جاڭا تيپتى ايدارشا ۆيرۋس وكپە قابىنۋ ىندەتى
«8 ءتۇرلى بەلگىلەمە جۇڭگونى وزگەرتتى! (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − ۇلى وزگەرىس)
«حالىق گازەتىنىڭ» ءتىلشىسى مىڭ شياڭفۋ
2022.04.07 16:30 كەلۋ قاينارى : حالىق تورابى
«سەگىز ءتۇرلى بەلگىلەمە» جۇڭگونى وزگەرتتى! بۇل − حالىق بۇقاراسىنىڭ شىن جۇرەكتەن شىققان ءۇنى.
ج ك پ ورتالىق كوميتەتىنىڭ ساياسي بيۋروسى 2012 - جىلى 12 - ايدىڭ 4 - كۇنى ءماجىلىس اشىپ، «پارتيا 18 - كەزەكتى ورتالىق كوميتەتى ساياسي بيۋروسىنىڭ قىزمەت ستيلىن جاقسارتۋ، بۇقارامەن تىعىز بايلانىس جاساۋ جونىندەگى 8 ءتۇرلى بەلگىلەمەسىن» قاراپ ماقۇلداپ، تەكسەرۋ - زەرتتەۋ، ءماجىلىس قيمىلى، قۇجات قىسقا حابارى، ساپار قيمىلى، قورعاۋ قىزمەتى، اقپاراتتىق حابار، ماقالا جاريالاۋ، ۇقىپتى، ۇنەمشىل بولۋ سياقتى 8 جاقتان ستيل قۇرىلىسىن كۇشەيتۋ جونىندە قاعيدا بەلگىلەپ، رەال ماسەلەلەرگە بەتپە - بەت كەلىپ، ناقتى تالاپتار قويدى.
وسى كۇننەن باستاپ، «8 ءتۇرلى بەلگىلەمە» جاڭا داۋىردەگى كوممۋنيستەردىڭ ستيل قۇرىلىسىنداعى «التىن تانىسقىسىنا» اينالدى. وسى كۇننەن باستاپ بۇكىل پارتيا، بۇكىل قوعام جاماندىقتى تيىپ، جاقسىلىقتى دارىپتەۋ سىندى ستيلدەگى وراسان زور وزگەرىستى قارسى الدى.
2012 - جىلى 12 - ايدىڭ 7 - كۇنى، گۋاڭدۇڭ ولكەسىنىڭ شىنجىن قالاسى چيانحاي شىنجىن - شياڭگاڭ سەلبەستىك رايونىنا باراتىن جول بۇرىنعىداي ىركىلىسسىز بولىپ تۇردى، 8 اۆتوموبيلدەن قۇرالعان اۆتوموبيل اترەتى اۆتوكولىك اعىسىمەن توعىسىپ، الەۋمەتتىك قاتىناس، تاكسي، جەكەلىك اۆتوموبيلدەرمەن قاتار ءجۇرىپ، قاتىناس بەلگى شىراعىنىڭ بۇيرىعى بويىنشا جول باستى. جولدى يەلەمەدى، جولدى بوگەمەدى، حالىقتى مازالامادى، قىزىل كىلەم توسەمەدى، كەرمە تۋ ىلىنبەدى، ساتىلار بويىنشا سەرىك قوسىلمادى. بۇل − باس شۋجي شي جينپيڭنىڭ پارتيانىڭ 18 - قۇرىلتايىنان كەيىن تۇڭعىش رەت بەيجيڭنەن شىعىپ قىزمەت تەكسەرۋى بولىپ، قازىرگە دەيىن جۇرتشىلىققا تەرەڭ اسەر قالدىرىپ كەلەدى.
پارتيانىڭ 18 - قۇرىلتايىنان بەرى باس شۋجي شي جينپيڭ ءوزى ونەگە بولىپ، باستاماشىلدىقپەن ۇلگى كورسەتىپ، ورتالىقتىڭ «8 ءتۇرلى بەلگىلەمەسىن» باستان - اياق باستاماشىلدىقپەن قاتاڭ اتقارىپ، بۇكىل پارتياعا ۇلگى ورناتىپ، بۇكىل ەل حالقىنا ۇزدىكسىز سەنىم جانە كۇش - قۋات جەتكىزدى. جەر - جەر، تاراۋلار سانالى تۇردە ولشەمگە، ۇلگىگە تۋرالانىپ، ورتالىقتىڭ «8 ءتۇرلى بەلگىلەمەسىنىڭ» رۋحىنىڭ تەرەڭ تامىر تارتۋىن تىڭعىلىقتى ىلگەرىلەتىپ، «4 ءتۇرلى بۇرىس ستيلدى» تاباندىلىقپەن وڭاپ، شەگە قاعۋ رۋحىن ساۋلەلەندىرىپ، ستيل قۇرىلىسىن كۇشەيتۋدە تاباندى بولدى.
