بۇقاراعا تۇسىنىكتى سويلەۋگە شەبەر بولۋ كەرەك
2022.04.02 16:38 كەلۋ قاينارى : حالىق تورابى
«جوۋ – ي . ءسوز تۋرالى» دەگەن كىتاپتا: «الەمدى بيلەيمىن دەسەڭ ءسوزىڭدى تۇزە» دەلىنگەن. مۇنىڭ ماعىناسى، جۇرتتى يلاندىرامىن دەسەڭ، ءسوزدىڭ قۇدىرەتىنەن پايدالان دەگەندىك. بۇدان ءبىز ءتىلدىڭ بۇقارانى ۇيىمداستىرىپ، اتتانىسقا كەلتىرۋدە، بۇقارانىڭ كۇشىن ۇيىستىرۋدا توتەنشە ماڭىزدى رول اتقاراتىنىن بىلەمىز. پارتيا مەن مەملەكەت جۇكتەگەن بورىشتى ويداعىداي اتقارىپ، پارتيانىڭ باعىت – ساياساتتارىن بۇقارانىڭ سانالى ارەكەتىنە اينالدىرۋ ءۇشىن بۇقاراعا تۇسىنىكتى سويلەۋگە شەبەر بولۋ قاجەت.
ءتىل — بال ەمەس، دەگەنمەن، بارلىعىن ەلىتۋگە ونىڭ مۇمكىندىگى بار. تۇسىنىكتى سويلەۋدى ەڭ نەگىزگى شەبەرلىك دەپ قاراپ، تورەشە سويلەۋدى، لەپىرمەلىكتى، سىلدىر ءسوزدى، جاتتاندى ءسوزدى، كۇڭگىرت، تۇسىنىكسىز ءسوزدى از سويلەپ، تەرەڭ ماعىنالى ءسوزدىڭ جۇيەسىن تابيعي، سىپايى تاسىلمەن، قاراپايىم دا تۇسىنىكتى سوزدەرمەن جەتكىزۋ قاجەت. نەگىزگى ساتىعا ىشكەرىلەي تەكسەرۋ – زەرتتەۋ جۇرگىزىپ، پارتيانىڭ باعىت – ساياساتتارىن بۇقارانىڭ وندىرىسىمەن، تۇرمىسىمەن ۇشتاستىرىپ، ۇساق تۇيىندەردەن ءىرى تاقىرىپتاردى كورۋگە، شاعىن اڭگىمەلەر ارقىلى جۇيەلى ءسوز ايتۋعا شەبەر بولىپ، بۇقارا تۇسىنەتىندەي، تىڭداۋدى قالايتىنداي سويلەۋ كەرەك.
شىن سويلەۋ — اقيقاتقا باس ءيىپ، ادىلدىككە جۇگىنۋدىڭ، ىزگىلىكتىڭ ماڭىزدى بەينەسى، سونىمەن بىرگە، جاۋاپكەرشىلىك پەن جىگەردىڭ، ساياسي ءمورال مەن نەگىزدىك ساپانىڭ بەلگىسى، تەك شىن سويلەگەندە عانا، پارتيانى الاڭسىز ەتۋگە، بۇقارانى الاڭسىز ەتۋگە بولادى. بۇقاراعا شىنايى، ءىس جۇزىندىك جاعدايعا قاراي سويلەۋ، شىن پەيىلمەن سويلەۋ، وبيەكتيۆ زاڭدىلىققا ساي سويلەۋ كەرەك، بۇقارانى الداماۋ، بۇقارادان جاعدايدى جاسىرماۋ، جۇرەكتى جارىپ شىققان شىن سوزبەن، شىندىققا جۇگىنىپ، ناقتى ءىس تىندىراتىن ستيلمەن بۇقارانىڭ سەنىمىنە جانە القاۋىنا يە بولۋ قاجەت.
«قاي تاۋعا بارساڭ، سول تاۋدىڭ ءانىن ايتاسىڭ» دەگەن ءتامسىل بار. بارعان جەرگە بالداي باتىپ، بۇقارامەن ەتەنە بولۋ — بۇقارانىڭ سۇيىسپەنشىلىگىن ارتتىرىپ، بۇقارانىڭ تىلەكتەستىگىنە يە بولاتىن ءونىمدى ءتاسىل. جەرگىلىكتى ورىنداعى بۇقارا ۇناتاتىن، سول جەرگە تامىر تارتقان، قايماعى بۇزىلماعان ءتىلدىڭ شىرايىن اشۋعا شەبەر بولىپ، بۇقارانىڭ جۇرەگىنە جىلى تيەتىندەي سويلەۋ كەرەك. ءسوز سويلەۋدى بۇقارادان ۇيرەنىپ، بۇقارادان حال – جاعداي ۇعىسىپ، اڭگىمە دۇكەن قۇرىپ، ولارمەن شىن سىرلاسۋ قاجەت، كوپ تىڭداۋ، كوپ ۇيرەنۋ، كوپ سويلەۋ ارقىلى باي مازمۇندى «اۋىز ەكى ءتىلدى» اقىرىنداپ ۇيرەنىپ، تەرەڭ ماعىنالى، كۇردەلى سەزىلەتىن ساياساتتاردى بۇقاراعا تۇسىنىكتى «اۋىز ەكى تىلمەن» بايانداۋعا جاتتىعىپ، بۇقارانىڭ ىنتىعا تىڭداۋىنا، ەسىندە بەرىك ساقتاۋىنا مۇمكىندىك جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
