ەكى تاراۋ قيىنشىلىعى بار ايەلدەرگە ءادىليالىق كومەك بەرۋ قىزمەتىن كۇشەيتۋ جونىندە ورنالاستىرۋ جاسادى
2022.04.07 15:25 كەلۋ قاينارى : حالىق تورابى
ءتىلشىنىڭ 4 – ايدىڭ 6 – كۇنى ەڭ جوعارى حالىق پروكۋراتۋراسىنان ۇعىسۋىنشا، ەڭ جوعارى حالىق پروكۋراتۋراسى مەن مەملەكەتتىك ايەلدەر بىرلەستىگى جۋىردا بىرلەسكەن ۇقتىرۋ شىعارىپ، «قيىنشىلىعى بار ايەلدەرگە كوڭىل ءبولىپ، ارناۋلى ءادىليالىق كومەك بەرۋدى كۇشەيتۋ» ارناۋلى قيمىلىن ورىستەتكەن. ارناۋلى قيمىل بيىل 3 – ايدان باستاپ ورىستەتىلىپ، جىل سوڭىنا دەيىن جالعاسادى.
ۇقتىرۋدا مىنالار اتاپ كورسەتىلگەن: پروكۋراتۋرانىڭ دەلو ءبىتىرۋ كولەمىنە ەنگەن، كومەكتەسۋ شارتىنا ۇيلەسەتىن قيىنشىلىعى بار بەس توپتاعى ايەلدەردى پروكۋراتۋرا ورگاندارى ءتۇيىندى كومەك بەرەتىن وبيەكتىلەر دەپ قاراۋى، ايەلدەر بىرلەستىگى ۇيىمدارىمەن سايكەسە وتىرىپ، كومەكتەسۋ تەبىنىن ارتتىرۋى كەرەك: ءبىرىنشى، قايتادان كەدەيلەسۋدىڭ الدىن الۋ وبيەكتىلەرىنە جاتاتىن اۋىل – قىستاقتاعى كەدەي ايەلدەر؛ ەكىنشى، وتباسىلىق زورلىق – زومبىلىق، جىنىستىق سۇعاناقتىق، الداپ ساتۋ قاتارلى زاڭعا قايشى قىلمىستىق ارەكەتتەردىڭ زالالىنا جولىققان ايەلدەر؛ ءۇشىنشى، وتباسىنداعى باستى ەڭبەككۇش زاڭعا قايشى قىلمىستىق ىستەردىڭ زيانىنا ۇشىراپ قازا بولعان نەمەسە ەڭبەك قۋاتىنان ايرىلعان، ازامات جاسىنا تولماعان پەرزەنتتەرىن باعىپ – قاعۋ، قارتتاردى كۇتىمدەۋ بورىشىن ارقالاعان ايەلدەر؛ ءتورتىنشى، سالماقتى ناۋقاسقا شالدىققان نەمەسە مۇگەدەك بولعان ايەلدەر؛ بەسىنشى، كۇتىمدەۋ بورىشىن وتەۋگە ءتيىستى ادامنىڭ كۇتىمدەۋگە قاۋقارى جوق نەمەسە ءىس جۇزىندە كۇتىمدەيتىن ادام جوق قارت ايەلدەر.
ۇقتىرۋ بويىنشا، كاسىپتەنۋ جاعىنداعى جىنىستىق كەمسىتۋ، قىزمەت ورنىندا جىنىستىق مازالاۋعا ۇشىراۋ قاتارلى ازاماتتىق ىستەرگە ساياتىن ۇقىققا قول سۇعۋ ارەكەتى سەبەبىنەن تۇرمىسى قيىنشىلىققا ۇشىراعان، زاڭدىق جولمەن شەشۋ قيىن بولعان، سونىمەن بىرگە، وتباسىلىق زورلىق – زومبىلىققا ۇشىراۋ سەبەپتى اجىراسۋعا ارىزدانعان، تۇرمىسىندا شىنىمەن دە قيىنشىلىعى بار ايەلدەردى ءىس جۇزىندىك جاعدايعا قاراي كومەكتەسۋدى قاجەت ەتەتىن ايەلدەر دەپ قاراۋعا بولادى، دەلونى بىتىرەتىن ورىنداعى پروكۋراتۋرا ورگانى ايەلدەر بىرلەستىگىمەن سايكەسە وتىرىپ، كومەكتەسۋ قىزمەتىن ورىستەتۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
