نەگىزگى ساتىعا جىبەرىلگەن ەڭ سۇيىكتى 10 كادر سيلاندى

2015.02.04 13:36   كەلۋ قاينارى : حالىق تورابى

　　گۇلميرا داۋلەتبەك قىزى حابارلايدى. 2014 ـ جىلى اقپاندا، اۆتونوميالى رايوندىق پارتكومنىڭ ورنالاستىرۋى بويىنشا ايماق 3 جىلعا جالعاسقان «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىسترۋ» قيمىلىن باستاپ، نەگىزگى ساتىعا ءتۇسىپ، بۇقاراعا قىزمەت وتەۋگە كىرىسكەن ەدى.

　　ءبىر جىلدىق نەگىزگى ساتى قىزمەتىنە ارالاسقان كادرلار ءىس جۇزىندىك ارەكەتتەرى ارقىلى بۇقارانىڭ قينشىلىعىن شەشۋىنە كومەكتەستى، ولاردىڭ شىنايى ىزگى ىستەرى جالپى جۇرتتى اسەرلەندىرىپ، بارىمىزگە شابىت سيلادى. ايماق نەگىزگى ساتىعا جىبەرىلگەن ەڭ سۇيىكتى كادرلاردى باعالاۋ قىزمەتىن ەكى ايدان استام ۋاقىت جۇرگىزىپ، 90 مىڭنان استام ادام داۋىس بەرۋ ارقىلى ايماعىمىزداعى وتكەن جىلعى «نەگىزگى ساتىعا جىبەرىلگەن ەڭ سۇيىكتى 10 كادر» قاڭتاردىڭ 29- كۇنى باعالانىپ شىقتى.بۋىرشىن اۋداندىق ءتارتىپ تەكسەرۋ كوميتەتىنەن شۇڭقىر قالاشىق قاراكەمەر قىستاعىنا تۇسكەن كادر ءادىل جۇماباي ۇلى قاتارلى وتكەن جىلى نەگىزگى ساتىعا جىبەرىلگەن ەڭ سۇيىكتى 10 كادر بولىپ باعالاندى.

　　ماداقتاپ- سيلاۋ ماجىلىسىندە «نەگىزگى ساتىعا جىبەرىلگەن ەڭ سۇيىكتى 10 كادر» مەن «نەگىزگى ساتىعا جىبەرىلگەن ەڭ تاڭداۋلى 10 كادرعا» اتاق بەرىلىپ ماداقتالىپ- سيلانۋدان تىس، ايماققا قاراستى تاراۋلارمەن ورىنداردىڭ قىزمەتكەرلەرى وزدەرى دايىنداعان تارتىمدى نومىرلەرى ارقىلى نەگىزگى ساتىعا جىبەرىلگەن كادرلاردىڭ نەگىزگى ساتىداعى بۇقارامەن ەتەنە بولعان ناقتىلى ارەكەتتەرى بەينەلەندى.

　　«ەڭ سۇيىكتى 10 كادر» اتاعىنا يە بولعان ءادىل جۇماباي ۇلى بىلاي دەدى: «نەگىزگى ساتىعا بارعاننان كەيىن ارقالاعان مىندەتىمىزدىڭ اۋىر، جاۋاپكەرلىگىمىزدىڭ كۇشتى ەكەنىن شىنايى سەزىندىم. اسىرەسە، نەگىزگى ساتىداعى بۇقارامەن شىنايى ارالاسۋ بارىسىندا ولاردان كوپ تاجىريبەلەر قورىتىندىلادىم، اماليات بارىسىنداعى قورىتقان تاجىريبەلەرىمدى بۇدان كەيىنگى قىزمەت بارىسىنا ءسىڭىرىپ، ۇيىمنىڭ مۇددەسىنەن شىعۋعا كۇش سالامىن».

　　كەلۋ قاينارى: حالىق تورابى