- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو ساياسي – زاڭ ۋنيۆەرسيتەتىنىڭ ستۋدەنتتەرى قازاق تىلىندە ەلىكتەمەلى سوت وتكىزدى
2015.04.14 14:26 كەلۋ قاينارى : حالىق تورابى
حالىق تورابى، 14 – ءساۋىر، بەيجيڭ. (نۇرعيسا قۇرمانجان ۇلى) جۇڭگو ساياسي – زاڭ ۋنيۆەرسيتەتى تورابىنىڭ حابارلاۋىنشا، بەيجيڭ قالالىق 7 – كەزەكتى ستۋدەنتتەردىڭ ەلىكتەمەلى سوت باسەكەسىنىڭ قازاق تىلىندەگى ەلىكتەمەلى سوت قيمىلى 12 – ساۋىردە جۇڭگو ساياسي – زاڭ ۋنيۆەرسيتەتىندە وتكىزىلدى.
ەلىكتەمەلى سوتقا مەكتەپتىڭ قاتىستى باسشىلار مەن بەيجيڭدەگى قازاق قىزمەتكەرلەر، وقۋشىلار قاتىناستى. مەكتەپ وقۋشىلار ۇيىمى باستىعىنىڭ ورىنباسارى بۋ لۋجۇن ءسوز سويلەپ: مەكتەبىمىزدەگى قازاق وقۋشىلاردىڭ ۇيىمداستىرۋىندا، بۇدان بۇرىن 4 كەزەك ەلىكتەمەلى سوت قيمىلى ءساتتى وتكىزىلگەن، بۇل قيمىلدى ۇزدىكسىز جالعاستىرۋ، ونى تەك ساياسي – زاڭ ۋنيۆەرسيتەتىندە عانا ەمەس، بەيجيڭ كولەمىندە، ءتىپتى بۇكىل ەل كولەمىندە تانىمالى ەتۋگە قۇلشىنۋىمىز كەرەك، - دەدى.
ەلىكتەمەلى سوت باستالار الدىندا وقۋشىلار وزدەرى جاساعان بەينەباياندى قويىپ، الدىڭعى 4 كەزەكتى ەلىكتەمەلى سوت قيمىلىنداعى ۇمتىلماس ساتتەردى قايتادان ەسكە ءتۇسىردى. ەلىكتەمەلى سوتقا قاتىناسۋشىلار بەينەبايان ارقىلى قازاق تىلىندەگى ەلىكتەمەلى سوت قيمىلىنىڭ جوقتان بار بولىپ تولىسۋ بارىسىن كوز الدىلارىنا كەلتىرىپ، ءار كەزەكتى جارىسقا قاتىناسقان ستۋدەنتتەردىڭ جالىندى بەينەلەرىنە ءتانتى بولدى.
ەلىكتەمەلى سوتتىڭ بارلىق باسقىشتارى قازاق تىلىندە وتكىزىلىپ، سوت تەرگەۋى بارىسىندا، الەۋمەتتىك ايىپتاۋشى ءاربىر سۇراۋدى ەرەكشە مۇقياتتىلىقپەن ەگجەي – تەگجەيلى سۇرادى؛ سوت ايتىسى كەزەڭىندە ەكى جاق دالەل – فاكتپەن، ءتارتىپتى تۇردە تالاس – تارتىس وتكىزدى، ەلىكتەمەلى سوت باسەكەسىنە قاتىناسقان وقۋشىلار شىنىمەن دە سوت زالىندا وتىرعانداي بار نازارىن دەلوعا اۋدارىپ، ءسوز – ارەكەتتەرىنە ەرەكشە كوڭىل ءبولىپ، اسا بايسالدىلىق تانىتتى.
سوت اياقتاعان سوڭ، قۇرمەتتى قوناقتار تۇتاس قيمىلعا، سوت بارىسىنداعى ورنالاستىرۋلارعا، كاسىپتىك اتاۋ – تەرميندەرگە دەيىن وزدەرىنىڭ قۇندى ۇسىنىستارىن بەرىپ، وقۋشىلاردىڭ قۇلشىنىستارىن جوعارى باعالادى، كەلەسى جىلعى جارىستىڭ بۇدان دا تاماشا وتكىزىلەتىنىنە سەنىمدىلىكتەرىن ءبىلدىردى.
ەستەرىڭىزگە سالا كەتسەك، بۇل قيمىل وسىمەن 5 – رەت ۇيىمداستىرىلىپ وتىر، جىل سايىن وتكىزىلەتىن قيمىلدا كۇندىز ەلىكتەمەلى سوت باسەكەسى وتكىزىلسە، كەشتە وقۋشىلار وزدەرى دايىنداعان ويىن – ساۋىق نومەرلەرىن، ساحارا تۇرمىسىنا قاتىستى ساحنالىق قويىلىمداردى، ونىڭ ىشىندە قازاقتىڭ كونەدەن كەلە جاتقان داۋ – شارعا تورەلىك ايتۋ جۇيەسىن نەگىز ەتكەن قويىلىمداردى قويۋدى ادەتكە اينالدىرعان. بيىل دا وسى ءۇردىس جالعاسىن تاۋىپ، ونەرپاز ستۋدەنتتەر ۋنيۆەرسيتەت اۋلاسىن اسەم ءان، ءتاتتى كۇيگە بولەدى.
وسى ەلىكتەمەلى سوت تۋرالى بۇدان دا تولىق اقپاراتتارعا يە بولعىڭىز كەلسە، تومەندەگى ءادىرىستى باسىڭىز:
http://kazakh.people.com.cn/157404/309631/index.html
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
