جوعالعان ۇشاقتىڭ قارا قوبديشاسىنىڭ بىرەۋى ءسۇزىپ الىندى

2015.01.13 14:47   كەلۋ قاينارى : حالىق تورابى

　　سۋرەتتە: يندونەزيا اسكەرلەرى مەن ساقشىلارى ءسۇزىپ الىنعان قارا قوبديشانى جوتكەۋدە.

　　يندونەزيا ىزدەۋ – قۇتقارۋ تاراۋىنىڭ 12 – قاڭتاردا حابارلاۋىنشا، ازيا اۆياتسيا سەرىكتىگىنىڭ شىرعالاڭعا ۇشىراعان ۇشاعىنىڭ قارا قوبديشاسى ءسۇزىپ الىنعان، بۇل جولى ءسۇزىپ العان قارا قوبديشا ۇشاقتاعى ەكى قوبديشانىڭ ءبىرى، وندا ۇشۋعا قاتىستى ساندى مالىمەتتەر ەستەلىككە الىنعان.

　　قارا قوبديشا ــ ۇشاقتا پايدالانىلاتىن ەلەكتروندىق ەستەلىككە الۋ اسپابى، ەكى قارا قوبديشانىڭ بىرەۋى ۇشاقتىڭ ۇشۋ بيىكتىگى، قارقىنى، باعىتى قاتارلى ساندى مالىمەتتەرى ەستەلىككە السا، ەندى بىرەۋى ۇشقىشتار بولمەسىندەگى داۋىستاردى ەستەلىككە الادى.

　　بىلتىر 28 – جەلتوقساندا ازيا اۆياتسياسىنىڭ يندونەزيانىڭ سۇرابايا قالاسىنان سينگاپۋرعا ۇشقان QZ8501 كەزەكتى جولاۋشىلار ۇشاعى يندونەزيانىڭ ياۆا تەڭىز الابىندا قۇلاعان، ۇشاقتا 162 ادام بار بولاتىن. قازىرگە دەيىن تەك 48 ادامنىڭ سۇيەگى ءسۇزىپ الىندى. شينحۋا اگەنتتىگى

　　كەلۋ قاينارى: حالىق تورابى