركەنيەت سىندى 4 ۇلكەن سەرىكتەستىك قاتىناسىن ورناتۋدى قالايتىنىن العا قويعان ەدىم، جۇڭگونىڭ بۇل جوسپارى كۇنى بۇگىنگە دەيىن وزگەرگەن جوق، قازىرگى جاعدايدا ءتىپتى دە رەال مانگە يە. جۇڭگو مەن ەۆروپانىڭ كەڭ كولەمدى ورتاق مۇددەسى جانە تەرەڭ سەلبەستىك نەگىزى بار، جۇڭگونىڭ ەۆروپاعا قاراتقان ساياساتى ورنىقتى جالعاسادى، ەۆروپا جاقتىڭ جۇڭگومەن دەربەس تانىم قالىپتاستىرىپ، جۇڭگوعا قاراتا دەربەس ساياسات اتقارىپ، جۇڭگومەن بىرگە جۇڭگو - ەۆروپا قاتىناسىنىڭ ورنىقتى، باياندى دامۋىن ىلگەرىلەتىپ، اۋمالى - توكپەلى دۇنيە ءجۇزى جاعدايىنا كەيبىر ورنىقتىلىق فاكتورلارىن قوسۋىن ءۇمىت ەتەمىن.
شي جينپيڭ مىنالاردى دارىپتەدى: جۇڭگو مەن ەۆروپا − دۇنيە ءجۇزى بەيبىتشىلىگىن قورعايتىن ەكى ۇلكەن كۇش، جۇڭگو - ەۆروپا قاتىناسىنىڭ ورنىقتىلىعى ارقىلى حالىقارالىق جاعدايدىڭ تۇراقسىزدىعىنا توتەپ بەرۋى كەرەك. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن باستاماشىلدىقپەن قورعاپ، شەپ قۇرىپ قارسىلاسۋ ويىنىڭ قايتا باس كوتەرۋىن بىرگە تەجەپ، «جاڭا قىرعي قاباقتىق سوعىس» جۇرگىزۋگە قارسى تۇرىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ كەرەك.
شي جينپيڭ مىنالاردى اتاپ كورسەتتى: جۇڭگو مەن ەۆروپا − بىرگە دامۋدى جەبەيتىن ەكى ۇلكەن بازار، جۇڭگو مەن ەۆروپانىڭ ەسىك اشۋ سەلبەستىگى ارقىلى ەكونوميكانىڭ جاھاندانۋىنىڭ ىشكەرىلەي دامۋىن ىلگەرىلەتۋ كەرەك. جۇڭگو رەفورمانى تاباندىلىقپەن تەرەڭدەتىپ، ەسىكتى ايقارا اشىپ، ەۆروپا كاسىپورىندارىنىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىن قارسى الادى، ەۆروپا جاقتىڭ جۇڭگو كاسىپورىندارىنىڭ ەۆروپاعا بارىپ قارجى قوسىپ دامۋىن ءادىل، جاريالى، كەمسىتپەيتىن ورتامەن قامداۋىن ءۇمىت ەتەدى. ەكى جاق دامۋ ستراتەگياسىن ۇشتاستىرۋدى كۇشەيتىپ، جۇڭگونىڭ جاڭا دامۋ تانىمىن، جاڭا دامۋ جاعدايىن ەۆروپا وداعىنىڭ «جاريالى، ستراتەگيالىق، دەربەس» ەكونوميكا - ساۋدا ساياساتىمەن ۇشتاستىرۋ ءتۇيىنىن قاراستىرۋ كەرەك.
شي جينپيڭ مىنالاردى دارىپتەدى: جۇڭگو مەن ەۆروپا − ادامزاتتىڭ العا باسۋىن ىلگەرىلەتەتىن ەكى ۇلكەن وركەنيەت، جۇڭگو مەن ەۆروپانىڭ ىنتىماقتاسا سەلبەسۋى ارقىلى دۇنيە جۇزىلىك سايىستارعا توتەپ بەرۋ كەرەك. ناعىز كوپ جاقتىلىقتى امالياتتا ايگىلەپ، بىرگە اقىلداسۋ، بىرگە قۇرۋ، بىرگە يگىلىكتەنۋدى پرينسيپ ەتكەن دۇنيە جۇزىلىك جونگە سالۋ كوزقاراسىن دارىپتەپ، دۇنيە ءجۇزىنىڭ كليمات وزگەرىسىنە توتەپ بەرۋ جانە ورگانيزمدەردىڭ الۋان تۇرلىلىگى سەلبەستىگىنە ۇزدىكسىز جەتەكشىلىك ەتىپ، جاڭا تيپتى ايدارشا ۆيرۋس وكپە قابىنۋ ىندەتىن قول ۇستاسىپ بىرگە جەڭۋ كەرەك. ەۆروپا جاقتىڭ دۇنيە جۇزىلىك دامۋ باستاماسىن قولداۋىن جانە وعان ات سالىسۋىن قارسى الامىز.
ميچەل مەن ۆوندەرلەيەن مىنانى ءبىلدىردى: جۇڭگو − دۇنيە جۇزىندەگى ماڭىزدى كۇش، ەۆروپا جۇڭگونىڭ حالىقارالىق ورنى مەن رولىنا، جۇڭگومەن قاتىناسىن دامىتۋعا باسا ءمان بەرەدى. ۇزاق ۋاقىتتان بەرى ەۆروپا - جۇڭگو قاتىناسى ءوزارا پايدا جەتكىزىپ، ەكى جاققا بىردەي يگىلىك جاراتتى، ەكى جاق تا بەيبىتشىلىكتى قورعاۋعا، كوپ جاقتىلىقتى قورعاۋعا كۇش سالدى. قازىرگى حالىقارالىق جاعدايدا ەۆروپا مەن جۇڭگونىڭ تىلدەسۋدى، سەلبەستىكتى كۇشەيتۋى توتەنشە ماڭىزدى. ەۆروپا جاق ءبىر جۇڭگو پرينسيبىندە تاباندى بولاتىنىن قايتالاي دارىپتەدى، جۇڭگومەن بۇكپەسىز اۋىس - كۇيىس جاساپ، ەۆروپا - جۇڭگو قاتىناسىنىڭ تاماشا دامۋ جاعدايىن جالعاستىرۋدى ءۇمىت ەتەدى، جۇڭگومەن ەكونوميكا - ساۋدا، قارجى قوسۋ، ەنەرگيا، جاسىل دامۋ سياقتى سالالارداعى سەلبەستىكتى ۇزدىكسىز تەرەڭدەتىپ، جاڭا تيپتى ايدارشا ۆيرۋس وكپە قابىنۋ ىندەتى، كليمات وزگەرىسى، ورگانيزمدەردىڭ الۋان تۇرلىلىگىن قورعاۋ سياقتى دۇنيە جۇزىلىك سايىستارعا بىرگە توتەپ بەرىپ، دۇنيە ءجۇزىنىڭ بەيبىتشىلىگىن، ەكونوميكانىڭ ارتۋىن جانە بىرگە گۇلدەنۋدى جەبەۋگە قۇلشىنۋدى قالايدى. ەۆروپا جاق جۇڭگونىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ 2 - كەزەڭدىك ءماجىلىسىن ءساتتى وتكىزۋىنە قولداۋ كورسەتۋدى، سەلبەستىك جاساۋدى قالايدى.
ەكى جاق ۋكراينانىڭ جاعدايى جونىندە پىكىر اۋىستىردى. ەۆروپا وداعىنىڭ باسشىسى ەۆروپا جاقتىڭ ۋكراينا داعدارىسىنا قاتىستى كوزقاراستارى مەن قۋاتتامالارىن تانىستىردى.
شي جينپيڭ مىنالاردى دارىپتەدى: جۇڭگو ۋكراينا جاعدايىنىڭ بۇگىنگى بەتالىسىنا ايرىقشا وكىنىش بىلدىرەدى. جۇڭگونىڭ ۋكراينا ماسەلەسىندەگى مايدانى دايەكتى، ايقىن. جۇڭگو باستان - اياق بەيبىتشىلىك جاعىندا تۇرىپ، ءىستىڭ دۇرىس - بۇرىستىعىن شىعار ءتۇيىن ەتىپ، دەربەس، ءوز - وزىنە قوجا بولا وتىرىپ تۇجىرىم جاساپ، حالىقارالىق زاڭ مەن جالپى جۇرت مويىنداعان حالىقارالىق قارىم - قاتىناستى قورعاۋدىڭ نەگىزگى ولشەمىن دارىپتەپ، بىرلەسكەن مەملەكەتتەر ۇيىمى ۋستاۆىنىڭ باستى ماقساتى مەن پرينسيبى بويىنشا ءىس بىتىرۋدە تاباندى بولىپ، ورتاق، كەشەندى، سەلبەسكەن، باياندى حاۋىپسىزدىك كوزقاراسىن دارىپتەيدى.شي جينپيڭ قازىرگى جاعدايدا ۋكراينا داعدارىسىن شەشۋ جونىندەگى ءبىرقانشا پىكىرىن پايىمدادى:
ءبىرىنشى، تاتۋلىققا ءناسيحاتتاۋدا، كەلىسسوزدى جەبەۋدە تاباندى بولۋ كەرەك. جۇڭگو ەۆروپا جاقتىڭ ۋكراينا ماسەلەسىن ساياسي جولمەن شەشۋ جولىنداعى قۇلشىنىستارىن قولداپ، باستان - اياق ءوز تاسىلىمەن تاتۋلاسۋدى جەبەۋ رولىن ساۋلەلەندىرىپ كەلەدى. بەيبىتشىلىك كەلىسسوزى − جاعدايدىڭ شيەلەنىسۋىنەن ساقتانۋدىڭ بىردەن - ءبىر ۇتىمدى جولى. حالىقارالىق قوعام رەسەي مەن ۋكراينانىڭ كەلىسسوزىنە ۇزدىكسىز شارت - جاعداي جانە ورتا ازىرلەپ، ساياسي جولمەن شەشۋگە ءورىس اشۋى كەرەك، وتقا ماي قۇيۋعا، قايشىلىقتى ۋشىقتىرۋعا بولمايدى.
ەكىنشى، اناعۇرلىم كەڭ كولەمدى ادامگەرشىلىك داعدارىسىنىڭ تۋىلۋىنان ساقتانۋ كەرەك. جۇڭگو ۋكراينانىڭ ادامگەرشىلىك جاعدايى جونىندە 6 ءتۇرلى دارىپتەمەنى العا قويىپ، ۋكرايناعا كوپتەگەن شۇعىل ادامگەرشىلىك كومەك بەرىپ، قىرۋار بوسقىندى قابىلداعان ەۆروپا ەلدەرىنە زاتتىق ماتەريال بەردى. جۇڭگو ەۆروپا جاقپەن حابارلاسىپ، اناعۇرلىم كەڭ كولەمدى ادامگەرشىلىك داعدارىسىنان بىرگە ساقتانۋدى قالايدى.
ءۇشىنشى، ەۆروپا مەن ازيا - ەۆروپا ۇلى قۇرلىعىنىڭ باياندى بەيبىتشىلىگىن ورناتۋ كەرەك. ۋكراينا داعدارىسىنىڭ قاينارى ەۆروپادا ۇزاق ۋاقىتتان بەرى جيناقتالعان وڭىرلىك حاۋىپسىزدىك قايشىلىعىندا، تۇبىرىنەن وڭاۋ شاراسى قاتىستى جاقتاردىڭ ۇيلەسىمدى حاۋىپسىزدىك ماسەلەلەرىنە نازار اۋدارۋدا. ءداۋىر دامىپ بۇگىنگى كۇنگە جەتكەندە، دۇنيە ءجۇزى مەن ءوڭىردىڭ حاۋىپسىزدىك جۇلگەسىن قىرعي قاباقتىق ويى ارقىلى ورناتۋعا بولمايدى. جۇڭگو ەۆروپانىڭ، اسىرەسە، ەۆروپا وداعىنىڭ جەتەكشىلىك رولىن ساۋلەلەندىرۋىن قولدايدى، ەۆروپا، رەسەي، ا ق ش جانە ناتونىڭ پىكىرلەسۋىن قولدايدى، كوپ جىلدان بەرى جيناقتالعان قايشىلىقتاردى كوزدەي وتىرىپ، ماسەلەنى شەشۋدىڭ ءادىسىن تاۋىپ، ەۆروپانىڭ بىركەلكى، ءونىمدى، باياندى حاۋىپسىزدىك جۇلگەسىن ورناتۋدى ىلگەرىلەتۋ كەرەك.
