ارال اۋىلدىعى 3- كەزەكتى «ۇلتتار ىنتىماعى لوڭقاسى» اتىنداعى فوتبول جارىسىن جانە بۇقارالىق دەنە-تاربيە قيمىلىن وزدىردى

2015.01.28 14:26   كەلۋ قاينارى : حالىق تورابى

　　ەرىكتى ءتىلشى ارنا ءجانادىل قىزى حابارلايدى. ‎ءار ۇلت حالىق بۇقارالارىنىڭ مادەنيەت تۇرمىسىن ۇزدىكسىز بايتىپ، دەنە تاربيە ساپاسىن جوعارلاتىپ، وركەنيەتكە دەگەن قىزعىندىلىعىن ارتتىرۋ ءۇشىن، قاڭتاردىڭ 26- كۇنى شىڭگىل اۋداندىق ارال اۋىلدىعى 3- كەزەكتى «ۇلتتار ىنتىماعى لوڭقاسى» اتىنداعى فوتبول جارىسىن جانە بۇقارالىق دەنە-تاربيە قيمىلىن وزدىردى.

　　اۋىلدىققا قاراستى 14 اكىمشىلىق قىستاقتاعى ءار ۇلت حالىق بۇقاراسىنان ۇيىمداسقان كوماندا مۇشەلەرى، ارقان تارتۋ، اۋىرلىق كوتەرىپ جۇگىرۋ، اۋىرلىق سۇيرەۋ، پالۋان قاتارلى الۋان ءتۇرلى دەنە-تاربيە قيمىلدارىنا قاتىناسىپ، جارىس مايدانىن قىزدىرىپ، جۇلدەگەرلەر ماراپاتتالىپ اقشالاي سيلانسا، ەگىنشى- مالشىلاردىڭ 3- كەزەكتى «ۇلتتار ىنتىماعى لوڭقاسى» اتىنداعى قىستىق فوتبول جارىسىنىڭ باستالۋ مۇراسىمىن قاتار وتكىزىلىپ، جارىس مايدانى دۋمانعا بولەندى.

　　ۇعىسۋعا قاراعاندا، بۇل رەتكى قيمىلعا قاتناسقان 13 كوماندانىڭ فوتبول جارىسى، ءبىر اپتاعا جۋىق ۋاقىتپەن وتكىزىلمەكشى ەكەن. مىنە وسىنداي بۇقارالىق قيمىلعا، بەلسەندىلىكپەن قاتناسقان جالپى سپورتشىلار سانى 400 بولىپ، قىزعىندىلىق تانىتقان ەگىنشى- مالشى كورەرمەن سانى 350 دەن اسىپ، ءار ۇلت حالىق بۇقاراسىنا تاعى ءبىر باي مازمۇندى مادەني قيمىل باعىشتادى.

　　كەلۋ قاينارى: حالىق تورابى