بازارعا ويسقان اۋىل جەلەكتىلەرى

2013.05.23 16:16   كەلۋ قاينارى : حالىق تورابى

　　سەرىك يمانقان ۇلى حابارلايدى. ميحۋا بايجگىت قىزى بۋرىلتوعاي اۋدانى قاراماعاي اۋىلى سارتال قىستاعىنىڭ تۇرعىنى. ورتالاۋ مەكتەپتى ءبىتىرىپ، جوعارلاپ وقۋ ورايىنا يە بولا الماعان ميحۋا وتباسى وشاق قاسىندا وتىرا بەرۋدى ءجون كورمەي، ءوز كۇشىنە سۇيەنىپ، اۋىل ورتالىعىنان شاعىن دۇكەن اشىپ، شەشەسىنەن ۇيرەنگەن قولونەرىن دامىتىپ، وتباسى اۋقاتىن جاقسارتۋعا بەكىدى. ول وسى كەستەشىلىك ونەرىن ونان ارمان ۇشتاي ءتۇسۋ ءۇشىن باسقالاردىڭ بۇيىرعان ءتۇس كيىز، اتتىڭ كەجىمى، سىرماق، دوڭگەلەك سىرماق، ءتور كورپە قاتارلى قولونەر بۇيىمدارىن ۋاعىندا تاپسىرىسپەن تىگىپ وتىرعان. بىلتىر قاراشا ايىنان باستاپ شاعىن ءتۇرلى بۇيىمدار دۇكەنىن اشىپ، ءوز قولىمەن تىككەن قازاقى قولونەر بۇيىمدارىن بازارعا سالىپ، جاپالى ەڭبەگىنىڭ ارقاسىندا ەڭبەگىنىڭ ءتاتتى جەمىسىن تاتىپتى، بۇل كۇندەرى ميحۋانىڭ شاعىن دۇكەنىنە بارا قالساڭىز كوزدىڭ جاۋىن الاتىن ءتۇرلى-تۇستەگى قولونەر بۇيىمدارى، ۇلتتىق ۇلگىدەگى كيىم-كەشەك، ىدىس-اياقتار قاجەتىڭنەن تابىلادى. ونىڭ ايتۋىنشا ساۋداسىنىڭ كۇن سايىن جاقسارىپ، الارمانداردىڭ قاتارى دا مولايىپتى، ال-اۋقاتتارى دا وتكەن كۇندەگىمەن سالسترعاندا جاقسارعان. «ەڭبەگى باردىڭ، ونبەگى بار» دەگەندەي تۇگەمەس وتباسى شارۋاسىن تىندىرىپ قالماستان، قولى بوساعاندا كەستەشىلىك ونەرىن ىسكە قوسىپ، كيگىز ءۇيدىڭ ءىشىن جوبالاۋ، ويۋ-ورنەك سىزۋ قاتارلى كوز مايىن تاۋساتىن قيىن شارۋانى تاباندىلىقپەن جالعاسترىپ، وتباسى كىرىسىن جاقسارتتى. قازىر ايلىق كىرىسى 1500 يۋان اينالاسىندا ەكەن، ءيلايىم قولى ونەرلى جەلەكتىلەردىڭ كۇندەرى نۇرلى، تابستارى مول بولۋىنا تىلەكتەستىك بىلدىرەمىز. سۋرەتتە: ميحۋانىڭ دۇكەنىندەگى قولونەر بۇيىمدارى

　　كەلۋ قاينارى: حالىق تورابى