ءتورتىنشى، ءىشىنارالىق قاقتىعىستىڭ ۇلعايۋىنان ساقتانۋ كەرەك. ۋكراينا داعدارىسىن ويداعىداي شەشۋ ءۇشىن اسىعىستىققا سالىنباي، اۋرۋعا قاراي ەمدەۋ شاراسىن قولدانۋ قاجەت، ءبىر ماسەلەنى عانا كوزدەپ، قالعان جاقتاردى قاعىس قالدىرۋعا بولمايدى، تۇتاس دۇنيە ءجۇزىن وسى ماسەلەگە عانا شىرماپ قويۋعا بولمايدى، ءار ەل بۇقاراسىنىڭ وسى ءۇشىن اۋىر بوداۋ بەرۋىنە ءتىپتى دە بولمايدى. قىسىلتاياڭ ساتتەردە سەرگەك، بايسالدى بولۋ كەرەك. قازىرگى دۇنيە جۇزىلىك ەكونوميكالىق جۇيەنى دۇنيە جۇزىندەگى ءار ەل ۇزاق ۋاقىت قۇلشىنۋ ارقىلى قالىپتاستىرعان، بۇل − ورگانيكالىق تۇتاس تۇلعا. ءارقايسى جاق وسى جەتىستىكتى قاستەرلەۋى كەرەك، قازىرگى دۇنيە جۇزىلىك ەكونوميكالىق جۇيەگە وپ - وڭاي سوقتىعۋعا بولمايدى، دۇنيە ءجۇزى ەكونوميكاسىن ساياسيلاندىرۋعا، قۇرال ەتۋگە، قارۋلاندىرۋعا ءتىپتى دە بولمايدى، دۇنيە ءجۇزىن فينانس، ساۋدا، ەنەرگيا، عىلىم - تەحنيكا، استىق، كاسىپ تىزبەگى، قامداۋ تىزبەگى سياقتى سالالارداعى اۋىر داعدارىسقا اپارىپ سوقتىرۋعا ءتىپتى دە بولمايدى. كوپتەگەن ادام مۇنداي جاعدايدىڭ حالىقارالىق ەكونوميكالىق سەلبەستىكتىڭ نەشە ون جىلدىق قۇلشىنىسىنىڭ جەتىستىكتەرىن سەلگە كەتىرۋىنەن قاتتى الاڭدايدى. ەگەر جاعداي ۇزدىكسىز ۋشىعا بەرسە، قالپىنا كەلتىرۋگە بىرنەشە جىل، ون نەشە جىل، ءتىپتى نەشە ون جىل كەتۋى مۇمكىن. جۇڭگو مەن ەۆروپا جاعدايدى مەڭگەرۋگە كۇش سالىپ، داعدارىستىڭ كەڭەيۋىنەن ساقتانۋى، اسىرەسە، دۇنيە ءجۇزىنىڭ ەكونوميكالىق ءتۇزىلىسىنىڭ، ەرەجەسىنىڭ، نەگىزىنىڭ ورنىقتىلىعىن قورعاپ، ادامداردىڭ سەنىمىن كۇشەيتۋگە كۇش سالۋى كەرەك. ەكى جاقتىڭ وسى جونىندە سايكەسۋىنە جانە سەلبەسۋىنە بولادى.
ەكى جاق باسشىلارى: وسى رەتكى كەزدەسۋ بۇكپەسىز، ىشكەرىلەي جۇرگىزىلىپ، ءوزارا ءتۇسىنىسۋ كۇشەيتىلدى، سونداي - اق كوپتەگەن ورتاق تانىمعا كەلدىك، − دەپ قارادى، الداعى كەزدە قارىم - قاتىناستى، اۋىس - كۇيىستى ۇزدىكسىز كۇشەيتىپ، سايكەسۋ، سەلبەستىك جاساۋ ىستەرىن ورىستەتۋگە ماقۇل بولدى.
ياڭ جيەچى، حى ليفىڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
 |
4 - ايدىڭ 1 - كۇنى كەشتە مەملەكەت ءتوراعاسى شي جينپيڭ بەيجيڭدە ەۆروپا القالار كەڭەسىنىڭ ءتوراعاسى ميچەلمەن جانە ەۆروپا وداعى كوميتەتىنىڭ ءتوراعاسى ۆوندەرلەيەنمەن بەينە ەكران ارقىلى كەزدەستى.
سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن |
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