ەل ءىسىن ەگجەي - تەگجەيلى، قاتاڭ ىستەۋ كەرەك. ورتالىقتىڭ سەگىز ءتۇرلى بەلگىلەمەسى 5 جىلدىق، 10 جىلدىق بەلگىلەمە ەمەس، قايتا ۇزاق ۋاقىتتىق، ءونىمدى قاتاڭ قاعيدا، مىزعىماس تىرەك. ۇزاق ۋاقىتتان بەرى قالىپتاسقان ەسكىلىكتى اۋرۋلاردى تۇزەتۋدە، ءسوز جوق، ۇنەمى، ەگجەي - تەگجەيلى، ۇزاق ۋاقىت مىقتى يگەرۋ جاعىنا كۇش سالۋ كەرەك.
جۇرتشىلىق بايقاعان بولۋ كەرەك، ءار جىلعى مەرەكە - مەيرام، ماڭىزدى ءماجىلىس سياقتى ۋاقىت كەزەڭدەرىندە ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شوعىرلى حابارلاندىرۋ، جايىپ سالۋ، باقىلاۋ، اشكەرەلەۋ ارناۋلى رايونىن اشۋ سياقتى فورمالار ارقىلى «ءتورت ءتۇرلى بۇرىس ستيلدى» تۇزەتۋ جونىندە سيگنال بەرىپ، تالاپ قويىپ، ستيلدى دۇرىستاپ، ءتارتىپتى قاتايتۋدىڭ كۇشتى سيگنالىن ۇزدىكسىز تاراتىپ وتىردى. بيىل 3 - ايدىڭ 27 - كۇنى ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ توراپ بەكەتى 2022 - جىلى 2 - ايداعى بۇكىل ەل بويىنشا ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساۋداعى ماسەلەلەردى تەكسەرىپ ءبىر جاقتى ەتۋدىڭ جيناقتاۋ جاعدايىن جاريالادى: «سول ايدا بۇكىل ەل بويىنشا ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋداعى 5834 ماسەلە تەكسەرىپ ءبىر جاقتى ەتىلدى، 9100 ادامعا سىن ايتىپ، تاربيە بەرىلدى جانە ءبىر جاقتى ەتىلدى، مۇنىڭ ىشىندە 6046 ادامعا پارتيا ءتارتىبى، اكىمشىلىك جازا بەرىلدى. بۇل ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ ءۇرتىس 102 - ايدا بۇكىل ەل بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسىن تەكسەرىپ ءبىر جاقتى ەتۋ جونىندەگى ايلىق مالىمەت ساندى مالىمەتى بولدى.
«اۋرەلەيتىن بولدىم، تيجاراتتىڭ اينالىس جاعدايىن كورسەتىڭىزشى». «تالون كەسۋدىڭ جاعدايىن ناقتى تانىستىرا كەتسەڭىز». بيىل كوكتەم مەرەكەسى قارساڭىندا چۇڭچيڭ قالاسى بيشان رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى رايوندىق سالىق مەكەمەسىمەن، رايوندىق بازار باقىلاۋ - باسقارۋ مەكەمەسىمەن بىرلەسىپ ارناۋلى باقىلاۋ - تەكسەرۋ گرۋپپاسىن قۇرىپ، نازاردى مەرەكە قارساڭىندا بەلگىلەمەگە قايشى تۇردە ءىشىپ - جەۋ، بەلگىلەمەگە قايشى تۇردە تارتۋ - تارالعى، اقشا قابىلداۋ سياقتى بەلگىلەمەگە، تارتىپكە قايشى ارەكەتتەرگە شوعىرلاندىرىپ، ارناۋلى رەتتەۋ - وڭاۋ جۇرگىزدى. ارناۋلى باقىلاۋ - تەكسەرۋ گرۋپپاسى قالا ماڭىنداعى ءبىر شارۋالار شاتتىعى ساياجايىنا كەلىپ، ورگان، مەكەمە نەمەسە ورگان قىزمەتكەرلەرىنىڭ قۇپيا ەسەپ - قيسابى، كەزەڭدىك ەسەپ - قيسابى سياقتى جاعدايلاردىڭ بار - جوقتىعىن مۇقيات تەكسەردى.
