حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويدى (جاڭا جورىققا ەكپىندەي ىلگەرىلەپ، جاڭا داۋىرگە ۇلەس قوسۋ − ۇلى وزگەرىس)
«حالىق گازەتىنىڭ» ءتىلشىسى باي جيانفىڭ
2022.06.20 16:16 كەلۋ قاينارى : حالىق تورابى
باس شۋجي شي جينپيڭ: «حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويىپ، حالىقتىڭ سالاماتتىعىن جان - جاقتى، جالپى پەريودتى قامتاماسىز ەتۋگە قۇلشىنىپ، ءتۇزىم جۇيەسىن قۇرۋدى، كەمەلدەندىرۋدى تەزدەتىپ، الەۋمەتتىك دەنساۋلىق ساقتاۋ حاۋىپسىزدىگىن قامتاماسىز ەتىپ، سالاماتتىققا پايدالى تۇرمىس ءتاسىلىن، ءوندىرىس ءتاسىلىن، ەكونوميكالىق، قوعامدىق دامۋ ۇلگىسىن جانە جونگە سالۋ ۇلگىسىن قالىپتاستىرۋدى تەزدەتىپ، سالاماتتىق پەن ەكونوميكانىڭ، قوعامنىڭ ۇتىمدى، سايكەستى دامۋىن جۇزەگە اسىرۋ كەرەك» دەپ اتاپ كورسەتكەن بولاتىن.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويۋدا تاباندى بولىپ، «سالاماتتى جۇڭگو قۇرىلىسىن جاپپاي ىلگەرىلەتۋ» جونىندە كەلەلى شەشىم - ورنالاستىرۋ جاساپ، «‹سالاماتتى جۇڭگو 2030› جوبا باعدارلاماسىن» جاريالاپ جانە اتقارىپ، سالاماتتى جۇڭگو قۇرىلىسىنىڭ جاڭا ساپارىن باستاپ، جۇڭگوشا دەنساۋلىق ساقتاۋ، سالاماتتىق ىستەرىنىڭ رەفورما، دامۋ جولىن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋعا بەرىك سالاماتتىق نەگىزىن قالادى.
حالىقتىڭ سالاماتتىق دەڭگەيى كورنەكتى جوعارىلاپ، نەگىزگى سالاماتتىق كورسەتكىشى جالپى جاقتان ورتا، جوعارى كىرىستى ەلدەردىڭ الدىڭعى قاتارىنا ءوتتى، سالاماتتى جۇڭگو قۇرىلىسىندا تاماشا باستاما جاراتىلدى، جۇڭگوشا نەگىزگى ەمدەۋ، دەنساۋلىق ساقتاۋ ءتۇزىمىنىڭ جۇلگەسى نەگىزىنەن ورنادى.
دۇنيە جۇزىندەگى كولەمى ەڭ ۇلكەن ەمدەۋ، دەنساۋلىق ساقتاۋ جۇيەسىن قۇرىپ، قالا مەن اۋىلدى قامتىعان ەمدەۋ، دەنساۋلىق ساقتاۋعا قىزمەت وتەۋ تورابىن قالىپتاستىردى. 2021 – جىلى بۇكىل ەل بويىنشا جالپى ەمدەۋ مولشەرى 8 ميلليارد 530 ميلليون ادام – رەتكە، شيپاحانادان شىققان ادام سانى 240 ميلليون ادامعا جەتىپ، ەمدەۋ قىزمەت وتەۋىنىڭ جالپى مولشەرى دۇنيە ءجۇزى بويىنشا 1 – ورىنعا شىقتى. 2021 - جىلدىڭ سوڭىندا بۇكىل ەل بويىنشا ەمدەۋ - دەنساۋلىق ساقتاۋ قۇرىلىمدارى ءبىر ميلليون 31 مىڭ، توسەك ورنى 9 ميلليون 570 مىڭ بولدى. 10 جىلدان بەرى ەلىمىزدىڭ ەمدەۋ، دەنساۋلىق ساقتاۋعا قىزمەت وتەۋ بايلىعىنىڭ جالپى مولشەرى ءۇرتىس ارتىپ، ەمدەۋ تەحنيكالىق قۋاتى مەن ەمدەۋ ساپاسى دەڭگەيى ۇزدىكسىز جوعارىلاپ، حالىقتىڭ سالاماتتىعىن سەنىمدى كەپىلمەن قامدادى.
