ۋكراينانىڭ شىعىس بولەگىندەگى نارازىلىق بىلدىرۋشىلەر كيەۆ ۇكىمەتىنىڭ ەڭ سوڭعى كەسەتپەسىنە پىسقىرىپ تا قارامادى

2014.04.15 13:28   كەلۋ قاينارى : حالىق تورابى

　　رەسەي مەديالارىنىڭ 14 - ساۋىردەگى حابارىنا قاراعاندا، ۋكراينانىڭ شىعىس بولەگىندەگى فەدەراتسيالاسۋدى قولدايتىندار كيەۆ ۇكىمەتىنىڭ ەڭ سوڭعى كەسەتپەسىنە اڭىس بىلدىرمەدى. كەسەتپەدە جەرگىلىكتى ۋاقىت 14 - ءساۋىر ساعات 9دان بۇرىن فەدەراتسيالاسۋدى قولدايتىنداردىڭ وزدەرى باسىپ العان ءارقايسى رايونداردىڭ ۇكىمەت بيناسىنان كەتۋى تالاپ ەتىلگەن.

　　حابارعا قاراعاندا، جەرگىلىكتى ۋاقىت 14 - ساۋىر تاڭەرتەڭگى ۋاقىتقا دەيىن، سلاۆيانسكيدەگى نارازىلىق بىلدىرۋشىلەر قالا ىشىنە جانە ساقشى بولىمشە مەكەمەلەرىنىڭ ماڭايىنا باراتىن كوشەلەردىڭ قورعانىسىن كۇشەيتكەن. 14 - ءساۋىر دۇيسەنبى بولىپ، قىزمەت كۇنى باستالعانىمەن، ادامدار ۇيگە قايتۋدى ويلاسپاي، كەرىسىنشە ۇكىمەت عيماراتىنا قاراي ۇزدىكسىز اعىلدى.

　　ءبىر بەلسەندى ەلەمەنت رەسەي اقپارات اگەنتتىگىنە: «ءبىز كيەۆ ۇكىمەتىنىڭ تالابىنا اڭىس قايتارمايمىز، ءبىزدىڭ قاراۋىمىزشا بۇل تالاپ ارانداتۋشىلىق»، - دەدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى