«جولشىباي قوي جەتەلەپ كەتكەن» ءىس قانشاما «ستيل كىناراتىن» اشىققا شىعاردى؟
2022.04.02 16:50 كەلۋ قاينارى : حالىق تورابى
قايدان كەلگەنى بەلگىسىز «قىستاق شارلاۋشىلار اترەتى» قوي باعىپ جۇرگەن بۇقاراعا جولىعىپ قالىپ، اياق استىنان «قويدىڭ نۋكلەين قىشقىلىن تەكسەرەمىز» دەگەندى شىعارىپ، ءبىر قويدى زورلىقپەن الىپ كەتكەن. ەستىر قۇلاققا مۇمكىن ەمەس سياقتانعانىمەن، بۇل ءىس حىبەي ولكەسى حىجيان قالاسىندا شىنىمەن دە تۋىلعان.
مۇنداي جاعدايدى ەستىگەندە نە دەرىڭدى بىلمەي قالاسىڭ.
حىبەي ولكەسىنىڭ بىرلەسكەن تەكسەرۋ گرۋپپاسىنىڭ بۇل ىسكە بايلانىستى جاريالاعان رەسمي حابارلاندىرۋىنا قاراعاندا، دەلوعا قاتىستى ادامدار ساقشى اۆتوكولىگىنە ۇقساتىلعان اتوكولىك جۇرگىزىپ، ساقشى باسقارماسىنىڭ شارلاۋشىلارىنىڭ اتىن جامىلعان ادامدار ەكەنىن ءارى چاڭسۇن قىستاعى پارتيا ياچەيكاسىنىڭ شۋجيى ءارى قىستاق كوميتەتىنىڭ مەڭگەرۋشىسى چاڭ حايبيڭ قاتارلى دەلوعا قاتىستى 9 قىلمىس كۇماندىسىنا زاڭ بويىنشا ماجبۇرلەۋ شارالارىن اتقارعانىن ايتقان.
وسى ءىس جونىندە، كوپتەگەن توراپتاستاردىڭ كوكەيىندە سۇراق تۋىندايدى، قىستاق ياچەيكا شۋجيى جانە ونىمەن بىرگە جۇرگەندەر نەگە ساقشىنىڭ اتىن جامىلادى، زايىرى، جالعان سالاۋاتپەن قوقيلانىپ، الدامكوستىك جاساماقشى بولدى ما، الدە، قولىنداعى ۇقىعىنا سۇيەنىپ ويىنا كەلگەنىن ىستەمەكشى بولدى ما؟ حابارلاندىرۋدىڭ مازمۇنى ەگجەي – تەگجەيلى ەمەس، جەرگىلىكتى ورىن «جولشىباي قوي جەتەلەپ كەتۋ» وقيعاسى جايلى ىشكەرىلەي تەكسەرۋ جۇرگىزۋى ءارى تۇسىنىك بەرۋى كەرەك.
مۇنان گورى نازار اۋدارۋدى قاجەت ەتەتىن ماسەلە — «جولشىباي قوي جەتەلەپ كەتۋ» وقيعاسىنىڭ استارىندا كادرلاردىڭ ستيلى جانە نەگىزگى ساتىنى جونگە سالۋ جاعىندا ماسەلە ساقتالىپ وتىرعاندىعى. ج ك پ ورتالىق كوميتەتى كەڭسە مەڭگەرمەسى مەن مەملەكەتتىك كەڭەس كەڭسە مەڭگەرمەسىنىڭ «اۋىل – قىستاقتى جونگە سالۋدى كۇشەيتۋ جونىندەگى پىكىرىندە» «ءبىر قىستاقتا ءبىر كومەكشى ساقشى بولۋ» مەحانيزمىن جالپىلاستىرۋ ايقىن ورتاعا قويىلعان. ۇعىسۋعا قاراعاندا، كەي جەرلەر ورتالىق كوميتەتتىڭ قۇجاتتارىن تياناقتاندىرۋ بارىسىندا ونى «وزدەرىنە بەيىمدەپ»، كومەكشى ساقشى دەگەندى «ساقشى ىستەرى كومەكشىسى» دەپ وزگەرتىپ، قىستاق كوميتەتىندەگى كادرلار، ءتىپتى اۋماق قىزمەتكەرلەرى ساقشى كيىمىن كيىپ، وزگەرىپ شىعا كەلىپ، قوسىن قۇرىلىسىندا قارا كوبەيتۋ جاعدايى بايقالعان.
