گۋتيان ءماجىلىسى شۇعىلاسىنىڭ باستاۋىندا ۇزدىكسىز العا باسايىق

2014.11.06 15:29   كەلۋ قاينارى : حالىق تورابى

　　31 - قازان تۇستە، شي جينپيڭ نەگىزگى ساتىدان كەلگەن ۋاكىلدەرمەن بىرگە تاماقتانىپ، «قىزىل ارميا تاماعىن» جەدى. شينحۋا اگەنتتىگىنىڭ ءتىلشىسى لي گاڭ فوتوسى

　　بۇل حالىقتىق ارميانىڭ تاريحىنداعى ەستە ساقتاۋعا ءتيىستى ءبىر بەت

　　2014 - جىلى 31 - قازاندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ فۋجيان ولكەسى شاڭحاڭ اۋدانى گۋتيان قالاشىعىنا ارنايى كەلىپ، وسى ارادا اشىلىپ جاتقان بۇكىل ارميانىڭ ساياسي قىزمەت ماجىلىسىنە قاتىناستى.

　　وسىدان 85 جىلدىڭ الدىندا، توڭكەرىستىڭ بەسىگى بولعان گۋتياندا ماۋ زىدۇڭ جولداستىڭ ايگىلى گۋتيان ءماجىلىسىن باسقارىپ اشىپ، يدەيالىق پارتيا، ساياسي ارميا قۇرۋدىڭ شۇعىلالى جولىن قاراستىرعانى، وسىدان باستاپ جاڭاشا حالىقتىق ارميانىڭ دامۋ، ەسەيۋ سىندى تاريحي ساپارعا قادام باسقانى تاريح بەتىنەن وشپەيدى.

　　شي جينپيڭ جولداس ورتالىق اسكەري ىستەر كوميتەتىنىڭ جالپى مۇشەلەرى مەن ءماجىلىس ۋاكىلدەرىن باستاپ بىرلىكتە پارتيامىز بەن ارميامىزدىڭ شۇعىلالى تاريحى مەن تاماشا ءداستۇرىن ەسكە الىپ، يدەيالىق جاقتا شابىت الىپ، رۋحاني جاقتا شىڭدالىپ، جاڭا جاعدايداعى ارميانىڭ ساياسي قىزمەتىن جاسامپازدىقپەن دامىتۋدىڭ جاڭا جاعدايىن جاراتۋعا باستاماشىلىق ەتتى.

　　شي جينپيڭ گۋتياندا بۇكىل ارميانىڭ ساياسي قىزمەت ءماجىلىسىن اشىپ، جاڭا تاريحي جاعدايداعى پارتيانىڭ يدەيا، ساياسي جاقتا ارميانى كوركەيتۋى سىندى كەلەلى ماسەلەنى زەرتتەپ شەشۋدى ءوزى ۇسىنىس ەتتى. 31 - قازان تۇستەن كەيىن، شي جينپيڭ بۇكىل ارميانىڭ ساياسي قىزمەت ماجىلىسىندە ماڭىزدى ءسوز سويلەدى.

　　شي جينپيڭنىڭ گۋتيانداعى ساپارى ارميانىڭ ساياسي قىزمەتىنىڭ داۋىرلىك باعىتىن ايقىندادى، مۇنىڭ بۇكىل ارمياداعى قولباسىلار مەن جاۋىنگەرلەردىڭ ساياسي قىزمەتتى كۇشەيتۋ جانە جاقسارتۋ جونىندەگى سەنىمى مەن كۇش - قۋاتىن ارتتىراتىندىعى داۋسىز.

　　گۋتيان ءماجىلىسى ماڭگى شۇعىلا شاشادى. ارميانى قۇدىرەتتەندىرۋ، كوركەيتۋدىڭ ۇلى ساپارىندا حالىقتىق ارميا گۋتيان ءماجىلىسىنىڭ شۇعىلاسىندا ۇزدىكسىز العا باسادى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى