ۋكراينا اسكەرلەرى توپ – توبىمەن تەڭىز ارمياسىنىڭ باس شتابىنان شەگىنىپ شىقتى

ۋكراينا تەڭىز ارمياسىنىڭ قولباسشىسى قولعا الىندى

2014.03.20 14:54   كەلۋ قاينارى : حالىق تورابى

　　جەرگىلىكتى ۋاقىت 2014 – جىلى 19 – ناۋرىزدا قىرىمنىڭ سەۆاستوپول قالاسىندا رەسەيدى جاقتاۋشى قارۋلى كۇشتەر ۋكراينا تەڭىز ارميا بازاسىنىڭ تەمىر قاقپاسىن بۇزۋدا. ۇعىسۋعا قاراعاندا، رەسەيدى جاقتاۋشى قارۋلى كۇشتەر سول كۇنى وسى جەردەگى اسكەري بازانى باسىپ العان ءارى بازانىڭ قولباسشىسىن قولعا العان. ۋكراينا تەڭىز ارمياسىنىڭ مالىمدەمەشىسى: سەۆاستوپول پورتىنداعى ۋكراينا تەڭىز ارمياسىنىڭ باس شتابىن رەسەيدى جاقتاۋشى كۇشتەر باسىپ الدى، ەكى جاقتا ەشقانداي قارۋلى قاقتىعىس بولعان جوق، 200دىڭ اينالاسىنداعى رەسەيدى جاقتاۋشى قارۋلى كۇش ۋكراينا تەڭىز ارمياسىنىڭ باس شتابىنا باسىپ كىردى، ولاردىڭ كەيبىرەۋى باس قاپ كيىپ الىپتى، قارۋ الماعاندارى دا بار ەكەن، ۋكراينانىڭ اسكەري مانساپتىلارى عيماراتتىڭ ىشىنە بارىپ تىعىلدى، - دەدى.

　　رەسەي اقپارات تورابىنىڭ 19 – ناۋرىزدا قىرىم حابار اگەنتتىگىنەن العان حابارىنا قاراعاندا، سەۆاستوپول پروكۋراتۋرا مەكەمەسى مالىمدەمە جاريالاپ، ۋكراينا تەڭىز ارمياسىنىڭ قولباسشىسى سەرگەي گۋەدوك قولعا الىندى دەدى.

　　پروكۋراتۋرا جاق «كەيبىر ماسەلەلەر جونىندە سۇراق سۇرايتىندىقتان، گۋەدوكتى پروكۋراتۋرا ۋاقتىلى قاماي تۇرادى»،- دەدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى