سيفرلى ەكونوميكا دامۋىنىڭ جاڭا ورايىن مىقتى يگەرىپ، «جاڭا جارىس جولىنداعى» جەتەكشى كاسىپ سالاسىنىڭ ەڭسە كوتەرۋىن جۇزەگە اسىردى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى ۋاڭ جىچيۋ، چىڭ حۋان
2022.06.20 16:18
سيفرلى ەكونوميكانى دامىتۋ − جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىنىڭ جاڭا ورايىن يگەرۋدىڭ ستراتەگيالىق تالعامى. جاڭا داۋىردە گۇيجوۋ سيفرلى ەكونوميكا ستراتەگياسىن اتقارۋدا تىڭ ورايعا قول جەتكىزدى.
2015 - جىلى 6 - ايدىڭ 17 - كۇنى باس شۋجي شي جينپيڭ گۇيياڭ قالاسىنىڭ ءىرى ساندى مالىمەتتەردى قولدانۋ، كورمەگە قويۋ ورتالىعىنا باردى. باس شۋجي بىلاي دەپ دارىپتەدى: ينفورماتسيالاندىرۋ مەن ونەركاسىپتەندىرۋدىڭ ىشكەرىلەي توعىسۋىن ىلگەرىلەتۋ ءۇشىن، ءسوز جوق، ينفورماتسيالاندىرۋ جاعىندا كوبىرەك وي جۇگىرتىپ، ناقتى شارالاردى كوبىرەك قولدانۋ كەرەك.
قاداعالاپ تاپسىرىلعان وسى مىندەت گۇيجوۋعا دا، بۇكىل ەلگە دە قاراتىلعان. سول كەزدە ەلىمىز ەكونوميكاسىنىڭ دامۋىندا قارقىن وزگەرىسى، قۇرىلىمدى ساپالىلاندىرۋ، قوزعاۋشى كۇشتى اۋىستىرۋ سىندى ءۇش ۇلكەن ەرەكشەلىك جارىققا شىقتى. باس شۋجي شي جينپيڭ بىلاي دەپ اتاپ كورسەتتى: «جاڭا قالىپقا ۇيلەسۋ، جاڭا قالىپتى يگەرۋ، جاڭا قالىپقا جەتەكشىلىك ەتۋ − قازىرگى جانە بۇدان بىلايعى ءبىر مەزگىلدەگى ەلىمىزدىڭ ەكونوميكالىق دامۋىنىڭ ۇلكەن قيسىنى».
ۇدايىلانعان جاڭا جاعدايدا ەكونوميكانىڭ قۇرىلىمدىق ستراتەگيالىق رەتتەلۋىن قالاي ىلگەرىلەتۋ كەرەك؟ گۇيجوۋ جاڭالىق جاراتۋدى اناعۇرلىم كورنەكتى ورىنعا قويدى. 2014 - جىلى گۇيجوۋ ءىرى ساندى مالىمەتتەردى دامىتۋ ستراتەگيالىق ارەكەتىن العا قويدى ءارى ونى جۇزەگە اسىردى. امالياتتىق ىزدەنىستىڭ شەشۋشى كەزەڭىندە باس شۋجي شي جينپيڭنىڭ ىقىلاستى تاپسىرىعى گۇيجوۋدىڭ دامۋىنا ايقىن باعدار كورسەتتى.
سيفرلى ەكونوميكا − قازىرگى جانە بولاشاقتاعى ەكونوميكالىق دامۋدىڭ «جاڭا جارىس جولى». جاڭا دەگەن ءسوز كەڭ ورايدى بىلدىرەدى، ول شەكسىز كومەسكى كۇشتى ايگىلەيدى. باس شۋجيدىڭ تاپسىرىعىن ەستە بەرىك ساقتاعان گۇيجوۋ ءىرى ساندى مالىمەت كاسىبىنىڭ دامۋ نەگىزىن ۇزدىكسىز بەكەمدەپ، مەملەكەت دارەجەلى تۇڭعىش ءىرى ساندى مالىمەت ۋنيۆەرسال سىناق رايونىن قۇرىپ، ساندى مالىمەت بايلىعىنان ورتاق يگىلىكتەنۋدى اشىق ۇستاۋ، ءىرى ساندى مالىمەتتە جاڭالىق اشۋ، قولدانۋ سياقتى جاقتاردا جۇيەلى سىناق ورىستەتتى؛ جۇڭگو حالىقارالىق ءىرى ساندى مالىمەت كاسىبى كورمەسىن ۇزدىكسىز وتكىزىپ، دۇنيە ءجۇزىنىڭ الدىڭعى لەگىندەگى ءىرى ساندى مالىمەت عىلىم - تەحنيكاسى، ءونىمى، قولدانىس ۇلگىسىن شوعىرلاندىرىپ، «جاڭا جارىس جولىندا» جەتەكشى كاسىپتىڭ ەڭسە كوتەرۋىن قۇلشىنا جۇزەگە اسىردى. قازىر گۇيجوۋدىڭ ىسكە قوسقان جانە سالىنىپ جاتقان ءتۇيىندى ساندى مالىمەت ورتالىعى 25 كە جەتتى، مۇنىڭ ىشىندە ەرەكشە ءىرى ساندى مالىمەت ورتالىعى 11 بولىپ، جۇڭگونىڭ وڭتۇستىك ساندى مالىمەت ورتالىعىنىڭ ۇلگى بازاسىنا، سونداي - اق دۇنيە ءجۇزى بويىنشا ەرەكشە ءىرى ساندى مالىمەت ورتالىعى ەڭ كوپ شوعىرلانعان رايونداردىڭ بىرىنە اينالدى.
