جىبەك جولى بويىنداعى مادەنيەت وشاقتارى

2014.01.06 14:36   كەلۋ قاينارى : حالىق تورابى

　　وزبەكستاننىڭ سامارحان وبلىسى مەن جۇڭگونىڭ شانشي ولكەسى جاقىندا، سامارحان وبلىسىنىڭ ورتالىعى سامارحان قالاسىندا، ولكەلىك – وبلىستىق دوستىق قارىم – قاتىناس جادىناماسىنا قول قويىسىپ، ەكى جاق بىرلىكتە ەكونوميكا، ساۋدا، عىلىم – تەحنيكا، وقۋ –اعارتۋ، مادەنيەت، ساياحات جانە تاريحي ەسكەرتكىشتەردى قورعاۋ مەن زەرتتەۋ جاعىنداعى ناقتى ىستەردى ىستەۋدەگى سەلبەستىكتى كۇشەيتپەكشى بولدى. سامارحان وبلىسى وزبەكستاننىڭ ورتا بولىگىندە بولىپ، جالپى جەر اۋدانى 16 مىڭ 400 شارشى كيلومەتر، جان سانى مولشەرمەن 3 ميلليون. بۇكىل وبلىس توتە قاراستى 14 رايون مەن 4 قالادان قۇرالعان. سامارحان قالاسى وزبەكستاننىڭ ەكىنشى ۇلكەن قالاسى، وزبەكستانداعى ايگىلى ساياحات قالالارىنىڭ ءبىرى، 2500 جىلدىق تاريحقا يە، تاريحتا ورتا ازيا وڭىرىندەگى ساياسي، ەكونوميكا، مادەنيەت ورتالىعى بولىپ، جىبەك جولى بويىنداعى بايىرعى مادەنيەت وشاقتارىنىڭ ءبىرى.

　　كەلۋ قاينارى: حالىق تورابى