اپتا ارقاۋى: شي جينپيڭ، لي كىچياڭ، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋليلار ساياسي كەڭەس مەملەكەتتىك 12 - كەزەكتى كوميتەتىنىڭ 2 - ماجىلىسىنە قاتىناسقان مۇشەلەرگە جەكە - جەكە امانداسا باردى ءارى ولاردىڭ تالقىسىنا قاتىناستى

2014.03.07 15:36   كەلۋ قاينارى : حالىق تورابى

　　سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساياسي كەڭەس مەملەكەتتىك 12 - كەزەكتى كوميتەتىنىڭ 2 - ماجىلىسىنە قاتىناسقان از ۇلت سالاسىنداعى مۇشەلەرگە امانداسا باردى، سونداي –اق بىرىككەن گرۋپپا تالقىسىنا قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي ءماسليحات كەڭەسىنىڭ ءتوراعاسى يۇي جىڭشىڭ امانداسۋدا بىرگە بولدى جانە تالقىعا قاتىناستى. شينحۋا اگەنتتىگىنىڭ ءتىلشىسى ديڭ لين فوتوسى

　　شينحۋا اگەنتتىگىنىڭ 4 - ناۋرىزدا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي ءماسليحات كەڭەسىنىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋليلار 4 - ناۋرىزدا ساياسي كەڭەس مەملەكەتتىك 12 - كەزەكتى كوميتەتىنىڭ 2 - ماجىلىسىنە قاتىناسقان مۇشەلەرگە جەكە - جەكە امانداسا باردى جانە گرۋپپالار تالقىسىنا قاتىناسىپ، كوپشىلىكپەن بىرلىكتە مەملەكەت ءىسى جونىندە كەڭەستى.

　　4 - ناۋرىز تۇستەن كەيىن شي جينپيڭ از ۇلت سالاسىنداعى مۇشەلەردىڭ بىرىككەن گرۋپپا جينالىسىنا قاتىناستى. بىرىككەن گرۋپپا جينالىسىندا، جيميڭنانجيا، ءانۋار. يمىن، ۋ ىن، اشىلاۋگۇي، چۋان جىنزى، ما حۋچىڭ قاتارلى مۇشەلەر ۇلتتاردىڭ ۇلى ىنتىماعىن كۇشەيتۋ، ۇلتتىق رايونداردىڭ ەكونوميكالىق، قوعامدىق دامۋىن جەدەلدەتۋ سىندى ماسەلەلەر توڭىرەگىندە اقتارىلا ءسوز سويلەدى. شي جينپيڭ كوپشىلىكتىڭ ءسوزىن مۇقيات تىڭداپ، ارەدىك احۋال ۇعىسىپ، مۇشەلەرمەن بىرگە تالقىدا بولدى. شي جينپيڭ سوزىندە مىنانى اتاپ كورسەتتى: ەلىمىز بىرلىككە كەلگەن، كوپ ۇلتتى ەل بولعاندىقتان، ۇلت قىزمەتى جالپى جاعدايعا تىعىز قاتىستى. جۇڭگوشا سوتسياليزم جولىنا تاباندى بولۋ جاڭا جاعدايداعى ۇلت قىزمەتىن ويداعىداي ىستەۋدە ءسوزسىز، مىقتى مەڭگەرۋگە ءتيىستى دۇرىس ساياسي باعدار بولىپ تابىلادى. پارتيانىڭ ۇلت ساياساتىن جاپپاي دايەكتى تياناقتاندىرىپ، ۇلتتىق تەرريتوريالى اۆتونوميالى تۇزىمىنە تاباندى بولىپ جانە ونى كەمەلدەندىرىپ، ءار ۇلت حالقىنىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگوشا سوتسياليزم جولى جونىندەگى تانىمىن ۇزدىكسىز ارتتىرىپ، ۇلتتار ىنتىماعىن، قوعامنىڭ ورنىقتىلىعىن، مەملەكەتتىڭ بىرلىگىن ويداعىداي قورعاۋ كەرەك. شارت - جاعدايلاردى بەلسەنە جاراتىپ، از ۇلتتار مەن ۇلتتىق رايونداردىڭ ەكونوميكالىق، قوعامدىق دامۋىن ءتۇرلى تاسىلدەرمەن تەزدەتىپ، ۇلتتىق رايوندارداعى بۇقاراعا ۇزدىكسىز ناقتىلى يگىلىكتەر جەتكىزۋ كەرەك. ىنتىماقتىلىق پەن ورنىقتىلىق قۇت اكەلەدى، بولشەكتەۋشىلىك پەن بۇلىنشىلىك زارداپ تۋدىرادى. ۇلتتاردىڭ بىرلىكتە ىنتىماقتاسا وتىرىپ شايقاس جۇرگىزۋى مەن بىرلىكتە كوركەيىپ –گۇلدەنۋى سىندى باس تاقىرىپقا تاباندى بولىپ، ۇلتتار ىنتىماعى ۇگىت تاربيەسىن ىشكەرىلەي ەتەك الدىرىپ، ۇلتتاردىڭ تىنىستاس، تاعدىرلاس، تىلەكتەس بولۋى سىندى داڭىقتى ءداستۇردىڭ ۇرپاقتان - ۇرپاققا جالعاسۋىنا مۇمكىندىك جاساۋ كەرەك. بۇكىل ەلدەگى ءار ۇلت حالقى ۇلتتاردىڭ زور ىنتىماعى سىندى ساياسي جاعدايدى قاستەرلەپ، ۇلتتاردىڭ ىنتىماعىنا زالال جەتكىزەتىن ءارقانداي ءسوز - ارەكەتتەرگە باتىل قارسى تۇرۋى كەرەك. زورلىقتى كۇش لاڭكەستىك قيمىلدارىن زاڭ بويىنشا قاتاڭ جازالاپ جانە وعان سوققى بەرىپ، ۇلتتار ىنتىماعىنىڭ، قوعام ورنىقتىلىعىنىڭ، مەملەكەتتى بىرلىككە كەلتىرۋدىڭ قۇرىش قورعانىن بەكەمدەۋ كەرەك. شي جينپيڭ از ۇلت سالاسىنداعى مۇشەلەردەن تەكسەرۋ - زەرتتەۋدى كۇشەيتىپ، جاڭا جاعدايداعى ۇلت قىزمەتىن ويداعىداي ىستەۋ ءۇشىن قولعانات جانە شەشىم جاساۋعا اقىل – كەڭەس بەرۋ رولىن ساۋلەلەندىرۋلەرىن ءۇمىت ەتتى. يۇي جىڭشىڭ بىرىككەن گرۋپپا جينالىسىنا بىرگە قاتىناستى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى