گۇما اۋدانى: جەر سىلكىنىسىندە بەيقۇت ۇيلەر بەرىكتىگىن كورسەتتى

2015.07.07 13:25   كەلۋ قاينارى : حالىق تورابى

　　ءتىلشى 5 – شىلدەدە گۇما اۋدانى ءپىشىنا اۋىلىنداعى تۇرعىنداردىڭ ۇيىنە بارعاندا، بۇل جەردەگى بەيقۇت ۇيلەرگە جەر سىلكىنىسىندە اقاۋ تۇسپەگەنىن كوردى.

　　حالىق تورابى، 7 – شىلدە، بەيجيڭ. 5 – شىلدەدە حوتان ايماعى گۇما اۋدانى ءپىشىنا اۋىلى باشازعان قىستاعىنداعى مامەتياسىن مامۋت ءتاڭىرتاۋ تورابىنىڭ تىلشىلەرىنە: «كونە ءۇيىمىز قۇلاپ قالدى، بەيقۇت ۇيگە اقاۋ تۇسكەن جوق، وسى جولى جەر سىلكىنىسىندە بەيقۇت ءۇيدىڭ جاقسىلىعىن ،ارتىقشىلىعىن كوردىك، بەيقۇت ءۇيدى ۇناتتىم، الدا بارلىعىمىز بەيقۇت ءۇي سياقتى ۇيگە وتىرساق بولادى ەكەن!»، - دەدى.

　　ءتىلشى ءپىشىنا اۋىلىندا ءبىرتالاي كونە ۇيلەردىڭ اۋىر دارەجەدە بۇلىنگەنىن، ال، اۋىلداعى بەيقۇت ۇيلەردىڭ قابىرعالارىنىڭ سىرتقى سىلاقتارى ازداپ كوشكەنى بولماسا، قۇرىلىمى ەشقانداي زاقىمدالماعان.

　　مامەتياسىن: «جەر سىلكىنگەن كەزدە مەن اتىزدا جۇمىستا بولاتىنمىن، انام، ايەلىم جانە ءۇش بالام ۇيدە قالعان، ۇيدە جان باسىمىز كوپ بولعاندىقتان، كونە ءۇي مەن بەيقۇت ۇيگە ءبولىنىپ وتىرعامىز، قۇداي وڭداعاندا، جەر سىلكىنگەن كەزدە كونە ۇيدە ادام جوق ەكەن، ءسۇيتىپ ءبارىمىز امان قالدىق، كونە ءۇيىمىز ەندى وتىرۋعا بولمايتىنداي ءبۇلىندى. وسىلاي سالىستىرعاندا، بەيقۇت ءۇيدىڭ جاقسى ەكەنىن، جەر سىلكىنىگەن كەزدە باس اماندىعىمىزعا كەپىلدىك ەتەتىنىنە كوزىمىز جەتتى»، - دەدى.

　　شينجياڭدا بەيقۇت ءۇي سالىنعاننان بەرى، بەيقۇت ۇيلەر كوپ رەتكى جەر سىلكىنىسىندە ارتىقشىلىعىن ساۋلەلەندىردى. 2014 – جىلى اقپانعا دەيىن، شينجياڭدا 5 بالدان جوعارى 50 رەت جەر سىلكىنگەن، وسىلاردىڭ بارلىعىندا بەيقۇت ۇيلەر قۇلاماعان.

　　كەلۋ قاينارى: حالىق تورابى