ەمدەۋ، دەنساۋلىق ساقتاۋ قوسىنى كۇن سايىن زورايىپ، دۇنيە جۇزىندەگى ەڭ ۇلكەن ەمدەۋ، دەنساۋلىق ساقتاۋعا قىزمەت وتەۋ جۇيەسىن ورناتتى. 2021 - جىلدىڭ سوڭىندا دەنساۋلىق ساقتاۋ تەحنيكتەرى 11 ميلليون 230 مىڭ ادامعا جەتتى. مۇنىڭ ىشىندە كاسىپتىك شيپاگەرلەر مەن كاسىپتىك كومەكشى شيپاگەرلەر 4 ميلليون 270 مىڭ ادام، تىركەلگەن سەسترالار 5 ميلليون 20 مىڭ ادام بولدى.
چۇڭچيڭ قالاسى ۋانجوۋ رايونى لۇڭجۇي قالاشىعى گۋانبا قىستاعىنىڭ ەمدەۋ ۇيىندە جاڭ اتاي كومپيۋتەردىڭ الدىندا چۇڭچيڭ داشۋەسىنە قاراستى ءۇش قىساڭ شيپاحاناسىنىڭ ماماندارىمەن سويلەستى، قىستاق شيپاگەرى لي شياۋجيان ءبىر شەتتە مۇقيات ەستەلىككە الدى. جاڭ اتاي قانتتى نەسەپ اۋرۋىنا شالدىققان، بۇرىن شيپاحاناعا بارۋى وتە قولايسىز ەدى. قازىر قىستاق تۇرعىندارىنىڭ ماماندارمەن كەز كەلگەن ۋاقىتتا الدىن الا كەلىسۋىنە بولادى، اۋرۋ كورسەتۋ، ەمدەلۋ اناعۇرلىم قولايلى بولدى. لي شياۋجيان بىلاي دەدى: «قىستاق ەمدەۋ ءۇيى سانشيا شيپاحاناسى ينتەرنەت شيپاحاناسىنىڭ ناۋقاس قابىلداۋ ورنىنا اينالعاننان بەرى كوپتەگەن قىستاق تۇرعىنى ينتەرنەتتەگى شيپاگەردى ىزدەپ كەلەتىن بولدى» دەدى.
10 جىلدان بەرى ەلىمىزدىڭ دارەجەگە ءبولىپ ەمدەۋ ءتۇزىمى جەدەل ىلگەرىلەتىلىپ، بۇقارانىڭ ەمدەلۋى قيىن بولۋ ماسەلەسى ءونىمدى تۇردە باسەڭدەتىلدى. 2021 - جىلدىڭ سوڭىندا نەگىزگى ساتى ەمدەۋ - دەنساۋلىق ساقتاۋ قۇرىلىمدارى 977 مىڭعا جەتتى. مۇنىڭ ىشىندە اۋىل - قالاشىق ەمحانالارى 35 مىڭ، الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىقتارى پۋنكت) 36 مىڭ، قىستاق ەمدەۋ ۇيلەرى 599 مىڭ. بۇكىل ەل بويىنشا سانشي، جىجياڭ، شينجياڭ سىندى 3 سىناق ءتۇيىنى ەتىلگەن ولكە جانە باسقا ولكەلەردەگى (اۆتونوميالى رايون، توتە قاراستى قالا) سىناق ءتۇيىنى ەتىلگەن 567 اۋدان تىعىز سايكەسكەن اۋدان كولەمىندە ەمدەۋ ورتاق تۇلعاسى قۇرىلىسىن ورىستەتىپ، سىناق ءتۇيىنى ەتىلگەن %70 تەن استام اۋدان تىعىز سايكەسكەن ولشەمگە جەتىپ، سىناق ءتۇيىنى ەتىلگەن اۋدانداردىڭ ەمدەۋ قىزمەت وتەۋ ونىمدىلىگى جوعارىلاپ، اۋدان كولەمىندە ەمدەلۋ شاماسى %90 تەن اسىپ، «اۋدان ءوڭىرىن كۇشەيتۋ، نەگىزگى ساتىنى كۇشەيتۋ» رولى كورنەكتىلەنە باستادى.
الەۋمەتتىك دەنساۋلىق ساقتاۋ جۇيەسى قۇرىلىسى ۇزدىكسىز ىلگەرىلەتىلىپ، نەگىزگى الەۋمەتتىك دەنساۋلىق ساقتاۋعا قىزمەت وتەۋدىڭ تەڭگەرىلۋ دەڭگەيى ۇزدىكسىز جوعارىلادى. نەگىزگى الەۋمەتتىك دەنساۋلىق ساقتاۋعا قىزمەت وتەۋ قاراجاتىنىڭ ادام باسىنا تۋرا كەلەتىن قازىنالىق قوسىمشا قاراجات ولشەمى 2015 - جىلعى 40 يۋاننان 2022 - جىلى 84 يۋانعا كوتەرىلىپ، بارلىق قالا - اۋىل تۇرعىندارى 12 ءتۇرلى مەملەكەتتىڭ نەگىزگى الەۋمەتتىك دەنساۋلىق ساقتاۋعا قىزمەت وتەۋ تۇرىمەن اقىسىز قامدالدى، جەرگىلىكتى اۋرۋدان ساقتانۋ جانە ونى ەمدەۋ، كاسىپتىك اۋرۋدان ساقتانۋ جانە ونى ەمدەۋ، انالار مەن بالالاردىڭ دەنساۋلىعىن ساقتاۋ، ەمدەۋ مەن كۇتىمدەۋدى ۇشتاستىرۋ سياقتى 19 ءتۇرلى قىزمەت وتەۋ اقىسىز ورىستەتىلدى. 2021 - جىلدىڭ سوڭىندا كاسىپتىك الەۋمەتتىك دەنساۋلىق ساقتاۋ قۇرىلىمدارى 13 مىڭعا جەتتى. وتباسى شيپاگەرلەرىنىڭ كەلىسىمدى قىزمەت وتەۋىنىڭ ساپالى دامۋى ىلگەرىلەتىلىپ، ءتۇيىندى قاۋىمنىڭ وتباسى شيپاگەرلەرىنە كەلىسىم بويىنشا كورىنۋىنىڭ قامتۋ شاماسى %70 تەن استى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ەلىمىزدىڭ ەمدەۋ، دەنساۋلىق ساقتاۋ جۇيەسى سىننان ءوتىپ، ىندەتتەن ساقتانۋ – تىزگىندەۋ توسقاۋىل شايقاسىنىڭ جەڭىسىنە قول جەتكىزۋدە ماڭىزدى رول اتقارىپ، حالىقتىڭ باس اماندىعى مەن دەنساۋلىق اقاۋسىزدىعىن قورعاۋعا، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋعا ماڭىزدى ۇلەس قوسىپ، ەمدەۋ رەفورماسىن تەرەڭدەتۋدىڭ كەلەلى جەتىستىكتەرىن تولىق ايگىلەدى.
الەۋمەتتىك دەنساۋلىق ساقتاۋ جۇيەسىنىڭ قورعانىس شەبىن بەكەمدەي ءتۇستى. سالاماتتى جۇڭگو ارەكەتى ىشكەرىلەي اتقارىلىپ، سالاماتتىققا ىقپال جاسايتىن فاكتورلارعا جان - جاقتى كيلىگۋ، تۇتاس تىرشىلىك پەريودى بويىنشا اقاۋسىزدىقتى قورعاۋ، سالماقتى اۋرۋلاردان ساقتانۋ - تىزگىندەۋ كوزدە ۇستالىپ، اۋرۋدى ەمدەۋدى وزەك ەتۋدەن حالىقتىڭ سالاماتتىعىن وزەك ەتۋگە بۇرىلىس جاساۋ ىلگەرىلەتىلىپ، بۇقارانىڭ اۋرۋعا شالدىقپاۋىنا، اۋرۋعا از شالدىعۋىنا مۇمكىندىك تۋدىرۋ ءۇشىن قۇلشىنىس جاسالىپ، تۇرمىس ساپاسى جوعارىلاتىلىپ، بۇقارانىڭ عۇمىرى ۇزارتىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