گۇيياڭ قالاسى مەملەكەتتىك جوعارى، جاڭا تەحنيكا اشۋ رايونىنداعى گۇيجوۋ حانكايسى زەردەلى تەحنيكا شەكتى سەرىكتەستىگىنىڭ زاۆود رايونىندا، ءپىشىنى وزگەشە شوفەرسىز مينبوس يكەمدى ءجۇرىپ جاتتى. «گۇيجوۋدىڭ ءىرى ساندى مالىمەت كاسىبىنىڭ كومەسكى كۇشى زور، جوعارعى، تومەنگى اعارداعى كاسىپ تىزبەگى كاسىپورىنداردىڭ دامۋىنا تاماشا نەگىز قالادى» دەدى سەرىكتەستىكتىڭ قۇرۋشىسى يۇي چۋان.
«جاڭا دامۋ جاعدايىن قالىپتاستىرۋدى كوزدە ۇستاپ، ءىرى ساندى مالىمەت پەن ناقتى ەكونوميكانىڭ ىشكەرىلەي توعىسۋىن ىلگەرىلەتۋ كەرەك». 2021 – جىلى 2 - ايدا باس شۋجي شي جينپيڭ گۇيجوۋعا تاعى دا بارىپ تەكسەرۋ – زەرتتەۋ جۇرگىزگەندە سيفرلى ەكونوميكا ستراتەگياسىن قايتالاي تىلگە تيەك ەتتى.
قولايلى جاعدايدان ۇتىمدى پايدالانىپ قايتادان جولعا شىقتى. گۇيجوۋ ولكەسى ءىرى ساندى مالىمەت ابزالدىعىنا سۇيەنىپ، سان - سيفردى كاسىپ سالالاندىرۋدى، كاسىپ سالاسىن سيفرلاندىرۋدى كۇش سالا ىلگەرىلەتىپ، «مىڭ كاسىپورىندى جاڭالاۋ»، «10 مىڭ كاسىپورىندى توعىستىرۋ» سياقتى ارەكەتتەر ارقىلى ءىرى ساندى مالىمەت پەن ناقتى ەكونوميكانىڭ ىشكەرىلەي توعىسۋىن ىشكەرىلەي ىلگەرىلەتىپ، 8 مىڭ 485 كاسىپورىندى توعىستىرىپ، 23 مىڭنان استام كاسىپورىندى بۇلتتىق جۇيەگە ەنگىزدى. 2021 - جىلى گۇيجوۋدىڭ سيفرلى ەكونوميكاسىنىڭ ارتقان قۇنى 650 ميلليارد يۋاننان اسىپ، وڭىرلىك ءوندىرىستىڭ جالپى ءونىم قۇنىنداعى سالىستىرماسى %34 كە جەتىپ، ارتۋ قارقىنى بۇكىل ەل بويىنشا الدىڭعى قاتارعا ءوتتى.
بيىل 1 - ايدا «گۇيجوۋدىڭ جاڭا داۋىردەگى باتىس بولەكتى قاۋىرت اشۋدا جاڭا جول اشۋىن قولداۋ جونىندەگى پىكىردە» گۇيجوۋدىڭ «سيفرلى ەكونوميكانى دامىتۋدا جاڭالىق جاراتۋ رايونى» ستراتەگيالىق ورنى ايقىندالدى. گۇيجوۋ جاڭا ورايدى مىقتى يگەرىپ، «14 - بەسجىلدىقتىڭ» سوڭىندا ءىرى ساندى مالىمەت ەلەكترون - ينفورماتسيا كاسىبىنىڭ جالپى ءونىم قۇنىن 350 ميلليارد يۋاننان اسىرىپ، سيفرلى ەكونوميكانىڭ ارتقان قۇنىنىڭ وڭىرلىك ءوندىرىس جالپى ءونىم قۇنىنداعى سالىستىرماسىن %50 اينالاسىنا جەتكىزۋدى ورتاعا قويدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