جازالانعان قىستاق ياچەيكا شۋجيى ادامداردى باستاپ، اشىقتان – اشىق ساقشى اۆتوكولىگىنە ۇقساتىلعان اۆتوكولىككە وتىرىپ، ساقشى بولىمشەسىنىڭ قىزمەتكەرلەرىنىڭ اتىن جامىلعان، بۇل ءىس جوعارىدا ايتىلعان جاعدايعا جاتا ما، جوق پا، جەرگىلىكتى ورىننىڭ ىشكەرىلەي انىقتاپ تەكسەرۋى ءارى ماسەلەنىڭ ءتۇيىنىن تابۋى، جاعدايعا قاراي ءبىرجاقتى ەتۋى قاجەت. جۇرت اڭىس ەتتى ەكەن دەپ، جازالاندى دەگەن ءبىر پاراق قاعازبەن ءىستى تىندىرۋعا، مۇلدە، بولمايدى.
مۇنان سىرت، ىندەتتەن ساقتانۋ – تىزگىندەۋ دەگەن اتپەن قويدىڭ نۋكلەين قىشقىلىن تەكسەرەمىز دەگەندى بۇرىن – سوڭدى ەستىمەگەن ەكەنبىز. مۇنداي جاعداي سول جەردە ۇنەمى تۋىلا ما؟! ەگەر مۇنداي كادردىڭ مۇنداي ارەكەتى تەك بىرەۋلەردىڭ ءوز بىلگەنىنشە ىستەگەن كەزدەيسوق جولسىزدىق ارەكەتى ەمەس، ۇزاق ۋاقىتتان بەرى ۇيرەنشىكتى ارەكەت بولىپ كەتكەن، ادەتكە اينالعان ءىس بولسا، وندا سول جەردەگى نەگىزگى ساتىنى جونگە سالۋ قىزمەتىنەن ايرىقشا كۇماندانۋعا بولادى.
«جولشىباي قوي جەتەلەپ كەتۋ» بولماشى ءىس ەمەس، مۇنىڭ استارىندا كادرلار مەن بۇقارانىڭ قارىم – قاتىناسى جاتىر، ول پارتيا مەن ۇكىمەتتىڭ وبىرازىنا ساياتىن ءىس. پارتيامىز توڭكەرىس مەزگىلىنەن تارتىپ، «بۇقارانىڭ ءبىر تال ينەسىن، ءبىر ساباق ءجىبىن الماۋدى» ۇكىمەت قىزمەتكەرلەرىنىڭ، ءسوزسىز، بويسۇنۋعا ءتيىستى ءتارتىپ قىزىل سىزىعى دەپ قاراعان، مۇنىڭ ءجونى باياعىدا – اق ايقىن تۇسىندىرگەن.
نەگىزگى ساتىداعى كادرلار — بۇقارامەن ەڭ قويۋ بايلانىس جاسايتىن توپتاردىڭ ءبىرى، نەگىزگى ساتىداعى جونگە سالۋ جۇيەسىندەگى «شەشۋشى از ساندىلار»، نەگىزگى ساتىداعى كادرلاردىڭ ستيلىنىڭ پارتيا مەن ۇكىمەتتىڭ ابىرويىن اسقاقتاتۋى نەمەسە كۇيە جاعۋى قاس پەن كوزدىڭ اراسىنداي ءىس. تەك ءسات سايىن بۇقارانى كوڭىلىنە ۇيالاتىپ، ۇقىقتى حالىق ءۇشىن ىستەتكەندە عانا، حالىقتىڭ ءۇمىتىن اقتاۋعا، ستيلى پاك نەگىزگى ساتى ەكولوگياسىن قالىپتاستىرۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
