ەلىمىزدىڭ قايتا ورالاتىن ۇشۋ اسپابى اي مەن جەردى بىرگە تۇنىق سۋرەتكە ءتۇسىردى

2014.10.29 16:17   كەلۋ قاينارى : حالىق تورابى

　　حالىق تورابى، 28 – قازان، بەيجيڭ. ءتىلشىنىڭ مەملەكەت قورعانىسى عىلىم – تەحنيكا ونەركاسىپ مەكەمەسىنەن ۇعىسۋىنشا، ەلىمىزدىڭ ايدى بارلاۋ ينجەنەرياسىنىڭ 3 – مەرزىمىنە جاتاتىن قايتا ورالاتىن ۇشۋ اسپابى بەيجيڭ ۋاقىتى بويىنشا 28 – قازان ساعات 19دان 40 مينۋت وتكەندە ايدىڭ جەر شارىنا جاقىن جاعىنان بۇرىلا ۇشىپ، اي شارىنىڭ تارتىلىس كۇشىنەن الىستاپ، جەر شارىنىڭ وربيتاسىنا ەندى، شامامەن 1 – قاراشادا جەر شارىنا ورالادى.

　　27 – قازان ساعات 11دەن 30 مينۋت وتكەندە، قايتا ورالاتىن ۇشۋ اسپابى اي شارىنان 60 مىڭ كيلومەتر قاشىقتىققا جەتىپ، اي شارىنىڭ تارتىلىس كۇشى اۋماعىنا ەنىپ، اي شارىنىڭ ماڭىندا اينالا ۇشۋدى باستادى. 28 – قازان كۇنى تاڭ ءسارى ساعات 3تە تاجىريبە اسپابى اي شارىنىڭ بەتىنەن 12 مىڭ كيلومەتر قاشىقتىقتاعى جاقىن نۇكتەگە جەتتى. ىلە – شالا، بەيجيڭ عارىشقا ۇشۋدى مەڭگەرۋ ورتالىعىنىڭ مەڭگەرۋىندە، ۇشۋ اسپابىنىڭ جۇيەسى كوپ فوتواپپاراتتاردى ىسكە قوسىپ، اي شارى مەن جەر شارىن كوپ رەت سۋرەتكە ءتۇسىرىپ، اي شارى مەن جەر شارىنىڭ بىرگە تۇسىرىلگەن تۇنىق سۋرەتتەرىن جولدادى.

　　كەلۋ قاينارى: حالىق تورابى