- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىر ساعات زاريادتاپ 3 ~ 4 كۇن پايدالانۋعا بولاتىن قولفون باتەرياسى تاپقىرلاندى
2015.04.09 14:00
حالىق تورابى، 9 – ءساۋىر، بەيجيڭ. حالىق گازەتى ءتىلشىسىنىڭ حۋنان ۋنيۆەرسيتەتىنەن ۇعىسۋىنشا، جۋىردا حالىقارالىق ۇزدىك عىلمي جۋرنال ــ «تابيعات» جۋرنالىندا اتالعان ۋنيۆەرسيتەتىنىڭ فيزيكا جانە ميكرو ەلەكترونيكا ينيستيتۋتىنىڭ دوتسەنتى لۋ بيڭ – ان قاتارلىلار «ءبىرىنشى اۆتور» بولعان «تەز ارادا زاريادتاۋ – زارياتسىزداندىرۋعا بولاتىن الۋمينيۋم باتەريا» اتتى عىلمي ماقالا جاريالاندى. «تابيعات» جۋرنالىنىڭ باعالاۋىنشا، بۇل زەرتتەۋ ناتيجەسى زاريادتاۋعا بولاتىن الۋمين يوندى سۇيىق كۇيدەگى باتەريانى العاش رەت ىسكە اسىرعان، حالىقارالىق باتەريا ءوندىرىسى سالاسىنا توڭكەرىس سيپاتىندىق وزگەرىس اكەلۋى مۇمكىن. بۇل زەرتتەۋ ناتيجەسى ا ق ش – تا كوپ ءتۇرلى پاتەنت قورعاۋ ۇقىعىنا يە بولعان ءارى بىرنەشە ايگىلى كاسىپورىن بۇل پاتەنتتى ساتىپ الۋعا نيەت بىلدىرگەن.
لۋ بيڭ – ان ا ق ش ستانفورد ۋنيۆەرسيتەتى داي حۇڭجيە زەرتتەۋ گرۋپپاسىمەن سەلبەسە وتىرىپ، گرافيتتى وڭ پوليۋس ماتەريالى، تۇز ەرىتىندىسىمەن بارابار كەلەتىن يوندى ەرىتىندىنى ەلەكتروليت ەتىپ، الۋمينيۋم باتەريانى زەرتتەۋدەگى ماتەريال جاعىنداعى كۇردەلى ماسەلەنى شەشىم ەتكەن. زەرتتەۋ ناتيجەسىنە قاراعاندا، ءۇش كەسكىندى گرافيتتى باتەريانىڭ وڭ پوليۋس ماتەريالى ەتۋ ارقىلى، باتەريانى زارياتتاۋ ۋاقىتىن بارىنشا قىسقارتۋعا بولادى. لۋ بيڭ – اننىڭ ايتۋىنشا، بۇرىن ليتيۋمدى باتەريا ورناتىلعان قولفوندى ءبىر ساعات زاريادتاعاندا پايدا بولاتىن زارياد مولشەرىن الۋمينيۋم باتەريا ارقىلى ءبىر مينۋتتا جيناۋعا بولادى. بۇدان بىلاي الۋمينيۋم باتەريانى ءبىر ساعات زاريادتاعاندا، قولفوندى 3 ~ 4 كۇن پايدالانۋ ىسكە اساتىن بولادى.
الۋمينيۋم باتەريا ۇزاققا شىدايدى. ادەتتەگى ليتيۋم باتەريانىڭ «عۇمىرى» 300 رەت زاريادتاۋعا جارايدى، تاجىريبە ناتيجەلەرىنە قاراعاندا، الۋمينيۋم باتەريانى 7500 رەت زاريادتاعاننان كەيىن، ونىڭ سيىمدىلىعى نەگىزىنەن ازايمايدى. بۇدان شىعاتىن قورىتىندى: الۋمينيۋم باتەريانى كۇن سايىن 2 رەت زاريادتاساڭىز دا 20 جىلدان كەيىن باتەريانى جاڭا العان كەزدەگىدەي پايدالانا بەرۋىڭىزگە بولادى.
حاۋىپسىز، شىدامدى، تەز زاريادتالاتىن قاسيەتتەرىنەن سىرت، ليتيۋم باتەريامەن سالىستىرعاندا، الۋمينيۋم باتەريانى ءوندىرۋ وزىندىك قۇنى ءبىرشاما تومەن بولادى، مۇنان سىرت، زارياتسىزداندىرۋ بارىسىندا پايدا بولاتىن يوندى ەرىتىندى زالالسىز، ورتانى لاستاماۋ سىندى ارتىقشىلىعى بار. بۇدان بىلاي الۋمينيۋم باتەريا قولفون قاتارلى وتباسىلىق ەلەكتر بۇيىمدارىنان سىرت، ەلەكتر اۆتوموبيل قاتارلى كۇشتى سوققىلار وڭاي تۋىلاتىن جانە جوعارى تەمپەراتۋرالى سالالاردا ليتيۋم باتەريانىڭ ورنىن باساتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
