لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.04.07 16:41 كەلۋ قاينارى : حالىق تورابى
ەرەكشە قيىنشىلىعى بار كاسىپتەرگە قاراتا زەينەتكەرلىك قامسىزداندىرۋ قاراجاتىن كەزەڭدىك كەشىكتىرىپ تاپسىرۋ ساياساتىن اتقارىپ، جۇمىسسىزداردى قامسىزداندىرۋدى قولداۋ، قىزمەت ورنىن ورنىقتىرۋ جانە كۋرستان وتكىزىپ تاربيەلەۋ تەبىنىن ارتتىرۋدى ۇيعاردى؛ اقشا ساياساتى قۇرالىنان ۇيلەسىمدى كەزدە پايدالانىپ، ناقتى ەكونوميكانىڭ دامۋىن اناعۇرلىم ءونىمدى قولداۋ جونىندە ورنالاستىرۋ جاسادى
شينحۋا اگەنتتىگى، 4 - ايدىڭ 6 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 6 - كۇنى مەملەكەتتىك كەڭەستىڭ تۇراقتى ىستەر ءماجىلىسىن باسقارىپ اشىپ، ەرەكشە قيىنشىلىعى بار كاسىپتەرگە قاراتا زەينەتكەرلىك قامسىزداندىرۋ قاراجاتىن كەزەڭدىك كەشىكتىرىپ تاپسىرۋ ساياساتىن اتقارىپ، جۇمىسسىزداردى قامسىزداندىرۋدى قولداۋ، قىزمەت ورنىن ورنىقتىرۋ جانە كۋرستان وتكىزىپ تاربيەلەۋ تەبىنىن ارتتىرۋدى ۇيعاردى؛ اقشا ساياساتى قۇرالىنان ۇيلەسىمدى كەزدە پايدالانىپ، ناقتى ەكونوميكانىڭ دامۋىن اناعۇرلىم ءونىمدى قولداۋ جونىندە ورنالاستىرۋ جاسادى.
ءماجىلىس بىلاي دەپ اتاپ كورسەتتى: ەلىمىزدىڭ ەكونوميكالىق اينالىمىندا جالپى تۇلعالىق جاقتا ۇيلەسىمدى ارالىق ساقتالۋدا، الايدا ەل ءىشى - سىرتىنداعى ورتانىڭ كۇردەلىلىگى، تۇراقسىزدىعى مەجەدەگىدەن اسىپ ءتۇستى. دۇنيە ءجۇزى ەكونوميكاسىنىڭ قالپىنا كەلۋى باياۋلادى، استىق، ەنەرگيا سياقتى جالپىلىق تاۋارلار بازارىندا زور تولقۋ تۋىلدى، ەل ىشىندە ىندەت تاياۋ مەزگىلدە كوپ تۋىلدى، بازار تۇلعالارىندا قيىنشىلىق كوبەيدى، ەكونوميكانىڭ جاڭا قۇلدىراۋ قىسىمى كۇشەيدى، وسىنداي كەزدە ءارى سەنىمدى بەكەمدەۋ، ءارى جاڭا سىن - سايىسقا ايرىقشا ءمان بەرۋ، قىراعى بولۋ كەرەك. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتەندىرىپ،ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، ورتالىقتىڭ ەكونوميكالىق قىزمەت ءماجىلىسىنىڭ رۋحىن جانە «ۇكىمەت قىزمەتىنەن باياندامادا» العا قويىلعان شارالاردى تياناقتاندىرۋدى مىقتى يگەرۋ، كەيبىرەۋلەرىن كۇنى بۇرىن اتقارۋ كەرەك. ارتۋدى ورنىقتىرۋدى اناعۇرلىم كورنەكتى ورىنعا قويىپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى ىلگەرىلەتۋدى ءبىر تۇتاس جوسپارلاۋ، ماكرولىق ەكونوميكانىڭ جالپى جاعدايىن ورنىقتىرۋ كەرەك. ەكونوميكالىق اينالىمنىڭ ۇيلەسىمدى ارالىقتا بولۋىن، باستىسى، جۇمىستانۋ مەن زات باعاسىنىڭ نەگىزىنەن ورنىقتىلىعىن ساقتاۋ، بازار تۇلعالارىن ورنىقتىرۋ ارقىلى جۇمىستاندىرۋعا كەپىلدىك ەتۋ، كەشەندى شارالار قولدانىپ زات اينالىمىنىڭ ىركىلىسسىزدىگىنە جانە كاسىپ تىزبەگىنىڭ، قامداۋ تىزبەگىنىڭ ورنىقتىلىعىنا، استىق، ەنەرگيا حاۋىپسىزدىگىنە كەپىلدىك ەتۋ كەرەك. تاراۋلار جالپى جاعدايدى كوزدە ۇستاپ، ىرىقتىلىقپەن ءىس تىندىرىپ، بەلگىلەنگەن ساياساتتاردىڭ تياناقتانۋىن قۋزاۋمەن بىرگە، جاعدايدىڭ وزگەرىسىنە باعىتتاي وتىرىپ، ساياسات جوباسىن جەدەل زەرتتەپ، بازار مەجەسىنىڭ ورنىقتىلىعىنا ءتيىمدى شارالاردى دەر كەزىندە شىعارۋ كەرەك. جەر - جەر دە ءىس جۇزىندىك جاعدايمەن ۇشتاستىرىپ، ءۇي ماياقىسىن ازايتۋ، كەشىرىم ەتۋ سياقتى ناقتى، جارامدى شارالاردى العا قويۋى كەرەك.
