ەلىمىز مۇسادىرالانعان 1. 6 توننا ءپىل ءتىسىن تۇڭعىش رەت جاريا ورتەدى

ەندىگارى ءپىل ءتىسىن زاڭسىز ساۋدالاۋعا جول بەرمەۋ كەرەك! (تەرەڭ تولعانىس)

ءتىلشىمىز پان شاۋجۇن حابارلايدى

2014.01.07 14:55   كەلۋ قاينارى : حالىق تورابى

　　6 – قاڭتاردا ءتىلشى قيمىل الاڭىنان قىزمەتكەرلەردىڭ ۇساقتاۋ ءپىل ءتىسى شيكىزاتى مەن ودان جاسالعان بۇيىمداردى تىكەلەي اسپاپقا سالىپ ۇساتىپ جاتقانىن، ىرىلەرىن الدىمەن ارامەن ۇساقتاپ، ونان سوڭ ۇساتقىشقا سالىپ ۇنتاقتاپ جاتقانىن كوردى.

　　تانىستىرۋعا قاراعاندا، وسى رەتكى جاريا ورتەلگەن 6.1 توننا كەلەتىن ءپىل ءتىسىن جۇڭگو كەدەن مەكەمەسى مەن ورمان قوعام حاۋىپسىزدىك مەكەمەسى جابايى حايۋانتتاردى اتكەزشىلىك ەتۋ، زاڭسىز ساۋدالاۋ ارەكەتتەرىنە سوققى بەرەتىن زاڭ اتقارۋ قيمىلى بارىسىندا ءمۇسادىرالاعان. وسى جولى ورتەلگەن ءپىل ءتىسى شيكىزاتى مەن ودان وڭدەلگەن بۇيىمداردىڭ قۇنى 200 ميلليون يۋانعا جەتكەن. ءپىل ءتىسىنىڭ ورتەلگەننەن كەيىنگى ۇنتاقتارىنىڭ ءبىر ءبولىمى ساقتاندىرۋ تاربيەسى كورمەسى مەن الەۋمەتتىك مۇراجايلاردىڭ الەۋمەتتىك تاربيەسىنە پايدالانۋعا بەرىلەدى، قالعان بولەگى ءبىر تۇتاس ساقتاۋعا الىنادى ەكەن.

　　ءتىلشىنىڭ ۇعىسۋىنا قاراعاندا، بۇل ەلىمىزدىڭ زاڭ اتقارۋ بارىسندا ءمۇسادىرالانعان ءپىل ءتىسى ونىمدەرىن تۇڭعىش رەت اشىق ورتەۋى بولىپ، ونىڭ ماقساتى ەلىمىز ۇكىمەتىنىڭ جابايى حايۋاناتتاردى قورعاۋداعى بەرىك مايدانى مەن ايقىن پوزيتسياسىن ايگىلەپ، جالپى قاۋىمعا جابايى حايۋاناتتاردى قورعاۋ تانىمىن ورناتۋعا ۇندەپ، جابايى حايۋاناتتاردى زاڭسىز استىرتىن اۋلايتىن، اتكەزشىلىك ەتەتىن، ساۋدالايتىن قىلمىستىلاردى سەسكەندىرۋ ەكەن.

　　كەدەن باس مەكەمەسىنىڭ ورىنباسار باستىعى لۇي بين بىلاي دەدى: جۇڭگوداعى cites تىڭ (قۇرىپ جوعالۋعا بەت العان جابايى حايۋاناتتار مەن وسىمدىكتەر جونىندەگى حالىقارالىق ساۋدا شارتى) زاڭ اتقارۋدى سايكەستىرۋ گرۋپپاسىنا مۇشە ورىن بولعان جۇڭگونىڭ كەدەن مەكەمەسى شارتتى اتقارۋدى باسقارۋشى قۇرىلىمدارمەن جانە قاتىستى تاراۋلارمەن سەيكەسۋ مەن سەلبەستىكتى ۇزدىكسىز كۇشەيتەدى، بىرلەسىپ زاڭ اتقارۋداعى شەكارا اتتاعان سەلبەستىكتى كۇشەيتەدى، سوڭعى جىلداردان بەرى «جولبارىس قيمىلى»، «ادام ءتارىزدى مايمىل زاڭ اتقارۋ قيمىلى»، «كوزىلدىرىكتى جىلان قيمىلى» سەكىلدى قۇرىپ جوعالۋعا بەت العان حايۋاناتتاردى اتكەزشىلىك ەتۋگە سوققى بەرۋدىڭ ءبىرقىدىرۋ ارناۋلى قيمىلىن ورىستەتتى جانە وعان قاتىناسىپ كەلدى. ساناققا نەگىزدەلگەندە، سوڭعى 10 جىلدان بەرى، بۇكىل ەلدەگى كەدەن مەكەمەلەرى قۇرىپ جوعالۋعا بەت العان حايۋاناتتاردى اتكەزشىلىك ەتەتىن قىلمىستىق ىستەر دەلوسىنان 930 دەلوعا دەلو تۇرعىزعان جانە ولاردى ءبىر جاقتىلى ەتكەن، قىلمىس كۇماندىلارىنان 1395 ادامدى قولعا العان جانە ولاردىڭ ۇستىنەن شاعىم ايتقان.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى