كۇنەس اۋدانىندا دالا اۆتوكولىگى جارىسى ءوتتى

2015.04.15 13:58   كەلۋ قاينارى : حالىق تورابى

　　حالىق تورابى، 15 - ءساۋىر، بەيجيڭ. كۇنەس اۋداندىق حالىق ۇكىمەتىنىڭ قولداپ - قۋاتتاۋىندا، اۋىل-شارۋاشىلىق امانات قارىز كوپەراتيۆىنىڭ قارجىلاي كومەك كورسەتۋىمەن، كۇنەس اۋداندىق جىڭ قالاشىق ۇكىمەتى جاۋاپتى بولىپ، 2015- جىلى 13-ساۋىردە شاقپى اۋزىنداعى داشەن جازىعىندا جالپى ۇزىندىعى 2 كيلومەترگە تاياۋ كەلەتىن كوپ كەدەرگىلى مايداندا دالا اۆتوكولىگى جارىسى ءساتتى وتكىزىلدى.

　　بۇل كەدەرگى مايدانىندا شالشىقتى كەدەرگىلى، كوپ ويىقتى كەدەرگىلى جانە جاساندى شوقى مەن تەرەڭ جىرادان ءوتۋ قاتارلى جالپى 15 ءتۇرلى ۇقساماعان كەدەرگىلى جولدار جاسالعان. بۇل رەتكى جارىسقا جالپى 29 دالا جارىس اۆتوكولىگى قاتىناسىپ، الدىڭعى 6 اۆتوكولىك شەبەرىنە رەتى بويىنشا، 30 مىڭ، 10 مىڭ، 7 مىڭ، 5 مىڭ، 2 مىڭ، مىڭ يۋان اقشالاي سيلىق بەرىلدى.

　　بۇل رەتكى دالا ماشينا جارىسىنا قاتىناسقانداردىڭ ىشىندە بۇدان بۇرىندا بىرنەشە رەت جوعارى دارەجەلى دالا اۆتوكولىگى جارىسىنا قاتىناسىپ جۇرگەن ماشينا شەبەرلەرى بار بولىپ، ولار جارىس سوڭىندا كۇنەس اۋدانى داشەن جازىعىنداعى دالا اۆتوكولىك كەدەرگىلى جارىس مايدانىنىڭ ولشەمدى ەكەندىگىن اۋىزعا الىپ، بۇل جەردە بۇدان كەيىن دە كوپتەپ جارىس وتكىزىپ تۇرۋ كەرەك ەكەندىگىن ءبىر اۋىزدان قۇپتادى.

　　بۇل تۇردەگى جارىس كۇنەس اۋدانىندا تۇڭعىش رەت وتكىزىلگەن بولىپ، ماشينا اۋەسكەرلەرىمەن جالپى كورەرمەندەردىڭ قىزۋ القاۋىنا يە بولدى. ءارى ءار ۇلت حالقىنا ناق مايداندا رۋحاني ءلاززات باعىشتاۋمەن بىرگە اۋدانىمىزداعى وسى سپورت تۇرىندەگى بوستىقتى تولتىردى.

　　فوتو سۋرەتتەرىن ءتۇسىرىپ حابارىن جازعان: ەرنۇر ماناپقان ۇلى

　　كەلۋ قاينارى: حالىق تورابى