«ءبىز مەرەكە - مەيرام كەزدەرىندە، ءسوز جوق، تەكسەرۋدە تاباندى بولىپ، بىرگە بايقاپ، بىرگە تەكسەرىپ ءبىر جاقتى ەتىپ، بىرگە جاريالاپ، ستيلدى باقىلاۋدى شىنايى كۇشەيتىپ، ستيلى پاك، سالتى دۇرىس بولۋعا كەپىلدىك ەتەمىز » دەدى چۇڭچيڭ قالاسى بيشان رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ قاتىستى جاۋاپتىسى.
جۇرتشىلىق «تاماقتانۋداعى ىسىراپشىلدىقتىڭ»، «ساۋىقحانالارداعى تەرىس ستيلدەردىڭ»، «اۋلەمەتتىك ماشينانى جەكە جۇمىسقا پايدالانۋدىڭ»، «مەرەكەدەگى شىرىكتەسۋدىڭ» قاتاڭ جونگە سالىنعانىن، جوعارى دارەجەلى شاعىن اۋماقتارداعى «ءبىر ۇستەل تاعام»، تەكسەرۋ - زەرتتەۋدى سىلتاۋراتىپ كولىكپەن ساياحاتتاۋ سياقتى كومەسكى، ءتۇسى وزگەرگەن «ءتورت ءتۇرلى بۇرىس ستيل» ماسەلەلەرىنىڭ ىشكەرىلەي جونگە سالىنعانىن، فورماشىلدىقتىڭ ۇزدىكسىز شەشىلىپ، نەگىزگى ساتىنىڭ اۋىرتپالىعى ىشكەرىلەي جەڭىلدەتىلگەنىن بايقادى... بۇرىن تەجەۋ مۇمكىن ەمەس دەپ قارالعان ءىشىنارا بۇرىس ستيلدەر تەجەلىپ، داعدىلى ەسكىلىكتى كىناراتتار تالقاندالدى.
«قازىر نەگىزگى ساتىلاردا جيىندى قىسقا اشۋ داعدىعا اينالدى، جيىندا نەگىزگى اڭگىمە ناقتى ىستەرگە شوعىرلانىپ، قايشىلىقتار باسا يگەرىلىپ، ناقتى ماسەلەلەر شەشىلەتىن بولدى، كوپشىلىكتىڭ جۇمىس ءبىتىرۋ، يگىلىك جاراتۋ سەنىمى نىعايدى» دەدى جىجياڭ ولكەسى نيڭبو قالاسى بەيلۇن رايونى داچي ءمالى باسقارماسى پارتيا قىزمەتى كوميتەتىنىڭ شۋجيى سۇن شۇيحۇي.
جۇرتشىلىق ماسەلەلەردىڭ ءبىر - بىرلەپ تياناقتى شەشىلگەنىن، قاجىماس جىگەر جانە قايسارلىق ارقىلى بۇل كۇندە پارتيا ستيلىنىڭ، ۇكىمەت ستيلىنىڭ شىت جاڭا بەينەگە ەنگەنىن، قوعامدىق ستيلدىڭ، حالىقتىڭ ستيلدىڭ جاقسارعانىن، ستيل قۇرىلىسىنىڭ پارتيا قۇرىلىسىنىڭ كورنەكتى بەلگىسىنە اينالعانىن اڭعاردى.
سالت جاقسى بولسا، ستيل دۇرىس بولادى، ستيل دۇرىس بولسا، تىلەك بىرىگەدى، تىلەك بىرىكسە، ءىس ىلگەرى باسادى. كادرلار ستيلىندەگى وزگەرىس حالىق بۇقاراسىن ناقتى تابىس سەزىمىنە كەنەلتتى. قالىڭ پارتيا مۇشەلەرى، كادرلار شىن ىقىلاسپەن بۇقارا ءۇشىن ناقتى ىستەر ىستەپ، قيىن ماسەلەلەردى شەشىپ، كادرلار مەن بۇقارانىڭ قارىم - قاتىناسىن ونان ارى قويۋلاتىپ، پارتيا مەن حالىقتىڭ تىلەگىن ونان ارى توعىستىردى.
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار ورتالىقتىڭ 8 ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ستيل قۇرىلىسىن تىنباي تەرەڭدەتىپ، تاڭداۋلى ستيل ارقىلى ءبىر ميلليارد 400 ميلليوننان استام حالىقتىڭ ءبىر نيەتپەن ىنتىماقتاسۋىنىڭ قۇدىرەتتى كۇشىن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن نىق قاداممەن ۇدەرە العا تارتۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