ءماجىلىس مىنالاردى اتاپ كورسەتتى: قازىر كەيبىر بازار تۇلعالارى اۋىر سوققىعا ۇشىراپ وتىر، ءسوز جوق، قيىنشىلىعىن شەشۋ جانە جۇمىسقا ورنالاستىرۋ ارقىلى ەڭ تومەنگى شەكتەن تۇسىرمەۋ سياقتى قامتاماسىز ەتۋ سەرپىنىن ارتتىرۋ كەرەك. ءبىرىنشى، اس - سۋ، بولشەك ساتۋ، ساياحات، حالىقتىق اۆياتسيا، تاس جول، سۋ جولى، تەمىر جول تاسىمالى سياقتى ەرەكشە قيىنشىلىعى بار كاسىپتەرگە قاراتا، 2 - توقساندا زەينەتكەرلىك قامسىزداندىرۋ اقىسىن ۋاقىتشا كەشىكتىرىپ تاپسىرۋ شاراسىن اتقارىپ، وسى كاسىپتەردىڭ، اسىرەسە، ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ قارجى قىسىمىن جەڭىلدەتۋ كەرەك. ەكىنشى، جۇمىسسىزداردى قامسىزداندىرۋدى قامتاماسىزداندىرۋ، كولەمدى كەڭەيتۋ ساياساتىن ءۇرتىس اتقارىپ، قامسىزداندىرۋعا قاتىناسقان جۇمىسسىزدارعا، جۇمىسسىز قالعان شارۋا جۇمىسكەرلەرگە ءۇرتىس كومەك قاراجات بەرۋ كەرەك. ءۇشىنشى، ورتا، شاعىن، ۇساق كاسىپورىنداردىڭ جۇمىسسىزداردى قامسىزداندىرۋ ارقىلى جۇمىس ورنىن ورنىقتىرۋ، جۇمىس ورنىنا قايتا قابىلداۋ سالىستىرماسىن جوعارىلاتۋ كەرەك، شارتقا ۇيلەسەتىن رايونداردىكىن %60 تەن %90 كە كوتەرۋگە بولادى؛ جەرگىلىكتى ورىنداردىڭ تاعى دا %4 جۇمىسسىزداردى قامسىزداندىرۋ قورىنىڭ ىركىندىسىن كاسىپتىك شەبەرلىككە تاربيەلەۋگە جۇمساۋىنا، سونداي - اق ىندەتتىڭ ىقپالىنا ۇشىراعان، ۋاقىتشا قالىپتى تيجارات جۇرگىزە المايتىن ورتا، شاعىن، ۇساق كاسىپورىندارعا ءبىر جولدا الىپ قالعان جۇمىسشىلاردى تاربيەلەۋ قوسىمشا قاراجاتىن تاراتۋىنا جول بەرىلەدى.
ءماجىلىس مىنالاردى اتاپ كورسەتتى: كوپ ءتۇرلى اقشا ساياساتى قۇرالىنان دەر كەزىندە يكەمدى پايدالانىپ، جالپى مولشەرلىك جانە قۇرىلىمدىق قوس قابات فۋنكتسيانى اناعۇرلىم ويداعىداي ساۋلەلەندىرىپ، ناقتى ەكونوميكانى قولداۋدى كۇشەيتۋ كەرەك. ءبىرىنشى، ورنىقتى اقشا ساياساتىن اتقارۋ تەبىنىن ارتتىرىپ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. اۋىل شارۋاشىلىعىنا قولداۋ كورسەتۋ، شاعىن كاسىپورىنداردى قولداۋ ساياساتتارى بويىنشا قايتا بەرىلەتىن قارىز اقشا مولشەرىن ارتتىرۋ، بازارلاندىرۋ، زاڭمەن باسقارۋ ءادىسى ارقىلى فينانس قۇرىلىمدارىن ناقتى ەكونوميكاعا ۇيلەسىمدى پايدا جەتكىزۋگە جەبەۋ كەرەك. ەكىنشى، تۇتىنۋدى فينانس جاعىنان قولداۋ جانە ءونىمدى قارجى قوسۋ شارالارىن زەرتتەپ قولدانۋ، جاڭا قالا تۇرعىندارىنا فينانستىق قىزمەت وتەۋ دەڭگەيىن جوعارىلاتۋ، قامتاماسىزدىق تۇرعىن ۇيگە فينانستىق قىزمەت وتەۋدى ساپالىلاندىرۋ، ءتۇيىندى نىسان قۇرىلىستارىنا قارجى بىرىكتىرۋدى قامتاماسىزداندىرۋ، جاساۋ كاسىبىنە بەرىلەتىن ورتا، ۇزاق مەرزىمدىك قارىز اقشا مولشەرىن ءبىرشاما تەز ارتتىرۋدى جەبەۋ كەرەك. ءۇشىنشى، عىلىم - تەحنيكادا جاڭالىق جاراتۋ جانە جالپىعا ءتيىمدى زەينەتكەرلىك سىندى ەكى ءتۇرلى ارناۋلى قايتالاي بەرىلەتىن قارىز اقشا تاراتۋ، حالىق بانكەسى قارىز اقشانىڭ نەگىزگى سوماسىنىڭ %60 ى، %100 ى بويىنشا قارىز اقشانى قايتالاي بەرۋ جاعىنان جەكە - جەكە قولداۋ كورسەتۋ كەرەك. ۇكىمەتتىڭ ارناۋلى زايومى ارقىلى ورتا، شاعىن بانكە كاپيتالىن تولىقتاۋ سياقتى قىزمەتتەردى ويداعىداي ىستەپ، بانكەنىڭ قارىز بەرۋ قۋاتىن كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
